MAZMUR 102:1 - Allah Wene Fano Wene Hupla Inane

¹ It afuni inoba enggin-fenggin ugu mene nen inoba lebelekhogo logolik inane elagaikhogo Tuhan oba samban agarek mene.

MAZMUR 102:1 ပူးပေါင်းရင်းမြစ်များ

2 TAWARIKH 30:27

It ap imam omanogo inom, it Lewi inap inomen he, afuni omanogo faget Tuhan nen fanot fisoageluk kino yagatikhemo re At Allah ebe were'ma pogoroba omanogo nen esanggo holhikhesik he, iren kino yagatukwa mene a'nogo re wanhikhe andi.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 143:4

An nagaiyek werek mene a'nogo mondogat pugunem he, nendawinggen nonghong ugunem welagi.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 145:19

Aren he it afuni At oba inailorogo welagaikharek mene inoba re, inendawimo agaiyek mene hilingfisigik, iren inane hombuk palhu mene esanggo holhik, inebe telogo fisigik, ikherek.

MAZMUR 18:6

Wa'lagaikharek mene a'nogo nen he an haningisogo kwelaknabi weri'lagwi, nen wa'lari'lagwi mene andi re hele wepsek were'ma hakhogo an neralukwe a'nogo wepsek logolik werek.

MAZMUR 39:12

Afuni re it inaweak hilingitarek onggo Haren unggum inoba figik, kotik, ikhi lagen, eberogo nen he nit afuni andi re heleage futhugunem hangge welago. Nen, Haren mumlel alperel isagarek higit perelisamo nen he, at oba elokhe pugunsek mene ekhe logou hak nogo? Elo'lego.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 5:2

Tuhan neisena, an nen nane ikhi lagi mene yi holnafik, nendawi ouen ugu mondok welagi mene yi futnobagagik in o, neisena.

MAZMUR 61:2

Neisena Allah an nane kwetu welagi mene yi hesanggo holin o, Nen an nen samban ikhi lagi mene andi fut nobagakhi logoin o.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

MAZMUR 77:3

An noba nonghonghogo logolik At Allah ba samban ikhi lagi, nenggi senap higi'lek At oba liabek mondok welagi, oba nen he nendawimo kon nobagali'lago lek.

KELUARAN 2:23

Tahun hokhorogoat welagaukwasik he, at raja Mesir mene a'nogo ebe arat wa'lagaikhe. A'nogo wa'lagaikhe meneat he, afuni Israel mene, it Mesir mene nen inamingmingengge hangge ferinarek logolik enggin-fenggin inoba fikhi lagaukwa andi nen, ”Allah nineisena, telninabin o,” iluk yagatu mondok welagaukwa mene andi, inane Allah were'ma lagakhi lagaikhe.

RATAPAN 3:44

Hat hanini re o hena mondok hik mene andi hak hilingi'mo re, Niren samban ugu mene re fanorogo lagai wesu re, elo'lek ari'lago.

RATAPAN 3:8

An lebetnabuageluk neneik yabati logolik kinoti lagiba nen Allah nen an nane esanggo holu re abit.

LUKAS 22:44

Endawinggen ago watfesikhe mene re, endawimo mondok weak logolik hobuk samban engginhogo ugunem, likhak mep hangge mene tephigik kweangma ting-tung pisikhe.]

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

HAKIM–HAKIM 10:16

Andi isukwasik he, iren inanggembu alik waganek mene omanogo hugisasukwasik Tuhan apne wanhukwama re, it enggin fengginhogo logolik hilingiti lagaukwa mene a'nogo Allah nen isasikhesik endawi ou hasikhe.

1 SAMUEL 9:16

”An nagainafuri afuni Filistin mene nen ferinarek logolik weagerinafunem, an nen telinabuageluk le aga logolik kino yaganeti lagaikha mene andi, inane an arat nesanggo holhirik, o hobit huberat siakhogo o mo ya higirat ap ekhe unggulenu Benyamin mene hinom ambi asuagaluk hoba lakfei wesigin a'naga o. Andi nen he, hemberek ambi agep halok he, at andi nen an nagainafuri Israel mene telinabigin a'naga re, haren, inoe enupogot logouwagaluk amusu unggul oba kweisalogo menfeino o,” iluk yagatikhesik oba nen emberek a'nogo ambi agaukwa andi.