MATIUS 9:34 - Allah Wene Fano Wene Hupla Inane

³⁴ A'nogo fogeratukwa meneat he, it ap Farisi mene omanogo nen he, mel isukwa: ”At Yesus nen Iblis agoromi inoe kain a'nogo omameba munggwarengge obabut weak mene afuni inendawimo kuluk were'ma henegeisogo wulakfisili'logo,” iluk isukwa.

MATIUS 9:34 ပူးပေါင်းရင်းမြစ်များ

MATIUS 10:25

Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.

MATIUS 11:18

At Yohanes andi sumburu inom, anggur enggen amusu inom ninggi'lek herakfisaluk welaga andi faget, it afuni nen he, At andi munggwarengge obabut weak mene endawimo kwikhesik werego, iluk ili'lagwi.

MATIUS 12:22

A'nogo hilingitikhesik oba nen, hobuk ap ekhe munggwarengge obabut weak mene endawimo kwisikhemo nen eilenggen mum agik, ane legagik, isikhe mene Yesus oba waluk wagaukwama re, aren fanorogo higitikhemo eilenggen mum mene fano agik, ane lek mene huak igik, isikhe.

MATIUS 12:27

An nen Beelzebul andi omameba, at agoromi inobabut weak mene afuni inendawimo kuluk were'ma henegeisogo wulakfisikhi lagi halok he, hit hinagoromi nen munggwarengge inobabut weak mene it ekhe inendawimo nen henegeisogo wulakfisili'lagwi andi, sa omameba henegeisogo wulakfisili'lagwi anggegep? Hinagoromi nen a'nogo hilingiri'lagwi andiba, iren he, Wene at Yesus faget egep andi re, weak egebo, iluk wene hinoba fou hak hilingiri'lagwi o.

MARKUS 3:22

It wagu kwelek, it ap Allah ane lisu palek eisewerek mene o Yerusalem en lagai wagaukwasik he, mel isukwa: ”Beelzebul munggwarengge inobabut weak mene inoe kain a'nogo Yesus oba louksek werego. A'nogo were'ma andi nen he, at omameba munggwarengge at agoromi hak inobabut weak mene afuni inendawimo kwikhesik were'ma henegeisogo wulakfisili'logo o,” iluk isukwa.

LUKAS 11:15

A'nogo fogeratukwa meneat he, it ekhe nen, mel isukwa: ”At Yesus andi munggwarengge inobabut weak mene inoe kain enu Beelzebul a'nogo omameba munggwarengge at agoromi hak inobabut weak mene afuni inendawimo kwisukwasik were'ma henegeisogo wulakfisili'logo,” iluk ugunem,

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

YOHANES 7:20

it afuni hokhorogo omanogo nen he, mel yagatukwa, ”Hat he, munggwarengge obabut weak mene hendwimo kwikhesik lugulugwi palhik agendik ikhi lagen a? Sa nen hilingisigeluk ili'logo nen ikhi lagen,” iluk isukwama,