MAZMUR 103:10 - Allah Wene Fano Wene Hupla Inane

¹⁰ Aren he nit ninaweak werek mene higithogo wene ninoba fikherek lek, Athe niren kwanirogo hilingitorek mene ambisangma higithogo ninoba fikherek legat.

MAZMUR 103:10 ပူးပေါင်းရင်းမြစ်များ

EZRA 9:13

Nineisena Allah, niren Hat Hawene melalek a'nogo sagalogo herakfuluk hilingiti logolik, nit mondogat weak hilingitunem, Haren wene ninoba fegen. Oba nen he nineisena, wene ninoba fegen mene andi re niren wanu aple andi re mondok hogoenggin oba nen he we horok serogo ninoba fegendigen nit ninagap telogo ninobagegen mene andi ninelurek.

NEHEMIA 9:31

A'nogo meneat he, hat hobabut he, nit afuni hokhorogo hendawit ninafendek andi nen, it inebe herakfisaluk wulil tagalogo legetfisigi'lek welagagin andi. A'nogo hilingitendek andi re, hat Allah hamu aro. Hat hobabut fano nen mondok hendawitninafendek andi.

AYUB 11:6

Nen, hebelogo wenggelhu mene andi re ero hokhorogo hilingi'mo re afuni nen mondok fut fili'lagwi lek iluk andi re we At Allah nen enek yagahesuak. Andiba re hat hafe hebelasimbik he, an unggum wo'nesu mene re mondok hokho-pokhorek oba nen he, we endebat yi noba fikhemo iluk anggikhi logoino.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 130:3

Nineisena Tuhan, niren weak hilingiti lago mene andoma, hendawimo eberek mondok welagen halok he, sa hagen endawinggen sebel fakhaluk, kamo u hak nogo?

RATAPAN 3:22

Tuhan nen endawi hundik nafe mene andi re mondok-mondok logogin mene, At endawimo fanoba hilingnaferek mene andi re lek asigin mondok lek,

HABAKUK 3:2

”Tuhan neisena, Hat hobabut hilingiti lagen mene andoma nesanggo holhiresik he, nendawimo nen Hat hobaget hilingisu hagenek hilingnabi'lago o. Attak hilingiti lagagin andi hak, yogondak ekhe hilingitik, weinamet figik, ino. Ha'mage lagakhi logoligat he, hendawit ninabin o.