MAZMUR 100:4 - Allah Wene Fano Wene Hupla Inane

⁴ Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.

MAZMUR 100:4 ပူးပေါင်းရင်းမြစ်များ

1 TAWARIKH 29:13

Yogondak he, Nineisena Allah, niren Hat hai wathafik, Hat henu mondok lego mene andi fogethafik, ikhi lago, neisena.

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

MAZMUR 122:2

Yogondak he nit o kota Yerusalem leget pa'leget wuri'mo kwe ambe pale'ma arat kwi wago.

MAZMUR 122:4

Nineisena Tuhan nen he, ”Hit yi'nogo waga logoino,” iluk isikhe higithogo, At againafuri Aren wenaginafe mene inunggulenu lombok hai wati logouwogeluk o yoma waga logogun.

MAZMUR 65:1

Wuni it ekhe nen wati logouwagaluk, Daud en felalogo watikhe mene.

MAZMUR 66:13

An nen he Hat hobaget hobagaluk Hat Haiba nolhesugun iluk fugu mene omanogo an nolhesi waga logogin, nen an noba enggin fengginhogo logolik,

MAZMUR 95:2

Niren wuni hai watu awuni warik-warik At were'ma louwogen we'ni o, wuni At fogeratu awuni ikhi logolik hinagaiyege'ni.

MAZMUR 96:2

At Tuhan obaget wuni wulagaisogo wati logolik he At enek fogerati logoni. Aren nit ninagap telninafe iluk linggene hundik-hundik wene inagaiyek mene andi wialhi logoni.

MAZMUR 96:8

At enu mondok horek welagarek mene andi nek fogerati logoni, At obaget yi mene ti mene wogotu mene waluk we'luk At awi wuri'mo fei waga logoni.

MAZMUR 99:3

Iren he At enu mondok fano hore'ma, andungdang hokho welagarek mene andi nek wuniba fogerati logouwak. At Ebere fano horek mene werek!

YESAYA 35:10

Afuni Tuhan nen inagap telinabigin mene re inambotkwe sugulogo o kota Yerusalem inagaiyekhogo kwi waga logogun, it inagaiyek hokho mene asumo inelokhe heanerogo logogun. Iren inagaiyek higik, inanggilugetik, ikhi logogun. Inendawi ou hagarek mene inom, anggolo hurane hagarek mene inom andoma mondogat legasigin.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.