MAZMUR 103:13 - Allah Wene Fano Wene Hupla Inane

^13-14 Aren he, ”It inebe ti mene elalinafigi, kweang abu'ne mene hilingik,” iluk elu andi nen he, ineisugwi nen inagainafuri enendawinggen hundik welagaikharek andi hak, At Tuhan nen he At oba inailorogo welagaikharek mene re, endawirogo welagarek.

MAZMUR 103:13 ပူးပေါင်းရင်းမြစ်များ

MAZMUR 103:11

Oba nen he kweangma nen, pogot halianggen oba liakhugunem mondok uan andi higit, it afuni Allah oba inailorogo welagaikharek mene andi re, mondok hokhorogo endawirinaferek.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

AMSAL 3:12

Eisena nen amlogo endawi hundik logolik komoterek hak, At Tuhan nen ogo afuni At inom endawinggen hundik mene inoba yagaisugu welagarek.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

IMAMAT 26:44

Oba nen he An yire hit hineisena Tuhan Allah welagimo re, it afuni inaselei mene inaiba werek kwelek ogore hit hinebe oboget isaluk lagain lek, nen it inebe inom leget fisagain legat. Nen, An nen it inebe leget fisagain halok he, yi'nogo hilinghinobagagin iluk wene warogo yagahisigi mene a'nogo leget fisigi hanogo.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

BILANGAN 11:12

An nen it inebe na'ma agarik, taginafi nogo? Haren he, afuni omalik kwalogo woginarek nikharek andi hak, it andi an nen woginarek o inambu inombalak wogisagaluk wene warisasigin oba andomaat loagaluk, yaganeten andi nenahalok?

MATIUS 6:32

A'nogo hilingitarek andi mondogat he, it afuni endakwe mene nen andi mene esinet fuluk herarik nikharek meneat he, hit yi nek he, yi mene ti mene legen hinelagaik hak welagep andi, at hineisena Allah pogoroba mene elu welagarego.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

YOHANES 20:17

A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

ULANGAN 3:5

O kota mondogat andire leget fak leget helep oba uanhogo wagane'ma, kwe kwi wagaikharek oba ogore kelok omame meneba yagarek welagaikhe. Oba nen he, o kota fena re leget obaluak leget helep oba waganek legengge welagaikhe.