MAZMUR 103:12 - Allah Wene Fano Wene Hupla Inane

¹² Mo lagai wagarek huli nen ubuk ikherek huli eil uan andi hangge, nit weak hilingitorek mene waganogo yatmaat lakfisikherek.

MAZMUR 103:12 ပူးပေါင်းရင်းမြစ်များ

2 SAMUEL 12:13

A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.

MAZMUR 113:3

Mo ero lagai wagarek oba nen pikhit ubuk ikherek huli andoma nen he, At Tuhan enu nek fogeratu mondok logogun.

MAZMUR 50:1

Asaf Awuni. Tuhan Allah Omame Mondok Hokho mene a'nogo ane ili'lago o, Aren he yi afuni ti afuni o kweangma mo ero fikhit welagaikharek mene huli nen he mo ubuk ikherek huli welagaikharek mene inoba ane humeri'lago.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YESAYA 44:22

Haren weak hilingiti lagen mene re An nen ohena hakhogo palogo lakfigik, Nen haweak hilingiti lagen mene re An nen ohena hikweak meneba nen hakhogo kwe palfigik igirek, An nen mondogat fikhalogo leget figi hilingi'mo re, hambotkwe sugulogo An noba eme o,” iluk ikhe isikhe.

YESAYA 45:6

Mondogat andoma An nen hilingisigin andi re mo eroma nen pikhit erumbul huli andoma mondogaren he ilah amu mene ekhe werek lek, we At amu nek Tuhan werego, iluk inelu asuagen hilingisigin.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

YEREMIA 50:20

Andem sambul he Yehuda mene inom Israel mene inom he An nen afuni inagap telinabigin mene andoma inom inaweak horogo legetfisamo re, weak meneba nen mondogat horek mene logogun. Iluk An Tuhan nen nane mondogat igi o,” ikhe.

YEHEZKIEL 18:22

At fano eberogo mene hilingite halok, at aweak mondogat sagalogo legetfisamo at ebe eluk logogin.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

MIKHA 7:19

Nineisena, hobugen ogo nit hendawi hundik hilingninafik, ninaweak sebelogo legetfisigik ninobagagik, ikhi logoino o. A'nogo hilingninafi logolik niren ninaweak hilingiti lago mene andoma, Hat heisogen sibil sebelisaluk he i laut yenggele'ma ma'lima hugisa pino o.

IBRANI 10:2

It katokhogo horinabilepma re, ”Nit weak hilingito,” iluk inendawimo enggin logolik, menenei ebeti lagaukwa mene andi lek a'lepsik he, inanggo warogo Allah wogosi waga logoilep lego.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.