MATIUS 9:33 - Allah Wene Fano Wene Hupla Inane

³³ Waluk wagaukwama re, at Yesus nen munggwarengge obabut weak mene ap a'nogo endawimo kwisikhesik were'ma henegeisogo wulakfesikhemo, ap a'nogo ane huakhogo isikhe. A'nogo hilingitikhemo re, it afuni hokhorogo welagaukwa mene nen Yesus fogerati logolik he, mel isukwa: ”Nit afuni Israel mene ekhe nen yi'nogo hilingitunem nineilenggen isogorek lek mene nailo e,” iluk fogeratukwa.

MATIUS 9:33 ပူးပေါင်းရင်းမြစ်များ

2 RAJA-RAJA 5:8

A'nogo isikhe mene a'nogo re, afuni nen Elisa yagatukwama esanggo holhikhesik he, aren wene yi'nogo iluk raja oba lakfei wagaikhe, ”Nenahalok hendawimo weak agendik welagen? Ap andi nen he, afuni Israel mene were'ma yoma ap Allah ane yagasikherek mene ekhe werek higi, iluk futfouwagaluk he, ap andi an noba lakfei we'no o,” iluk isikhemo yagasi wagaukwa.

MAZMUR 76:1

Afuni nen wuni wulak fuluk pinggong kecapi kongetu kwelek inebe seberogo ugunem yanggulinafu mene faget, Asaf Awuni.

YESAYA 35:6

I elesi fulogoumhogo o leikwe wagik, nen i lagu agai mene o walkwe lagik hilingitunem afuni ineisok hambelek mene re no rusa nen huksombo lagagik pigik hilingiterek hak hilingiti logogun, nen inane lek mene re inagaiyegen inanggilugeti logogun.

YEREMIA 32:20

O attak andoma Haren mondok elalin mene o Mesir en hilingiti lagagindik yogondak afuni Israel mene were'ma ogo nen inunggulenu amu mene were'ma ogore, Haren hilingitu mondok welagenat. Andiba re yogondak he o ekhema-ekhema Hat henu nek sagarek werek.

MATIUS 8:10

at Yesus esanggo holhikhesik he, afuni at ombo'ne lagaukwa mene omanogo mel yagaisasikhe: ”Eige! Ap yi endawinggen noba eberogoat himbiret fikhe andi hak, it afuni Israel mene ekhe inendawinggen a'nogo himbiret fugunem isigirek lek mene nailo e, iluk eberogoat yagahisigi o.

MATIUS 9:32

O andoma nen wulifunem he, it afuni ekhe nen ap ekhe munggwarengge obabut weak mene endawimo kwisikhemo ane lek mondok welagaikhe mene Yesus oba waluk wagaukwa.

MARKUS 2:12

A'nogo lakfesikemo re, ap a'nogo menlagaikhesik he, alit a'nogo aremnogoat helaluk it afuni omanogo mondogat ineilhanem wulifikhe. A'nogo hilingitikhemo, it afuni omanogo mondogaren he, mel isukwa: ”Eige! Nailo e. Nit yoma attagat afuni ekhe nen yi'nogo ekhe hilingitunem hogorek lek mene hilingite yi ninailo e,” iluk Allah fogeratukwa.

LUKAS 11:14

Inenggi ekhe sambul he, at Yesus nen ap ekhe endawimo munggwarengge obabut weak mene kwisikhemo ane mondok lek agaikhesik welagaikhe mene ap andi endawimo nen henegeisogo wulakfesikhemo re, ane houwakhogo isikhe. A'nogo isikhemo afuni hokhorogo nen he, ”Egi! Nailo e,” iluk fogeratukwa.

LUKAS 7:9

Yagatukwama, at Yesus nen he, mel isikhe: ”Ap andi nailo e,” iluk, fogeratikhesik he, elokhe hebekhogo afuni hokhorogo ombo'ne lagaukwa mene omanogo mel yagaisasikhe: ”Ap andi endawinggen an noba himbiret fikhe andi hangge, it afuni Israel mene ekhe inendawinggen a'nogo himbiret fugunem isigirek lek mene nailo e,” iluk isikhe.