MATIUS 9:9 - Allah Wene Fano Wene Hupla Inane

⁹ At Yesus o andoma herakfisaluk laga logolik, ap ekhe enu Matius, kantor uang pemerintah faget waganogo fikhi lagaukwaba hurek were'ma, eilenggen hasikhesik, ”Nombo'ne eme o,” iluk yagatikhemo re, menlagaikhesik he, ombo'neat lagaikhe.

MATIUS 9:9 ပူးပေါင်းရင်းမြစ်များ

EZRA 4:13

Nen, iren kota andi arat wuta halok inom nen leget pa'leget andi ogo mondogat hunita halok inom hea, it afuni andi nen kweang onggo fugu mene a'nogo ninabit iluk fei waga logogun lek logou hak, nen a'nogo hilingisumo nen he uang kerajaan yiba kwi weri'lago mene andi, endep asigin logou aplerek.

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

MATIUS 20:4

Isasikhesik he, ”Ap yi sani. Hit he, an neabu anggur yabumo andoma hinomat hilingisi lano o. Hilingisumo re, an nen onggo higithogoat wokhisagain o,” iluk yagaisasikhe.

MATIUS 8:22

A'nogo yagatikhemo, at Yesus nen he, mel yagatikhe: ”Herakfisaluk he, an nombo'ne eme o. Warek mene halok he, it afuni inebe warek mene hangge werek mene andoma nenat salinafi logouwago,” iluk yagatikhe.

MATIUS 9:10

Lagaikhesik, at aiba Yesus emberek kwisukwasik sumburu nuogeluk hurek were'ma re, it ap uang pemerintah faget kino iluk wanhi lagaukwa mene ekhe inom, it ekhe afuni mondogaren inabok weak ikhi lagaukwa mene inom hokhorogoat kwi wagaukwasik, at Yesus ebe inom, agoromi ane wanhi lagaukwa mene omanogo inomat misi'mo hu'lagaukwasik sumburu ninggi lagaukwa.

MARKUS 3:18

Andreas inom, Filipus inom, Bartolomeus inom, Matius inom, Tomas inom, Alfeus amlogo Yakobus inom, Tadeus inom, Simon, ”O Kanaan yoma ninawiwerek mene halok enek logouwok,” iluk ikhi lagaikhe mene a'nogo inom,

LUKAS 6:15

Matius inom, Tomas inom, Alfeus amlogo Yakobus inom, Simon, ”O yoma ninawi werek mene nek logogun,” iluk ikhi lagaikhe mene a'nogo inom,

KISAH PARA RASUL 1:13

Kwi wagaukwasik, oloba andoma kwisukwasik he, o henambo welagaukwaba andomaat lagasukwasik welagaukwa. It andi inebe re, Petrus inom, Yohanes inom, Yakobus inom, Andreas inom, Pilipus Tomas emberek inom, Bartolomeus Matius emberek inom, Alfeus amlogo Yakobus andi inom, Simon, ”O yoma ninawiwerek mene nek logogun,” iluk ikhi lagaikhe mene andi inom, Yakobus amlogo Yudas andi inom, inom welagaukwa.

GALATIA 1:16

Wena'nafikhesik he, fano wene amlogo Yesus hilingitikhe wene a'nogo afuni endakwe mene yagaisilik nikhi logouwageluk amlogo ebe nelokhoma menlagaikhemo re, wene afuni ekhe inoba heinok wanhi'legaro.