MAZMUR 100:1 - Allah Wene Fano Wene Hupla Inane

¹ Yi mene ti mene Allah wogosuogeluk hai warogo apne wanhi logolik wuni watukwa wene. Hit afuni o kweangma yi awi ti awi welagep mene hineisena Tuhan hinane a'mit suphogo, hai watik, fogeratik, ikhi logoni o.

MAZMUR 100:1 ပူးပေါင်းရင်းမြစ်များ

MAZMUR 145:1

Daud en wuniba Allah fogeratikhe mene. Allah neisena, Hat he Raja an neisena welagenma re an nen legeisogo hobagakhi logogin, Nen Hat hobaget mondok-mondok andoma fogethafu logogin.

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 47:1

It ekhe nen wuni wati logouwagaluk, ap Korah werekwe mene nen wuni felalogo watukwa mene.

MAZMUR 47:5

Nit Yakub en tagongge mene re, Aren nit ninebe endawit ninafesik, nit ninanggweang eise a'luk logouwagaluk he, wenagaisogo wo'nisasikhemo ninalonghogo welagorek andi o.

MAZMUR 66:1

Afuni nen wuni wulak fuluk inebe seberogo ugunem melalinafu mene faget, wuni misik felalek mene. Yago, hit afuni o kweangma yoma welagep mene mondogaren he At Allah obaget hinanggilukhogo fogerati logoni o!

MAZMUR 66:4

Afuni o kweangma yoma werek mene mondogat he Hat ha'ma sebe i we'luk, iren wuniba Hat henu nek fogethafu werego,” iluk ikhi logoino.

MAZMUR 67:4

Allah, nit nineisena, yi afuni ti afuni inunggulenu lombogen fogethafu logouwak, afuni o kweangma ekhema-ekhema welagaikharek mene nen hai wathafu mondok logouwak.

MAZMUR 68:32

It ap o Mesir mene kaindek-kaindek omanogo re no tembaga waluk weri'lagwi, Nen it Sudan inap he weak weakhogo nek Allah were'ma onggo fei weri'lagwi.

MAZMUR 98:4

Yago, hit afuni o kweangma yoma welagep mene mondogaren he At Tuhan obaget a'mit suphogo hinagaiyegeti logo'ni! Hiren hinagaiyegeti logolik wuniba Tuhan ebe fogerati logoni.

ZEFANYA 3:14

Yago, hit afuni Israel mene re hinagaiyegeti logolik wuni wati logoni o! Hit Yesusalem hinap he, hinendawimo nen mondogat hinagaiyegeti logoni!

ZAKHARIA 14:9

Andiba re, Tuhan ebe yi afuni ti afuni o kweangma welagaikharek mene inebe mondok faget inoe raja logolik melalinafi logogin. Nen, afuni inebe lombogen At Allah amu oba inendawinggen himbirek fuluk logogun, nen, we At amu Enu nek inelu logogun.

LUKAS 19:37

Talik lagaukwasik he, o Yerusalem horokhogo asi lagaukwasik, kwe tom Zaitun oba nen pagarek oba andoma puogeluk he, at agoromi ombo'ne nikhi lagaukwa mene inebe hokhorogo omanogo, at Yesus hilingisu lek mene elalinat hilingiti lagaikhe omanogo ineilenggen hikhi lagaukwa andi nen he, inendawimo inagaiyegeti logolik inane hokhorogo a'mit suphogo Allah fogerarik pisukwa.

ROMA 15:10

Ekhe mel iluk lisu palek weregat: ”Hit afuni endakwe mene it Allah againafuri aren wenaginafikhe mene hinom hinendawimo hinagaiyek hikhi logoino o,” iluk isikhemo lisu palogo fesukwaat.

ULANGAN 32:43

Nineisena Enupogot, againafuri inoatarek mene, it inebe mondogat he, wene inoba fagain, Againafuri inunggulmo, it andi inoasigin, Inoasigin andi nenat, inunggulenu lombogen, Allah Enupogot, againafuri andi fogerinabini, Aren it weak hilingitarek mene, sagalogo legetfisikherego, iluk iren wuni wati logouwagaluk yagaisasukwa.