MAZMUR 100:5 - Allah Wene Fano Wene Hupla Inane

⁵ Tuhan andi re mondok fano, nen Aren endawi hundik hilinginaferek mene andi re mondok-mondok logogin mene. Nen ninebe ta'larik lagu kwelek, At he ninoba lombokhogo logolik higithogo mondok hilingiterek, iluk wuni watukwa.

MAZMUR 100:5 ပူးပေါင်းရင်းမြစ်များ

1 TAWARIKH 16:34

Tuhan andi re mondok fani-fanore'ma re hai wati logoni o, Aren endawi hundik hilinginaferek mene andi re mondok-mondok logogin mene o.

EZRA 3:11

A'nogo fogeratu kwelek, it afuni mondogat omanogo nen ineisena Tuhan fogeratu logolik wuni elugun warogo hobugalep agap sagalogo watu logolik, yi'nogo ikhi lagaukwa: ”Nineisena Tuhan andi re fano mondok logolik, nit afuni Israel mene ninoba endawi hundik ninafu mondok welagarego,” iluk wuni watunem, o Tuhan awi a'nogo wusuogeluk, o tik arat watukwa. A'nogo watukwa andi nen he, afuni omanogo mondogaren inendawimo inagaiyegen he a'mit sup igik, wuni watik, ikhi logolik, ineisena Tuhan fogeratukwa.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 106:1

At Tuhan andi re ebe fano mene logolik, Aren endawi hundik ninaferek mene a'nogo re etok mondok logoginmo re, At oba hai watu mondok logoni o.

MAZMUR 107:1

Tuhan obabut fano andi nen, hai wati logouwogo o. Aren endawitninafu mondok welagarek andi nen, fogeratu mondok logouwogo.

MAZMUR 107:15

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik ubaat ikhi logouwak.

MAZMUR 107:22

Iren he, yi mene ti mene At faget fisaluk waluk waga logolik, At hai wati logouwak. Nen At obabut hilingiti lagaikhe mene andoma it afuni ekhe fakhogo yagaisikhi logolik he wuni inanggilukhogo wati logouwak.

MAZMUR 107:8

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik u higit obaat ikhi logouwak.

MAZMUR 119:68

Hat hebe fano hagun logolik, fano mene nek hilingiti lagenma re, Haren wene melalek tekhogo fesigin mene andoma an yanggulnafi logogin.

MAZMUR 138:8

Haren an wene watnetigin mene a'nogo higithogo tibet fikhi logogin, it Hat hagainafuri mene inobaget hilingiri'lagwi mene andoma palfou fuk.

MAZMUR 146:6

Arenat pogot inom kweang inom elalhikhe, i laut inom, nen elonggoma welagarek mene andoma inom he Arenat elalhikhe. At he mondok-mondok andoma tiphogo nek hilingitu welagarek.

MAZMUR 25:8

At Tuhan andi obabut he fano logolik higithogo nek hilingiterek mene hilingi'mo re, afuni inendawinggen nonghong ugunem, kwe logoinkwe yagaisikherek.

MAZMUR 36:5

At ebe nogoikherek oba omanogo nen he weak hilingitu mene faget wenggelherek, At obabut he fano hilingiterek mene ekhe werek lek, nen weak mene re nabit iluk herak fisikherek legat.

MAZMUR 52:1

Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

MIKHA 7:20

Hagainafuri Abraham inom, Yakub inomen tagomangge mene andoma, ninombawi attak welagaukwaba honggwaregen henu hombuk palogo wene warisasigin andi nen he, Hat hebe it inoba hendawi hundik logolik he tiphogo hilingfisikhi logoino o, neisena.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

LUKAS 1:50

Afuni mondogat, attak ta'lagaukwa mene inom, ket ta'lagaikha mene inom, hobuk ta'lasugun mene inom, at ebe inailo were'ma endawi nen fano hilinginafi logogin o.

ULANGAN 7:9

Nineisena Tuhan Allah ebe amuat logolik, obabut wene wa'nisikherek higithogo hilingiterek andi oba eberek mondok logoino o. Afuni nineisena Tuhan ebe inendawinggen hundik logolik, Aren, Yi'nogo hilingiti logoino, ti'nogo hilingiti logoino, iluk komotninafikhe wene andi hologo hilingitunem, Aren inebe endawi nen leberisugu mondok were'ma, wene wa'nisasikhe mene andi ebe higithogo mondok hilinginafu kwelek inagainafuri 1.000 huli ta'larik laga logogun andi.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.