MATIUS 9:37 - Allah Wene Fano Wene Hupla Inane

³⁷ Endawirinafikhesik he, at agoromi ane wanhi lagaukwa mene omanogo mel yagaisasikhe: ”Enggen ugu hokhorogo werek meneat he, afuni enggen ebe palugun mene inebe endebaro.

MATIUS 9:37 ပူးပေါင်းရင်းမြစ်များ

MAZMUR 68:11

A'nogo hilingfesiginmo, it Hat againafuri inebe andoma kwi lagaukwasik welagaukwa. Neisena Allah Haren fano hilingninafi lagen a'nogoba, afuni inenggi lek mene re Haren halinafi logolik welagen.

MATIUS 20:1

At Yesus nen hobuk mel yagaisasikhe: ”Allah nen awe a'ma fisikhere'ma andoma emberek higit he, mel hangge. Ap kweang eisewerek mene ekhe eabu anggur yabumo hilingisuageluk ap heraginabik huberat yonggo wulifikhe.

MATIUS 28:19

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.

MATIUS 9:38

Andi nen he, Ap eabu eisewerek mene a'naga nen afuni enggen palugun mene ekhe lakfisoagen, At ayonggo fikhi logoino,” iluk yagaisasikhe.

MARKUS 16:15

A'nogo wenagisasikhesik, wene ekhe mel yagaisasikhe: ”Hit he, afuni inunggul enu lombok o yi awi ti awi a'lima mondogat wene fano wene yi yagaisilik laga logoino o.

LUKAS 10:2

A'nogo lakfisikhi logolik he, mel yagaisasikhe: ”Enggen ugu hokhorogo arat wurik agasik werek meneat he, afuni enggen ebe palugun mene inebe endebaro. Andi nen he, ap eabu Eisewerek mene a'naga nen, afuni enggen palugun mene ekhe lakfisoagen he, at ayonggo fikhi logoino o,” iluk yagaisasikhe.

LUKAS 24:47

Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro.

KISAH PARA RASUL 16:9

Wagaukwasik logolik, hubanggo Paulus abikanggo yi'nogo hasikhe. Ap o Makedonia mene ekhe mendek logolik he, ”Haren nit afuni Makedonia mene yoma lebe'nisa wulibime o,” iluk endawimo kagalogo yagatunem abikanggo hasikhe.

1 KORINTUS 3:9

Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

2 KORINTUS 6:1

At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.

KOLOSE 4:11

At Yustus, enu ekhe Yesus a'nogo nen, hai wathinafe aro. Inagap inenggalimo mene palek mene re, inebe henagan enek Allah awe a'ma logogun wene a'nogo ninomen yagaisikhi logolik lebetniugunem nendawimo fano ari'logo.

1 TIMOTIUS 5:17

Allah nen mel isikhemo lisu palogo fikhi logolik he: ”Afuni nen sapi wam eisogen gandum agap lilibuk warogo enggen ibiluageluk fuluk he, enggen ekhe nanogo iluk ambe hele homasugun lego. Ekhe noageluk herakfikhi logoino,” iluk isikhemo, lisu palogo fesukwa andi. Nen, ekhe re: ”Afuni yabu yi mene ti mene faget hilingitunem, inenggi onggo wogisikhi logogun o,” iluk isikhemo lisu palogo fesukwaat. Andi nen he, ap Allah againafuri fanorogo kwelaginarek welagaikharek mene andi, it Allah againafuri mondogaren, ”Enggi onggo arat leberisogo,” iluk anggigi'lek, ekhe inomat oba loukhogo lebethikhi logogun o. A'nogo hilingiti logolik, esin hangge re, it ekhe Allah ane inomamerogo yagaisigik, komorinafik, hilingiri'lagwi mene andi, agaukhogo leberisikhi logogun o.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.