MAZMUR 10:3 - Allah Wene Fano Wene Hupla Inane

³ It ap weak hilingitarek mene nen he iren weak hilingisugun iluk anggagarek mene omanogo nek legeisogo fakhagarek, ap an enek anggagarek mene andoma nen he inane hombuk palogo Tuhan ninabit iluk herakhobagali'lagwi.

MAZMUR 10:3 ပူးပေါင်းရင်းမြစ်များ

1RAJA-RAJA 20:25

Woginabimbik he, nineisena haren ap esa haren mene iren inoata andem hakhogo woginafik, nen kuda inom, kereta inom ogore attak welaga mene aremnogo higithogo nek tegelogo figik, in o. Niren it inunggulenu Israel mene andi re o tonggokwe andoma nen inoasi lambik he, andi sambul nit ninomame asugun logou hak,” iluk yagaisasikhe. A'nogo yagaisasikhemo re, at raja Benhadad en he agoromi nen isukwa mene andi re fano aga anggasikhesik he, it agoromi sikhe fisogo mene inogogwi perwira nen komotukwa mene a'nogo higithogo nek hilingitikhe.

AYUB 31:24

Nendawinggen uang emas meneba himbiret fuluk welagirek lego.

MAZMUR 35:21

Iren an noba inane hum ngai eti logolik he, Haren hilingiti lagen mene re nit he arat heogo i, ili'lagwi.

MAZMUR 49:6

O obabut weak agu sambul afuni nen weak mene noba fuluk noasuogoluk an nebe haningisogo kwelaknobagagunem, nailo lekhogo logolik nendawinggen hambukhogo logogin.

MAZMUR 5:6

Hat he ap fogerakhagarek mene andi inelokhoma kwelagisa re habit welagen, nen afuni mondok weak hilingiri'lagwi mene andi faget he haren habsirit fisikhi lagen.

MAZMUR 52:1

Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

MAZMUR 94:4

Iren he inaneba mondok weak mene nek wulabi wagik, nen iren weak hilingiri'lagwi mene a'nogo faget foget fakhigik hilingitu werek.

KELUARAN 15:9

Nit ninaselei mene nen ikhi logolik he, An nen muginarek lambik fakfisagain, Nenggarok lisogo wanimbik inebe legetfisagain. Inebe legetfisambik inangge mondogat telogo helagain, It ekhe sumburogo wogisikhi logolik, An nalawi engginet fakhambik, nalong pi-pe ikhi logogin,

AMSAL 28:4

Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.

PENGKHOTBAH 7:15

An neluk he we alomarogo hak welagiba nen, an nebe neluk logolik oba ekhe hilingitunem hikhi lagi re yi: Ap ekhe weak hilingiti'lek werek oba nen ap fano mene a'nogo ebe wa'lagarek. Nen, ap ekhe kwanirogo hilingiti logolik weak mondok hilingiterek oba nen eluk uanhogo werek.

YESAYA 37:23

Nen haren he andi saba hilingiti lagi iluk halapsiri watik, sebelogo figik, ikhi lagen nogo? An he Israel mene ineisena Allah a'nogo aro, nen Allah namu tegelek welagi mene a'nogo noba hilingiti lagen.

YESAYA 57:17

Iren weak hilingisuogeluk enek he ilil mulil tagan ili'lagwi andiba re An na'mage kwelabi'lagwi o, A'nogo hilingiri'lagwi andiba An nen it inoba unggum wogisasigisik oboget isasigi andi. Oba nen he it inungguloak mondok haro logolik it inonggwaregen hilingisugun mene omanogo nek wenakfakhaluk hilingiri'lagwi andi o.

YEREMIA 22:17

Oba nen, hat Yoyakim he amurek welagen. Hat he honggwarek henggi werek asigin mene nek herati lagen. Haren he ap weak hilingiti'lek kwelek inebe pinggi inoatik, afuni ha'mageba sebelogo fisigik, hilingiti lagen.

IMAMAT 26:30

An nendawimo hebak naferogo, hiren punu kwe fogerasi laga-lagep kwe andoma inom, dupa amben fano mene nolhi lagep mene obuluk wurik andi inom. wolelenggen tagalogo fembik, hit hinebe warek he tugwi kembu hiren mene wolelenggen hogo fagain mene omanogo ambolebene hukhisagain.

HABAKUK 2:9

Hinonggwarek hinagainafuri hinom hinalawi engginhogo helouwogoluk, hinanini weak it ekhe inangge mene teligik, nen hit hinaiba it ekhe nen inenggi abisak wani kwi wesinogo iluk ninghogo wutik, ikhi lagep andi nen he, homan ugu logoni o!

LUKAS 12:15

afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 12:19

A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,

ROMA 1:29

A'nogo hilingirikhi logolik, it inendawimo yi weak ti weak kwanirek mene peterek logolik, inami'mik weak hilingitik, afuni ekhe weagerinafik, agarek. Ariginhi logolik, afuni inapsiritfisigik, inebe inoatik, wene serep agik, afuni lalinafik, wene ambumet fuluk welagik, agarek andi meneat inendawimo mondok peterogo welagaikharek. Logolik, inabok hinagaisogo nabok-habok igik,

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

1 KORINTUS 6:10

yogot wanharek mene inom, inami'mik weak hilingitarek mene inom, amusu lugulugwi paluogeluk nenggarek mene a'nogo nunggu mondok welagaikharek mene inom, inane puk weak wenagisagarek mene inom, inenggi abisak wanharek mene inom, it afuni a'nogo hilingitarek mene andi mondogat Allah awe a'ma fisikhere'ma andi eisewerek asugun mondok lego.

EFESUS 5:5

It afuni pailak fakfisagarek mene inom, inenggali lek weak hilingitarek mene inom, ”Yi mene ti mene an mene nek logoilep,” iluk inendawimo nen anggaluk hilingitarek mene andi, tugwi kembuba himbirik logolik hilingitarek hagat hilingitu halok, Kristus Allah emberek inawe a'ma fisugunem welagaikharek oba andoma eisewerek asugun mondok lego, iluk, fanorogo hinendawimo ebe'ni o.

ULANGAN 29:19

Hit hinanggele'ma andoma nen wene a'nogo hilingisu fuk iluk haferogo yagahisikhe mene andi re at ekhe nen holfoluk at oba ebe ambisangma mondok fano nek aga logogin angga fuk, we at onggwarek a'mage lagagin mene nen hilingirik lagain oba nen ogore. At hilingisigin andiba re ap fano meneet, weak meneet hinebe abirengge lek hilingisogo hinobagagin o.

ULANGAN 32:19

At nineisena Tuhan nen, a'nogo hilingitunem isasikhesik, a'makwe het-pet iluk, An nagainafuri lego, iluk, inebe herakfisasikhe.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.

YAKOBUS 4:13

Hit ekhe nen he, ”Yogondak he a? Ohealekwe he a. O ale'ma lambik he, tahun misigat hangge logolik, yi mene ti mene onggo wanhik, saburigik, ikhi logogin,” iluk ikhi lagep andi ri!

YAKOBUS 4:16

hinonggwaregen fogerakhigik, agaugwerakhigik, ilik nikhi lagep andi ri! A'nogo fogerakhikhi lagep andi re, wesa aro.

1 YOHANES 2:15

Mene re, afuni kweangma mene inobabut hilingitarek mene andi inom, yi mene ti mene kweangma welagarek mene andi inom, hinendawinggen tulemhogo logogun mondok lego. Ap sa nen it afuni kweangma mene inobabut hilingitarek mene andi, endawinggen tulem welagarek halok he, nineisena Allah endawinggen tulem welagarek mondok lego.

HAKIM–HAKIM 17:2

Logolik linggene misik sambul he aren agaisaba ikhi logolik, ”Heisa, hat uang perak mene ebe 1.100 nen longgo ikhe sambul aremnogo an nen nesanggo holhugunemen he, heisa haren he ap hinate mene a'nogo homan fikhi lagen hiigi, nagaisa. Nagaisa ebe an nen hinatinggere uang ebe yi!” iluk isikhemo agaisa nen onggo ikhi logolik he, ”Namlogo, hebe Tuhan nen fanot hobagauwago!” iluk yagatikhe.

1 SAMUEL 23:21

A'nogo yagatukwama at Saul en onggo yagaisikhi logolik he, ”Hiren an nobaget fano mene hilingitep andi nen he, At Tuhan nen enek fanot hinafi logouwak!