MAZMUR 1:3 - Allah Wene Fano Wene Hupla Inane

³ It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.

MAZMUR 1:3 ပူးပေါင်းရင်းမြစ်များ

KEJADIAN 39:23

A'nogo fesikhemo, Tuhan Allah nen Yusuf serogo logolik lebethugunem, yabu hilingitunem he, higit enek hilinglaga lagaikhe andi nen, ap hele warek ferinarek welagaukwa mene inoe a'nogo nen, ”Yusuf, yi'nogo hilingisin, ti'nogo hilingisin,” iluk yagati'lek endawinggen yamukhogo welagaikhe.

KEJADIAN 39:3

Yi yabu ti yabu fano nek hilingitunem, at Potifar en, ”Egi! Heisena Tuhan Allah nen set harek logolik lebethili'logo higi,” iluk Yusuf oba liogeratikhesik at eabu faget hilingiti logouwageluk menfesikhe. Menfesikhesik, angge yi mene ti mene enggiba logolik, againafuri tegelinafi logouwageluk eabu wogotikhe.

2 RAJA-RAJA 18:7

Andiba re Tuhan en hundik-hundik lebethugunem he aren hunddik-hundik hilingitu mene omanogo ambisangma re fano nek aga lagaikhe. Aren he, ap raja Asyur mene andi a'ma logogun nabit iluk at ane hologo hilingiti lagaikhe lek.

1 TAWARIKH 22:11

A'nogo yagatikhesik, at Daud en ekhe inom yagati logolik he, ”Yogondak he, namlogo, we hat heisena Tuhan Allah andi nen enek lebethafi logouwak. Nen, o Tuhan Awi andi re, Aren wene abok ikhe hakhogo haren eberogo wusigin logouwak.

1 TAWARIKH 22:13

Allah Awene melalek yi'nogo hilingi'no ti'nogo hilingi'no iluk Tuhan nen it afuni Israel mene faget Musa wogetikhe mene andi mondogat hologo hilingiti logogin halok he, haren hilingiti logogin mene andoma ambisangma fano nek aga logogin. Hat hebe re hendawinggen hambuksek logolik hambok serogo hilingiti logoino. Ekhe mene ekhe mene andoma helokhoma agu halok he, hailorogo hilingiti logou fuk.

2 TAWARIKH 31:21

Aren he O Tuhan Awi wurik a'nogo faget hilingiti logolik ogo, athe Tuhan Awene melalek werek mene a'nogo faget hilingiti loglik ogo, eisena Tuhan Allah a'nogoba mondok endawi hundik logolik, endawinggen oba himbirik logolik hilingiti lagaikhemo re ambisangma mondok fano mene nek asi laga lagaikhe.

2 TAWARIKH 32:23

Andi huli nen it afuni inunggulenu amu mene nen at raja a'nogo along anggaluk enu legeisogo fikhi logolik he, afuni hokhorogo o Yerusalem wagu mene nen he yi mene ti mene Tuhan obaget fugu mene iluk inom, at Hizkia agaiyekhogo wogetu mene iluk inom, waluk waga lagaukwa.

AYUB 14:9

oba nen he, omanggen i min meneba lagaresik, hobuk asimit fulelogo engga weinam agarek.

AYUB 22:28

Haren hilingiti logogin mene andoma re ambisangma fano nek agunem hikhi logogin, nen hat heluk oba re selegen liathafi logogin.

MAZMUR 128:2

Hat he honggwaregen waganogo yakfakhugu mene enggen palek ninggi logogin, nen hebe fanorogo welagik, hangge yi mene ti mene mondogat were'ma welagik, hilingik logogin.

MAZMUR 129:8

It afuni kwe andoma lagaikharek mene nen he, ”Hat he Tuhan nen fanot hobagakhi logouwak, nen niren ogo Tuhan enuba hat fanot hobagakhi lago iluk, ikhi logogun legaro,” isikhe.

MAZMUR 92:14

It andi re, e o Tuhan Awi wuri'mo yakfugu mene hangge welagik, nen nit nineisena Allah awi wuri'mo andoma nen hokho agu mene hakhogo hilingik logogin.

MAZMUR 92:15

E endam agayoba nen enggen itu mondok logolik, engga mondok mulirogo ket fano welagarek a'nogo higit, hilingik logogun.

YESAYA 27:11

Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.

YESAYA 3:10

Tuhan nen ikhi logolik he, ”Afuni An noba tiphogo hilingiri'lagwi mene andoma inoba re hinagap telhinabigin enggere hinagaiyekhogo logoni iluk yagaisikhi logoino. Nen, it he inangge yi mene ti mene likhak yugulogo yatarek mene andoma ninggi logogun.

YESAYA 44:4

It inebe re engga i elesimo muli fanorogo wuliferek andi hak sik-pik ikhi logogun, e wilo i esanggoma wilibik mene hak asugun.

YESAYA 58:11

Kweang iringikwe andoma lagunem An nen hit wokhinarek lagik, hinoba homorogo hilinghinobagagik, ikhi logogin. Hit hinebe fanorogo nek logolik hinomamerogo logouwageluk halogo hinobagakhi logogin. Hit he yabu yagokwe i higithogo were'ma hak, nen i elesi firitok ikherek lek mene hak hilingik logogun.

YEREMIA 17:8

At andi re e i lagarek mene esanggoma wilibik were'ma, omanggen yagaisogo ima kwelabek welagarek mene hak werek. O hibi lagagunem aren ailoterek mondok lek, enggare muli-mulithugu mondok werek. Nen, o kweang andomaba yi mene ti mene mondogat pugarik wagarek oba nen, athe enggen itu mondok were'ma endawinggen fiterek lek.

YEHEZKIEL 17:8

A'nogo hilingiteba nen, e anggur andi ebe re kweang heiselek oba, i inom hokhorogo wiliferek oba wilibik were'ma re engga mulirogo wilifik, enggen hokhorogo itik, ikherek andi nen he e anggur ero fano mene welaga andi.

YEHEZKIEL 19:10

Hagaisa re, anggur ero fano mene yabu i endep mene esanggoma heiselogo wulibik andi hangge hilingik. I andoma elesi hokhorogo hilingi'mo re, e ebe mulit hikhi logolik enggi talogo enggen iterek.

YEHEZKIEL 31:5

Agaire firok igi'lek were'ma ebe mulirogo wiliferesik, enggire hokho mene tualogo wiliferek. E hokhorogo enggakwe wilibik agayo omanogo nen he at andi nek he uan awan agayo wolonghogo wilibik werek.

YEHEZKIEL 47:12

I aik fena-fena ligabek-pelabek andoma re e enggen iterek mene yi agayo-ti agayo hokhorogo wilibik welaga. Enggare puk agi'lek enggen omanogo lek agi'legat welaga. E andoma re i o Tuhan awi wuri'mo wuliferek mene a'nogoba nen he, tugi ebe lombok he enggen ket mene iti logogin. E andoma enggen he nunggu mene hilingfuluk engga re ou higirinafu mene faget logogin o,” iluk ikhe.

BILANGAN 24:6

O andoma ineilenggen yethugunem he, o tonggwe mondok hokho mene hangge, nen yabu i esanggoma waganek mene hangge hilingigo. E gaharu Tuhan nen yate mene hangge, athe, e aras i aikwe welagarek mene hangge hilingigo.

MATIUS 13:6

Meneat he, o mo lakfei wagaikhemo, omanggen yati'legen, sawet agaikhesik pugagaikhe.

MATIUS 21:19

Sumburu nele agaikhemo re, e ara ero ekhe kwe esanggoma were'ma eilenggen yethaluk eroma lagaikhesik kwelakhasikhe mene re, enggen ekhe iti'lek, we, engga muli nek weregen he, mel yagatikhe: ”Hat e yi, huli yogondagen pikhit hobuk henggen mondok iti'lek logoino,” iluk homan fugu kwelek aremnogoat he, e ara a'nogo mondok pugagaikhe.

MATIUS 21:34

Lagaikhesik werek kwelek, enggen itunem palharek oba higit asi agaikhemo re, ap eabu eisewerek mene a'nogo nen, amingmingengge mene ekhe it ap kwalogo logouwageluk fisasikhe mene omanogo nen anggur enggen ekhe wogosuageluk, inoba lakfisa wagaikhe.

MATIUS 21:41

iren he, ”Ap anggweang eisewerek mene andi wesimbik he, it inobabut weak mene andoma mondok felelenghogo inoasimbik he, yabu anggur yabu andi kagalek logolik, enggen arat wurik agunem palogo wogosi laga logouwageluk he, ap hunogoat mene ekhe inayonggo fagain aro,” iluk yagatukwa.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

ULANGAN 28:8

Hineisena Tuhan Allah nen hiren ekhe mene-ekhe mene hilingitunem fanothinobagagik, hinangge gandum enggen palhu mene re su ambe peterogo kwalogo hinobagagik, ikhi logogin. O kweang Aren wokhisikheba andoma were'ma hinoba fanothinobagakhi logogin.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.

WAHYU 22:2

o kota andi, kwe ebekwe esanggo fena-fena lagaikharek oba were'ma, i a'nogo tulem lagare'ma higi. A'nogo lagu kwelek, i aik eliba, yiba, e awi yago were'ma higi. E andi enggen nunggunem inelugerinaferek mene a'nogo, tugi misigat oba enggen ekhe itik, tugi ekheba enggen ekhe itik, mo lagagik, pigik, ugu kwelek tahun misigat oba enggen huli 12 nen iterek mene welaga. Nen, enggaba re, yi afuni ti afuni inunggulenu lombok fanorinaferek mene higi.