MATIUS 9:18 - Allah Wene Fano Wene Hupla Inane

¹⁸ A'nogo yagaisugunem, ap ekhe o afuni Yahudi mene samban agarek oba eisewerek logolik kain welagaikhe mene andi Yesus oba wagaikhesik, eindep awi yagaisogore mel yagatikhe: ”An na'logo yogondagat wa'laga meneat he, haren henggi fakha lamo re, eluk asimbik fano asuageluk hayonggo wagi,” iluk yagatikhe.

MATIUS 9:18 ပူးပေါင်းရင်းမြစ်များ

2 RAJA-RAJA 5:11

A'nogo yagatikhemo, at Naaman esanggo holhikhesik he, a'mage lagasikhesik wene mel yagatikhe: ”Nagore. An nendawimo nen he at ebeat noba wulibi we'lepsigen, eisena Tuhan Allah enu hombuk palogo samban iknobagakhi logolik, enggi noumo ba sebel fugunem lek a'lep iluk anggigi meneat he, kamo ikhe andi nenahalok.

MATIUS 14:33

Palagaikhemo re, it e so elema welagaukwa mene omanogo nen Yesus fogerati logolik he, ”Hat eberogoat Allah amlogo heogo o,” iluk yagatukwa.

MATIUS 15:25

A'nogo yagaisasikhemo werek kwelek, at he a'nogo Yesus oba wagaikhesik he, eindep awi yagaisogo hai wati logolik mel yagatikhe: ”Eigo! Noe. Fano higitne'nogeno,” iluk ane elagaik ane yagatikhemo,

MATIUS 17:14

A'nogo hilingi'luk he, afuni hokhorogo omanogo inoba pi wagaukwama re, ap ekhe Yesus oba wagaikhesik awe a'ma eindep awi yagaisogo hai wati logolik he, mel yagatikhe:

MATIUS 20:20

At Yesus nen a'nogo yagaisasikhesik were'ma, at Zebedeus agwe nen eagwi woginarek Yesus oba wagaikhesik eindep awi yagaisogo hai wati logolik he, ”Nit ekhe kino yagahesuogeluk hoba wago,” iluk yagatukwama

MATIUS 28:17

Lagasukwasik were'ma at Yesus ebe ineilenggen hasukwasik he, hai warogo ineindep awi yagaisogo fogeratu kwelegat he, it fena nek he: ”At ebe a? Hunogo mene he a,” iluk anggasukwa.

MATIUS 8:2

Lagunem he, ap ekhe oumo henanggo hangge inailo mene oba welagaikhe mene a'nogo Yesus oba wagaikhesik he, eindep awi yakfesikhesik, mel yagatikhe: ”Yesus noe. Haren fano higitnabigin anggegen halok he, elok fano higitnabin aro,” iluk yagatikhe.

MATIUS 8:25

Nogo ugunem, agoromi era'lu wagaukwasik eluget hikhi logolik he, mel yagatukwa: ”Yesus. Nit ima pugun yi, telninabino,” iluk yagatukwa.

MATIUS 9:17

Andi hangge, afuni nen anggur enggen perelogo amusu ket mene iwak wam agap mene fageat hilingitarek mene elema hinatarek lek. A'nogo hinatu halok he, iwak andi yenggalaga logolik he, anggur enggen amusu andi kweisalogo alomat lagik, iwak andi halokhogo alomat lagik, inogoluk he, anggur enggen amusu ket mene halok he, iwak ket fano hilingitarek mene halogat elema hinasugun o. A'nogo hinasumo re, pireat fano logogun,” iluk yagaisasikhe.

MATIUS 9:19

A'nogo yagatikhemo re, at Yesus ebe inom, ap a'nogo inom, it ap Yesus ane wanhi lagaukwa mene omanogo inom, mondogat lagaukwa.

MATIUS 9:24

mel yagaisasikhe: ”Helenggerek andi wa'lagi'lek. We, nogo ili'logo. Halok he, wulibi lani o,” iluk yagaisasikhe mene re, it afuni hokhorogo omanogo nen he, endo hokhorogo agaukwa.

LUKAS 13:14

A'nogo hilingitikhemo re, ap ekhe samban agarek oba andoma inoe kain welagaikhe mene andi nen mel isikhe: ”Yesus andi ninenggi sabit oba Allah faget weat werek kwelek, he andi ou higite andi nenahalok,” iluk a'mage nen he, afuni hokhorogo omanogo yagaisikhi logolik he, mel yagaisasikhe: ”Yi hilingitik, ti hilingitik, ikhi logogin andi re, inenggi falfalik andi obaat hilingiti logogun o. Halok he, hinenggi andibaat ou hinoba mene higithinabuageluk waga logoino. Mene re, inenggi sabit oba Allah faget weat logolik wesugun lego,” iluk a'nogo yagaisasikhemo,

LUKAS 18:18

A'nogo yagaisikhi lagaikhemo re, it ap Yahudi mene inoe kain ekhe nen Yesus mel yagatikhe: ”Noe. Hat guru fano mene logolik wene yaganisikhi lagen andi, mondok fano o. An nabulal-habulal eise asigen he, an nobabut ninggi'nogo hilingiti logogin,” iluk yagatikhemo,

LUKAS 7:2

Kwi wagaikhemo, andoma ap tentara mene inoe kain ekhe amingmingengge endawinggen hundik mene oba ou hokho wanhi logolik wa'lasu hak welagaikhe.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

YOHANES 11:32

Wagu kwelek, he Maria a'nogo eilenggen Yesus ebe yethasikhesik he, oba wagaikhesik eindep awi yagaisogo awe a'ma soma isikhesik he, mel yagatikhe: ”Noe, hat yoma we'lendik logoilenma re, an nerei wa'laga andi, wa'la'lep lek anggigi o,” iluk yagatikhesik le agunem.

KISAH PARA RASUL 13:15

Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,

KISAH PARA RASUL 28:8

O at were'ma andoma, at eisena oba aganhan agaikhesik, a'ma forok laga logolik he, wengik mondok welagaikhe. Wengik were'ma, at Paulus oba kwisikhesik he, enggi fakhasikhesik Allah ayonggo fesikhemo, oba fano agaikhe.