MATIUS 9:22 - Allah Wene Fano Wene Hupla Inane

²² Enggi fakhasikhemo re, at Yesus nen elokhe hebekhogo eilenggen ambotma kwelakhasikhesik he, mel yagatikhe: ”Na'logo e! Hendawimo hagaiyek ame o. Hendawinggen noba himbiret fegen andi nen fano agen o,” iluk, ugu kwelek aremnogoat he, he a'nogo arat fano agaikhe.

MATIUS 9:22 ပူးပေါင်းရင်းမြစ်များ

MATIUS 15:28

A'nogo yagatikhemo, at Yesus nen he, ”He yi nerei e. Haren he, Aren higitnabigin, iluk hendawinggen noba mondok himbiret fegen andi nen he, hendawimo anggegen andi higithogo higithesigin o,” iluk ugu kwelek aremnogoat, eak a'nogo fano agaikhe.

MATIUS 17:18

Yenggerek a'nogo waluk wagaukwama munggwarengge obabut weak mene endawimo were'ma Yesus nen wenagetikhemo henegeisogo wulifikhemo re aremnogoat fano agaikhe.

MATIUS 8:13

A'nogo yagaisasikhesik he, ap tentara mene inoe kain a'nogo mel yagatikhe: ”Hebe lan o. Hat hendawinggen noba himbiret fuluk, hendawimo nen he, Yi'nogo fano higitnesigin iluk anggegen andi hagat hilinglasuago,” iluk yagatu kwelek aremnogoat he, amingmingengge mene a'nogo oba fano asi lagaikhe.

MATIUS 9:2

ap ekhe enggi eisok mondok wut warek welagaikhe mene e talek oba wengik werek kwelek yerogo waluk oba wagaukwama, at Yesus nen he, ”It andi inendawinggen an noba himbiret fagasigen waluk wagaikha higi,” iluk, eilenggen enegat isasikhesik he, ap enggi eisok wut warek mene a'nogo mel yagatikhe: ”Namlogo e. Hendawimo hagaiyek ame o. Hat weak hilingiti lagen mene re, an nen sebelogo legetfisigi,” iluk, yagatikhe.

MATIUS 9:29

A'nogo yagatukwama re, at Yesus nen ineilenggen a'nogo enggi fagisikhi logolik he, mel yagaisasikhe: ”Hinendawinggen noba himbiret fegep higithogoat higithinabigin. Halok, fano a'ni o,” iluk yagaisasikhe.

MARKUS 10:52

at Yesus nen he, mel yagatikhe: ”Hendawinggen noba eberogoat himbiret fegen andibaat fano agen o. Halok he, lan o,” iluk yagatu kwelek aremnogoat eilenggen mum mene a'nogo fano agaikhesik he, Yesus ebekwe lagunem ombo'ne inomat lagaukwa.

MARKUS 5:34

Yagatikhemo, at Yesus nen he, mel yagatikhe: ”Na'logo e. Hendawinggen noba eberogoat himbiret fegen andi nen fano agen o. Halok he, hendawimo fanorogo lan o,” iluk lakfesikhe.

LUKAS 17:19

at ap wagaikhe a'nogo oba mel yagatikhe: ”Eberogoat hilingnabigin, iluk hendawinggen noba himbiret fegen andiba arat fano agen o. Halok, hebe menla'luk haiba lan o,” iluk lakfesikhe.

LUKAS 18:42

at Yesus nen he, mel yagatikhe: ”Heilenggen mum ari fano ame o. Hat hendawinggen an noba eberogo nen himbiret fegen andi nenat fano agen o,”

LUKAS 7:50

Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

LUKAS 8:48

A'nogo yagatikhemo, at Yesus nen he, mel yagatikhe: ”Na'logo e! Hendawinggen eberogoat noba himbiret fegen andi nen fano agen o. Halok he, hendawimo fanorogo lan o,” iluk lakfesikhe.

YOHANES 4:53

At ap a'nogo endawimo nen ebeti logolik he, hu'mokwe linggene o mo andem higit at Yesus nen he, ”Hamlogo fano asigin o iluk, yaganete higithogo at fano agama,” iluk endawimo ebe'luk lagaikhesik he, at ebe inom, againafuri mondogat inom, inendawinggen Yesus oba himbiret fesukwa.

KISAH PARA RASUL 14:9

Hurek logolik Paulus nen wene yagaisugunem esanggo hologo were'ma, at Paulus nen eilenggen oba lurogo hikhi logolik, endawimo nen he, ”Ap ari endawimo nen he, eberogoat fano hilingnabigin, iluk anggikhesik werek higi,” iluk endawimo anggasikhe.

KISAH PARA RASUL 16:18

At helenggerek andi hobuk hundik-handik ane a'nogoat ikhi lagaikhe. Ikhi logolik, ane Paulus oba hundik-handik yagati lagaikhemo re, at elokhe hebekhogo munggwarengge obabut weak mene andi mel yagatikhe: ”Munggwarengge hobabut weak mene yi. Hele ari endawimo welagen andi, henogo wulibi lanogeluk, Yesus Kristus enu hombuk palogo yagaheti lagi o,” iluk yagatikhemo re, aremnogoat endawimo nen henogo wulifikhe.

IBRANI 4:2

Wene fano wene andi it attak yagaisasikhe andi hagat, nit a'nogo yaganisasikheat. Mene re, wene yagaisasikhe mene andi, it inesanggo holhukwasigat he, futfigi'lek hilingiti lagaukwa andiba, wene andi it faget he, elo'lek agaikhe andi.