MATIUS 9:24 - Allah Wene Fano Wene Hupla Inane

²⁴ mel yagaisasikhe: ”Helenggerek andi wa'lagi'lek. We, nogo ili'logo. Halok he, wulibi lani o,” iluk yagaisasikhe mene re, it afuni hokhorogo omanogo nen he, endo hokhorogo agaukwa.

MATIUS 9:24 ပူးပေါင်းရင်းမြစ်များ

AYUB 12:4

Attak he Allah nen lebetnabuageluk an nen kino yagatunem, At Allah nen nane esanggo holhi lagaikhe. Nen an he, ap eberogo nek hilingiti logolik, kwanirek mene ekhe hilingiti lagi lek, oba nen he, yogondak it nagaila'lagen inom nen ninom enggawe fano mene nen inom endo ya'nabi'lagwi andi.

YESAYA 49:7

Allah Horek Mondok logolik Is rael mene inagap telinaferek mene a'nogo nen, mel ikhe ap andi oba li'norogo inabit oba fagarek mene inom, nen it inunggulenu lombok welagaikharek mene omanogo nen at oba inabit anggagarek mene inom, nen it ap inenu werek mene inamingmingengge a'luk werek mene a'nogo nen inom, at oba ikhi logolik, ”Raja-raja andoma nen he, An nen hilingisigin mene neogoin aro, it inebe menla'luk An fogetnafi logogun. hilingisigin mene omanogo ineilenggen haluk he it hobuk hebekhogo An fogetnafi logogun aro. A'nogo hilingitunem it ap inenu werek inap logogun mene omanogo nen ogo ineilenggen haluk he ineindep awi yagaisogo fogetnabugun aro,” iluk ikhe. Andi hilinglasigin andi re, At Tuhan nen Amingmingengge a'nogo mondogat wenagaisogo fikhe andi nen hilingisigin. At Allah Horek mondok logolik Israel mene ineisena welagarek mene andi nen, Aren wene ikherek meneba tiphogo nek hilingiri'lago andiba hilingisigin.

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

MARKUS 5:40

A'nogo yagaisasikhemo re, it afuni omanogo nen endo hokhorogo agaukwa. Endo hokhorogo agaukwama, aren he, inebe mondogat felelenghogo olulu wulakfisasikhe. Wulakfisasikhesik he, it helenggerek a'nogo eisena agaisa inom, Yesus agoromi inom lagaukwa mene omanogo inom, it enek woginarek o hulu senggelek helenggerek a'nogo welagaikheba kwisukwa.

LUKAS 8:53

iren he, helenggerek andi arat wa'laga iluk inelumo andi nen he, Yesus faget endo hokhorogo yatukwa.

YOHANES 11:4

at Yesus yagasi lagaukwama, esanggo holhikhesik he, mel yagaisasikhe: ”Ou oba agama werek andi nen ebe wa'lasigin fuk, we an nen higitunem afuni nen Allah ebe fogeratik, amlogo an fogetnafik, uageluk ou oba aga andi o,” iluk yagaisasikhe.

KISAH PARA RASUL 20:10

Warek were'ma, at Paulus ebe pi wagaikhesik he, warek a'nogoba lenggakhogo weing lagaikhesik enggi obakhe felikhogo fisogo logolik he, mel isikhe, ”Wa'laga iluk, hinendawimo weak agubo. Ebe eluk werek,” iluk yagaisasikhe.

KISAH PARA RASUL 9:40

Inukhasukwama re, at Petrus nen inebe mondogat wulakfisasikhesik eindep awi yagaisogo samban isikhesigen, elokhe hebekhogo warek a'nogo wogetikhesik he, ”Tabita. Menlame o,” iluk yagatikhe. Yagatunem, aremnogoat eilenggen fenggen lagaikhesik he, Petrus ebe eilenggen hasikhesik menlagaikhesik alele yamukhogo hu'lagaikhe.