MAZMUR 102:2 - Allah Wene Fano Wene Hupla Inane

² Tuhan neisena, an nen samban ikhi lagi mene andi hesanggo holnabin o, nane hoba ikhi lagi mene andi Hat hesanggoma asi waga logouwak.

MAZMUR 102:2 ပူးပေါင်းရင်းမြစ်များ

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 13:1

Afuni nen wuni wulak fuluk inebe seberogo ugu mene melalinafu mene faget. Daud awuni a'nogo.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 17:1

Wene eberogo mene nek hilingnobagain, iluk henu hombuk palhi lagi mene andi hesanggo holnafi logoin o, Neisena Tuhan, an nendawinggen mondok pikhithogo hilingik logolik samban hoba kino yagaheti lagi mene andi re futnobagakhi logoin o.

MAZMUR 22:19

Iren he an nasu omanogo sumburogo heligik, Nasu pisarek endakwe labeti lagi mene omanogo re, sumburogo helouwogoluk oagengge lakfigik wakfigik aga o.

MAZMUR 27:9

enggere, an nagaiserogo hi na'lasu fuk,” iluk ikhi lagi. An weak were'ma Harenat lebetniikhi lagagindi'mo re, yogondak an hamingmingengge yi noba ha'mage figik, habiret nobagagik ugun o. Hat neisena Allah re an nagap telnafi lagen mene welagenma re, Haren an ekhema hukniigik, hesanggema nobagagik u fugo, neisena.

MAZMUR 31:2

Tuhan neisena, an he Hat hoba lomborogo welagimo re, afuni nen an nendawimo ale mene hilingnobagauwageluk herak nobagagun o. Haren he mondok katokhogo nek hilingiti lagen a'nogoba an nagap telogo nobagain o,

MAZMUR 40:13

An weaget nabugun mene re nenggi wenasu mondok elo'lego, nabel fena-fena walingisi we'luk werek. Nen an nen weak hilingitirek mene andi re, nesi nungguloa'ma andoma endebat hangge meneat he, naweak mondok hokhorogo werego, a'nogo were'ma mu'narek nikho andi. Andi nen he an nen neilenggen ha re elo'lego. An nebe nobakheindok palagarik he, an nen hilingisu re, elo'lek ari'lago andi.

MAZMUR 69:17

Neisena Tuhan hobabut fano logolik, hendawit nafu welagen andi nen he, nane holimbik onggo yaganom o. An noba hendawinggen hundik mondok welagen andi nen he, helokhe hebelhogo an wo'nesime o,

MAZMUR 70:1

Afuni nen wuni wulak fuluk inebe seberogo ugunem yanggulinafu mene faget. At Daud en endawi wenggelogo wam warogo fei waga logolik isikhe mene.

MAZMUR 71:2

Hat he katokhogo nek hilingiti lagenma re an fikhalogo nobagain o, an nane hesanggo holfuluk nagap telnabin o.

KELUARAN 2:23

Tahun hokhorogoat welagaukwasik he, at raja Mesir mene a'nogo ebe arat wa'lagaikhe. A'nogo wa'lagaikhe meneat he, afuni Israel mene, it Mesir mene nen inamingmingengge hangge ferinarek logolik enggin-fenggin inoba fikhi lagaukwa andi nen, ”Allah nineisena, telninabin o,” iluk yagatu mondok welagaukwa mene andi, inane Allah were'ma lagakhi lagaikhe.

KELUARAN 2:24

A'nogo lagagunem, Allah nen inane esanggo holhikhesik, Abraham inom, Ishak inom, Yakub inom, wene warisasikhe mene a'nogo endawimo ebetikhe.

YESAYA 43:2

An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

YESAYA 8:17

Tuhan ebe At againafuri Yakub en tagomangge mene inoba nen hina'lagaba nen he an nen hobuk fano asigin iluk At oba nendawinggen himbirik logolik mondok welagi o.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.