MAZMUR 102:4 - Allah Wene Fano Wene Hupla Inane

⁴ An neluk yire so'le palogo lek agarek hakhogo legari'lago, Nen an noak he endu wabunak ninggerek hakhogo fulung eri'lago.

MAZMUR 102:4 ပူးပေါင်းရင်းမြစ်များ

2 SAMUEL 12:17

A'nogo were'ma, agoromi kaindek mene oba kuluk, ebe menlasuagaluk yagati lagaukwa meneat he, inane esanggo holhi'lek herakfisaluk, ebe menla'luk sumburu inom ninggi'lek kamo ikhi lagaikhe.

EZRA 10:6

A'nogo yagaisasigimo re, it a'nogo mondogat hombuk palhukwasik he at Ezra a'nogo Tuhan Aiba elokhoma omanogo nen lagaikhesik hun Elyasib amlogo Yohanan were'ma omanogo kwi lagaikhesik he, it afuni hele warogo huginabi lagaukwa mene omanogo nen hilingitukwa mene andi faget wenggelhi logolik he endawimo mondok weak agaikhemo re sumburu inom i inom ninggi'lek welagaikhe.

AYUB 10:1

An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.

AYUB 30:30

Nagap he mondogat wul-palurogo hilingla'luk he nebe enggen wokhigik laga-lagi, nebene aganhan nen he, nebe mondogat endu na hak hilingnabi'lago.

AYUB 33:20

Ap ou wanherek mene a'nogo re amburu, agai nunggu mene mondogat abit agunem he, nunggu mene enduk miksek meneba nen ogore alabutmo hebak afe ari'lago.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

MAZMUR 102:11

An he Hat ha'mage lagali'lago mene andiba, hambokhogo hu'niugunem welagirek andi.

MAZMUR 102:9

It naselei mene nen he linggene hundik-handik an puliarogo pela'nafu mondok werek, it ap an wena'neri'lagwi mene andoma nen he an nenu igisogo homan i'nobagagunem welagi.

MAZMUR 42:6

An nenahalok nendawimo warikhi logolik weak logogin nogo? Haren telnabigin iluk, hoba eberek mondok logogin o. A'nogo telnafunem, hobuk neisena Allah telnafendek mene hai wathafik fogethafik, iginat anggikhi lagi o.

MAZMUR 69:20

Afuni inendawimo seramet nobagaluk inane na'malolo wo'niikhi logolik, nenggali warogo hilingnabi'lagwi andi Hat he helu welagen o. An naselei mene inebe mondogat heilenggen isikhi lagen.

MAZMUR 77:3

An noba nonghonghogo logolik At Allah ba samban ikhi lagi, nenggi senap higi'lek At oba liabek mondok welagi, oba nen he nendawimo kon nobagali'lago lek.

YESAYA 40:7

Tuhan nen sogoi aganhan mene funha wagunem he engga puk agik owil-owilengge sawet agik ikherek hak. Eberogo nen he unggulenu ari mene re engga hak werek.

RATAPAN 3:13

At andok he an nebeba fo'lokhogo noasi wagasik, nendawinggen kagaukhogo noate.

RATAPAN 3:20

Andi faget hundik-handik ebeti logolik were'ma nen enek he an nendawinggenma enggin mene kwelaknobagali'logo.

KISAH PARA RASUL 9:9

Waluk kwisukwama, enggi henagan logolik he, yi mene ti mene eilenggen higi'legat, sumburu inom, i inom, ninggi'legat mondok welagaikhe.