MAZMUR 101:5 - Allah Wene Fano Wene Hupla Inane

⁵ Ap ekhe nen wene ero le'maat linglong engge are ekhe abok palogo weaget fagain mene andi re, an nen eiloak leget fagain. It ap inendawimo leget fakhikhi logolik wonoget fakhagarek mene re, An nen ekhe fisikhi logogin mondok lek.

MAZMUR 101:5 ပူးပေါင်းရင်းမြစ်များ

MAZMUR 138:6

Hat hebe lego mondok logolik hokho hagun welagen, oba nen he it mondogat sebelek mene re Haren futfisikhi lagen enek, ap wonoget fakhagarek mene re Hat helokhoma nen hina'lasu lek hak.

MAZMUR 15:3

it inerugi inagaila'lak wene inoba le'maat, ineranen wene inoba fagarek lek mene inom, inerugwi inagaila'lak weagarinafarek lek mene inom, Afuni inom welagaikharek mene inenu weak hilingisogo fisagarek lek mene inom,

MAZMUR 18:27

Nen, it afuni inebe enogo fakhaluk werek mene omanogo inoba re Haren ogo mondok horek welagen mene a'nogo weinamet fikhi lagen, oba nen he afuni weak hilingitarek mene inoba re Hat hinom weim palek welagen.

MAZMUR 50:20

Hiren he it hinagaila'lak mene omanogo sebelogo fisigik, nen hinagaila'lak hinamep lak mene omanogo inabok palhik, hilingitu welagep.

KELUARAN 20:16

Hineranen wene afuni ekhe inabok palhubo.

KELUARAN 23:1

”Wene ineranhogo wene andi wialhi logou fuk, ap inobabut weak mene nen wene ineranhogo wene fagesugun mene andi leberisa fuk.

AMSAL 10:18

Ap ekhe nen abit anggikherek mene andi endawimo hinago werek halok he, ap lalinaferek menere ebe andi aro, ap ekhe ane nen lalogo sagarik laga halok he ap andi kembu mene werek.

AMSAL 20:19

Ap ekhe nen it ekhe inabok palhu aple inagaiyek werek mene nen he wene ekhe hinago mene sebel fou lek hak, ma re, ap ane hokhorogo yugunat ikherek mene inom he sebesu fuk.

AMSAL 21:4

Ap a'mage weak mene nen wene weak mene hilingiterek andi re, leget fakhikherek mene inom foget fakhikherek mene inom endawimo peterogo werek andi nen hilingiterek.

AMSAL 25:23

O sogoi abel utara fikhiren funha wagarek mene andiba meiso waluk wagarek, andi hakhogo aben it ekhe hilingik mene faget inabok tindelharek mene andi re ambisangma yei wene palharek.

AMSAL 30:13

It ekhe nen he, an enek he fano nagun welagi, ibi-eberogo nenat he, mondok fano nagun welagi iluk anggikherek.

YESAYA 2:11

Ap winik-wonok agarek mene andi re sebelfisigik, nen ap inonggaregen leget fakhagarek mene re pelakfisigik ugun. We Tuhan hamu nek legeisogo fikhi logogun.

YEHEZKIEL 22:9

Afuni haren mene oma it ekhe nen he ap amu mene nen inoasuageluk wene inane nen lalogo weagerinabi'lagwi. Nen ekhe re kembu anggo warogo fugu mene eino nouwogeluk inamolorogo hilingitu mene weregat. It fenakwe ekhe re helime tugum hesangge hilinginabuogeluk inamolorogo hilingitu mene weregat.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

IMAMAT 19:16

Hineisena Tuhan he, Anat andi nen, hit hinobabut hilingisugun oba nen afuni hinom welagep mene ekhe wa'lasinogo iluk, afuni hit mene ineilhanem at ekhe abok weak ilik-ilik wialogo fogoin mondok lego.

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

1 KORINTUS 5:11

A'nogo yagahisasigi andi re, wene ebe yi'nogo. At ekhe nen ikhi logolik he: ”An hinagailak Allah amlogo aro,” iluk ikhi logoligat he, pailak fakfisigik, ami'mik weak hilingitik, tugwi kembu oba himbirik logolik fogeratik, ane puk weak wenagisigik, amusu lugulugwi paluogeluk nenggarek a'nogo mene nunggu mondok welagik, afuni lalinafik, ikherek andi hangge mene inebe hinom lambukhogo logogun legat, sumburu hinom ninggi logogun legat, iluk yagahisasigi anggigi.

1 TIMOTIUS 3:11

Andi hagat he, it andi inagagwi inoba haro logolik inane yonggo waluk nikharek lek mene halok, weak hilingisuageluk inendawimo kagalhunem sebelhaluk werek mene halok, inobabut lenurek mene halok, inobabut ariginik mene halok, inaguni leberisugu mene logouwageluk menfisogoino.

TITUS 2:3

Andi hagat he, it hemi inaluendek mene andi, afuni Allah awe a'ma logolik, inobabut higithogo hilingitarek hak, hilingiti logolik, afuni ekhe inabok weak palhi'legat, inogogwi kaindek inawe a'ma welagaikharek hak, i anggur enggen amusu amingmingengge hak logolik, inabit agi'lek nenggarek a'nogo ninggi'legat logolik, iren it ekhe fanorogo hilingiti logogun mene faget, yagaisikhi logouwageluk komorinafi logoino aro.

1 SAMUEL 2:3

at ege ebe were'ma yagasu hak, mel isikhe: ”Hat nege nen heranen weneat honggwarek fogerakhigik, sewirakhigik ikhi logolik, yaganesigin mondok lego. Nineisena Tuhan yi mene ti mene faget futfikherek enek hilingi'mo re, afuni inobabut hilingitarek lombok mondogat higithogo nek wene inoba figik, kotik, ikherek andi nen, hat heranen wene an nabok piliphogo pela'nafi lagen mene andi re elugun warogo hane tonggok in o.