MAZMUR 100:3 - Allah Wene Fano Wene Hupla Inane

³ At Tuhan andi ebere, Allah werek a'nogo hinendawimo ebe'no. Nit ninebe re Arenat elalninafikhemo re, At onggwarek meneat welago. Inanggo tegelharek andi hak, ninebe At againafuri mene welagoma, Arenat tegelninafu welagarek.

MAZMUR 100:3 ပူးပေါင်းရင်းမြစ်များ

2 RAJA-RAJA 19:19

Afuni inunggulenu lombok o kweangma yi awi ti awi welagaikharek mene nen he, Tuhan Allah re we Hat ami-amuat welagarego, iluk inelu asuageluk nit ap Asyur mene nen ninoasuogoluk ili'lagwi andi telninabino o, neisena,” iluk yagatikhe.

1 TAWARIKH 16:14

At andi re nit nineisena Tuhan Allah a'nogo, e hu Aren wene tekhogo ikhe mene andi re o kweangma yoma mondogat faget, e hu

AYUB 10:3

Haren ebeti logolik he, An nonggwarek nenggi nen elalhi mene ari re enggin-fenggin oba fou higit obaat fikhi lagi iluk anggikhi logolik hilingiti lagen a? Nen it ap weak hilingiri'lagwi mene inoba re Haren fanot fisikhi logolik meneat.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

MAZMUR 12:4

Tuhan nineisena, iren ap inendawi wanuogeluk inawene tindel fano agarek mene andi inom, nen inambele hokho a'luk agarek inap andi inom Haren inambele to'mot fisan o, neisena.

MAZMUR 149:2

Yago, hit Israel mene yi, hinebe elalhinafikhe mene andi faget hinagaiyege'ni, Nen hit afuni o Sion welagep mene yi re, hit hinoe raja andi faget hinanggilukhogo fogera'ni o!

MAZMUR 46:10

Yi afuni ti afuni o kweangma mondogat weim yafunem he, Aren legeratik, sikhe togengge mondogat lilibukhogo figik, inebe inoasinogoluk, sige kabelek enggat sugul isigik, inangge kereta weim yafarek mene mondogat endu nolhik, ikherek.

MAZMUR 78:52

A'nogo hilingfisaluk he, Aren it againafuri a'nogo domba esa uluk-pambialhogo hilingik welagarek hakhogo o leikwe omanogo nen woginarek lagaikhe.

MAZMUR 79:13

Andiba re nit Hat againafuri hanggo domba Haren halninafi lagen mene nen he, ninenggi mondok-mondok andomaba Harenek hai wathafu welagik, nen mo lagagik pigik ugu kwelek andomaba Harenek fogethafu welagik, hilingitu logogun o.

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

KELUARAN 6:7

An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe.

PENGKHOTBAH 12:1

A'nogo isikhesik he hobuk ekhe mel isikhe: ”Hit hinebe logombigen hobuk arat yaman asimbik yi tahun ti tahun logolik, hinendawimo hinagaiyek higi'lek weak enek hikhi logogun andi nen he, hineisena Elalhinafikhe mene oba ebeti logoino o.

YESAYA 63:11

A'nogo hilingitunem he, iren o attak, at Musa Tuhan amingmingengge mene a'nogo were'ma hilinglaga lagaikhe mene omanogo ebethikhi logolik mel aga, ”Tuhan At againafuri i laut yenggelek mene palogo woginarek wagaikhe mene a'nogo re koma werek nogo? Nen At Tuhan omame it inoba wogisikhi lagaikhe mene a'nogo re koma werek?

YESAYA 63:19

Nit ninebe hat henggiba fetninarek welagi'lek meneh hangge hilingninafik, afuni nen, Hat henu uluk, ”It inebere At againafuri o,” iluk agarek lek mene hangge hilingninafik ikhi lagen o,” iluk yagatukwa.

YESAYA 64:7

Haren he, ”It weak hilingiri'lagwi andiba inebe lek akhoak he,” iluk ninagaiserogo helokhe hinago welagen andiba re, nit ekhe nen henu hombuk palogo samban ogorek mondok legat. Nen, Haren lebetninabuageluk ninane ninghogo yagahetorek legaro.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

YEHEZKIEL 34:11

Tuhan Lego Mondok welagarek mene nen ikhi logolik, ”An nonggwaregenat domba andoma heraginabimbik halinafi logogin,

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

ULANGAN 32:15

Tuhan againafuri mene, inangge hokhorogo hilingfisasikhe, A'nogo meneat he, Allah ebe ninabit iluk, folim hibitukwa andi, It inamburu ninghogo ninggi logolik, inebe hokhondek welagaukwa, Inebe a'nogo logolik, Allah elalninafikhe mene, herakfisaluk wulifukwa, Allah omame hokho logolik, telninafikhe mene herakfisasukwa.

ULANGAN 32:6

Nineisena Tuhan nen he, fano hilingninaferek mene faget, hiren onggo a'nogo, hilingisu mene hilingiteba? Hit hinobabut kembu hangge, hinendawimo ebesugun elo'lek, hineisena At amuat werek lek nogo a? Aren elalhinafikhe lek nogo a? Hit hinunggulenu re, misigat mene logouwagaluk, wenakhinafikhe lek nogo a?

ULANGAN 4:35

Hit hineilhanem mondogat a'nogo hilingitikhe andi, Aren he, Hineisena Tuhan Allah An nalegat. Ekhe lek, iluk enegat asuageluk hilingitikhe andi o.

ULANGAN 4:39

Pogoroba inom, kweangma inom, nineisena Tuhan Allah ami-amuat welagarego. Amu mene ekhe lego. Andi nen he, o yogondak yi huli nen At oba hinonggoragi'lek eberek mondok logoino o.

ULANGAN 7:9

Nineisena Tuhan Allah ebe amuat logolik, obabut wene wa'nisikherek higithogo hilingiterek andi oba eberek mondok logoino o. Afuni nineisena Tuhan ebe inendawinggen hundik logolik, Aren, Yi'nogo hilingiti logoino, ti'nogo hilingiti logoino, iluk komotninafikhe wene andi hologo hilingitunem, Aren inebe endawi nen leberisugu mondok were'ma, wene wa'nisasikhe mene andi ebe higithogo mondok hilinginafu kwelek inagainafuri 1.000 huli ta'larik laga logogun andi.

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

1 PETRUS 4:19

Hit Allah endawimo anggasikheba at hinoba yi enggin ti enggin a'nogo hikhi lagep halok he, hinendawimo nen he, ”At ninebe elalninafikhe mene andiat oba himbirik logogun he, fano,” iluk hinendawinggen at oba eberogoat himbirik logolik hinobabut fano hilingiti logoino.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.