MAZMUR 101:3 - Allah Wene Fano Wene Hupla Inane3 Weak hilingitarek mene andi re ekhe logouwageluk herakfagain mondok lek, wene weak mene inoba fuluk hilingitarek mene andi re an he mondogat nabit, Wene ariginik mene andi re an noba ekhe logogin mondok lek. အခန်းကိုကြည့်ပါ။ |
MAZMUR 101:3
44 ပူးပေါင်းရင်းမြစ်များ
At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.
Iren An nane sagalogo herakfisagasik, hunogoat mene ekhe hilingita o. Inalilingge emas mene lebelekhogo weragaisogo tugwi kembu sapi hangge ekhe hilingitasik he, anggo warogo endu noletasik fogerata o. A'nogo fogerati logolik, mel aga: Tugwi kembu Allah hangge o Mesir en wo'ninarek waga mene ebe yi o, iluk aga.
Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.
Hiren ambi hinane ugu mene inom, hilingitu mene inom, eberogo nek hilingitu halok he andiba nen hit hinebe elok hambuget hogoin o. Hiren nit hokhorogo helogoin iluk afuni inenggi lek mene inangge hinomameba telogo hela fuk, nen, uang inenggi a'makwe helugu mene wanhi logou fugat, nen ap inaniniba hilingisugun iluk wene palhu mene inom ap wasugun mene iluk weim abok ugu mene inom andoma hinom hilingisu fugaro.
Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.
Hit hinagaila'lak inoba weak mene hilingfisogoin iluk inabok palu fuk. Nen, hineranhogo hinane nen lalogo hombuk palu fugat. An he, ineranhogo wene agarek mene inom tiphogo hilingitarek lek mene inom, ina'mageba hilingfisagarek mene inom andoma re nabit inoba fisikhi lagi o,” iluk yagaisugunem holhi.
Yi mene ti mene mondok homan oba werek mene andi re, hit hinonggwarek faget iluk ogo ekhe fakhogoin mondok lego, abirengge mondok pin tagalogo fisamo, At Tuhan a'mage hit hinoba logogin mene a'nogo leget fikhi logolik hit hinoba endawi hundik hilinghinafik, endawi sakhorek oba hilinghinafik, Aren hit hinombawi inunggulenu hokhot fisikhi logolik fanot fisasikhe hakhogo, hirogo a'nogoat hilinghinabigin.
Hiren wenggelu weak mene andi hinendawimo kumo tahun oak wogisagarek oba a'nogo arat horok agama iluk ombalegengge a'nogo oak wogetu aple herak fisogoin andi re fuk. Hiren ap a'nogo ombalegengge wo'nom iluk kino ikhe mene wogosugun lek halok he ap andi nen hineisena Tuhan oba a'nogo hilingita iluk eluet foumo, hit afuni yi kwanirogo hilingitarek mene iluk anggogoin andi re weak.
It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.
”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.
ကြော်ငြာတွေ