MAZMUR 10:4 - Allah Wene Fano Wene Hupla Inane

⁴ It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 10:4 ပူးပေါင်းရင်းမြစ်များ

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

AYUB 22:17

It ap ariginik mene andi re At Allah Omame Mondok Hokho mene a'nogo ninabiro, iluk kofologo herakfuluk logolik iren ikhi logolik he, ”At Allah nen nit ninoba yi'nogo ti'nogo ekhe hilingninobagau lek hak,” iluk anggikhi logolik hilingiri'lagwi.

MAZMUR 101:5

Ap ekhe nen wene ero le'maat linglong engge are ekhe abok palogo weaget fagain mene andi re, an nen eiloak leget fagain. It ap inendawimo leget fakhikhi logolik wonoget fakhagarek mene re, An nen ekhe fisikhi logogin mondok lek.

MAZMUR 18:27

Nen, it afuni inebe enogo fakhaluk werek mene omanogo inoba re Haren ogo mondok horek welagen mene a'nogo weinamet fikhi lagen, oba nen he afuni weak hilingitarek mene inoba re Hat hinom weim palek welagen.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

MAZMUR 36:1

Afuni nen wuni wulak fuluk inebe ambine seberogo ugunem melalinafu mene faget, Tuhan amingmingengge Daud a'nogo awuni.

MAZMUR 53:1

Afuni nen wuni wulak fuluk inebe ambine seberogo ugunem yanggulinafu mene faget, wuni unggulenu Mahalat ebene felalek mene. At Daud en yanggulinafikhe awuni.

MAZMUR 73:11

Iren ikhi logolik he, At Allah re onggoro, Lego Mondok welagarek mene andi re futfili'lago lek, iluk it ekhe yagaisagarek.

KELUARAN 5:2

A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

AMSAL 21:4

Ap a'mage weak mene nen wene weak mene hilingiterek andi re, leget fakhikherek mene inom foget fakhikherek mene inom endawimo peterogo werek andi nen hilingiterek.

AMSAL 30:13

It ekhe nen he, an enek he fano nagun welagi, ibi-eberogo nenat he, mondok fano nagun welagi iluk anggikherek.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

PENGKHOTBAH 8:11

Nena mene faget afuni nen inailo anggigi'legengge weak mene nek hilingitarek nogo? Andi re unggum weak-weak wogisagarek lek andi nen hilingitarek.

YESAYA 2:11

Ap winik-wonok agarek mene andi re sebelfisigik, nen ap inonggaregen leget fakhagarek mene re pelakfisigik ugun. We Tuhan hamu nek legeisogo fikhi logogun.

YESAYA 3:9

It inanini mondok weakhogo hilingitarek mene a'nogo re it inobabut winik wonok agarek andiba weinam agarek. Nen afuni o Sodom mene nen attak weak hilingiti lagaukwa hak iren weinam-weinamat weak hilingiri'lagwi andi. A'nogo hilingiri'lagwi andiba re it inonggwaregen weaget fakhugunem he inebe alomat lakhikhi logogun o.

YESAYA 59:7

Hiren hundik-hundik kwanirogo hilingitarek mene nek wenggelhi logolik he hilingisugun iluk weak-weak hilingiti lagep. Hinendawinggen misik a'luk hiren ap weak hilingitu lek mene inoati lagep. Hiren laga lagep kwe omanogo re weaget figik, meisalogo figik, hilingisugun mene a'nogo nek eilem-eilem hilingiti lagep.

YESAYA 65:2

An he nagainafuri woginabigin iluk hundik-hundik fouget fuluk welagiba nen he iren wene oak sagalugun mene nek inamolorogo hilingiri'lagwi. Unggulenu andi mene re wene kwanirek mene nek hilingiti logolik inendawimo nen anggaluk wene melalogo fagarek mene a'nogo murok lili'lagwi.

YEREMIA 2:31

Hit afuni Israel mene yi. An nane igin mene yi hinesanggo fanorogo holini o. An nebe o leimo hangge legat, o mum hikhaksek hangge legat. Meneat he, hiren he, Nit ninebe arat ninale'ma agosi'mo re, hobuk Allah oba ninambotkwe logoin ninabiro, iluk ikhi lagep andi nenahalok?

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

ZEFANYA 1:12

Linggene andi sambul An nen esage ibilogo re o Yerusalem fasimbik it afuni Yerusalem mene inendawimo nen anggikhi logolik, ”At Tuhan nen he yi'nogo ti'nogo hilingisu lek hak iluk anggigik, inendawimo seramet figik, it inebeba hilingik mene faget higit hilingik welago iluk anggigik, anggagarek mene andoma re wene inoba fisagain o.

ZEFANYA 2:3

Yago, hit afuni o kweang yiba welagep mene nen hinendawinggen sebelfakhaluk hilingiti lagep mene inom, nen Tuhan Awene melalek hologo hilingiti lagep mene inom, sugulogo Tuhan ambit waga logoni o. At elokhoma sebe iluk At endawimo anggikherek mene nek hilingiti logoni. A'nogo hilingisugun halok he, At Tuhan awi mondok anini oba louksek awi a'nogo weinamet fei wesigin sambul andi re hit hinagap telhinabigin logou hak.

KISAH PARA RASUL 8:22

Hat hobabut he, it ekhe inoba pou ikhi lagen andi, wam amise awi ale weak andi hangge hendawimo peterek werek. Were'ma, weak hilingisigeluk hendawimo ebeti lagen andi nen, hele hangge warogo fetharek werek andi, hobabut futfigi. Weak hilingisigeluk egen andi, herakfisaluk, hobabut hebela'no. Hebelasumo re, hat hendawimo anggegen andi ninoe Tuhan Yesus sebelogo legetfisoageluk ayonggo feino o,” iluk yagatikhe.

ROMA 1:21

Allah ebe a'nogo inelu logoligat, iren he: ”Allah ebe Walhasikhe mene aro,” iluk, ebe fogerati'lek, hai wati'lek, welagaukwa. A'nogo logolik he, hunogo mene ebe mene lek meneat he, menenei oba ebeti lagaukwa andi nen, inendawinggen mum agaikhe andi.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

EFESUS 2:12

Andi sambul Kristus ebe hinom heksek logolik, hinebe Israel mene lek. We, it ekhe mene welagagip. A'nogo were'ma, at Allah nen he, wene it Israel mene inom wati logolik he, ”Yi'nogo hilinghinabigin,” iluk abok yagaisasikhe mene a'nogo, hit hinonggorat logolik, ”Fano asigin,” iluk hinendawimo anggigi'legat, Allah awe a'ma kwigi'lek, kweangma yoma logolik, Allah ebe hinonggorat welagagip.

ULANGAN 8:14

hinonggwaregen fogerakhigik, At nineisena Tuhan nen hit hinebe afuni Mesir mene nen inamingmingengge higit fetninarek were'ma telogo wokhinarek wulibi wagaikhe mene a'nogo oba hinonggoragik, inogo nen he, hinafe hebelogo hilingiti logoino o.