MATIUS 9:26 - Allah Wene Fano Wene Hupla Inane

²⁶ A'nogo hilingitikhemo re, ”Yesus nen eluget fikhe o,” iluk, o tonggwe andoma abok mondok wialik lagaukwa.

MATIUS 9:26 ပူးပေါင်းရင်းမြစ်များ

MATIUS 4:24

A'nogo higirinabik nugunem, abok o Siria andoma mondok sak isikhemo re, yi ou ti ou, yi hat ti hat inoba werek mene inom, munggwarengge obabut weak mene inendawimo kwisukwasik inebe lugulugwi palharek mene inom, wa'lagik ineluk agik agarek mene inom, inenggi ineisok wut warek mene inom, oba woginarek wagunem fano higirinafi lagaikhe.

MATIUS 9:31

A'nogo yagaisasikhe meneat he, it afuni omanogo nen o andoma at abok mondok yagaisilik nikhi lagaukwa.

MARKUS 1:28

A'nogo fogeratukwama re, at Yesus abok waluk o Galilea tonggwe yi awi ti awi weak-weagat wialik lagaukwa.

MARKUS 1:45

A'nogo yagatikhe meneat he, at a'nogo nen afuni hesanggeat yagaisikhi logolik he: ”Yi'nogo higitnafe o,” iluk abok fano wialarik lagaikhe andi nen he, at Yesus o kota yi awi ti awi andoma kwilik ebe weinamhogo nikhi logogin elok legagaikhemo re, leimo afuni le'ma lagaikhesik welagaikhe. A'nogo welagaikhe meneat he, afuni o yi awi ti awi andoma nen oba andogosi waga lagaukwa.

MARKUS 6:14

Yesus agoromi nen a'nogo hilinginabik lagunem he, at Yesus enu afuni o yi awi ti awi andoma inelu agaukwasik abok ugunem, at kain enupogot Herodes esanggo holhikheat. A'nogo ugunem it afuni ekhe nen he, mel ikhi lagaukwa: ”Yohanes ima pelaginafi lagaikhe mene ebe watama wa'laga a'nogo eluk agasik nikho higi. A'nogo eluk agasik andi nen he, hilingisu lek mene elalinat hilingirik nikho andi,” igik,

LUKAS 4:14

At Iblis a'nogo arat lagaikhemo nen he, at Yesus Allah Areagun omamerogo endawimo werek kwelek, ambotkwe o Galilea tonggwe lagai wagaikhe. Lagai wagaikhemo re, at abok o andoma mondok sak-pak isikhe.

LUKAS 4:37

A'nogo fogeratukwasik, at Yesus abok fakhogo o yi awi ti awi waluk wulifukwa.

LUKAS 5:15

Komorogo lakfesikhe meneat he, ap a'nogo lagaikhesik he, Yesus nen hilingitikhe mene omanogo mondok piling-palanghogo yagaisasikhemo re, afuni hokhorogo at ane holhukwasik he, it yi ou ti ou inoba werek mene higirinabuageluk he, Yesus oba mondok hokhorogo andogosi waga lagaukwa.

LUKAS 7:17

A'nogo isukwasik he, wene hilinglagaikhe mene andi, o Yudea tonggwe yi awi ti awi andoma nen pikhit he, o esanggokwe andoma Yesus abok waluk wulifukwama wial lagaikhe.

KISAH PARA RASUL 26:26

”Agripa noe. Wene yi mondogat hat helu andi nen, an hat heilhanem nailo lekhogo ikhi lagi. Wene andi, o hinagoma hilinglagi'lek. We, weinama hilinglagaikhe andi nen, wene andi ekhe hat honggot welagen, iluk nendawimo anggikhi lagi lego.