MATIUS 9:15 - Allah Wene Fano Wene Hupla Inane

¹⁵ Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

MATIUS 9:15 ပူးပေါင်းရင်းမြစ်များ

YESAYA 22:12

O andi sambul he Tuhan Mondok Lego logolik Omame Mondok Hokho mene a'nogo nen he hit le yagaisogo logolik fong watik, hinesi hogologo palhik, pelagi su labetik hilingi'ni o, iluk yagahisagain.

MATIUS 9:14

A'nogo yagaisasikhesik oba nen he, it Yohanes agoromi ane wanhi lagaukwa mene Yesus oba wagaukwasik he, mel yagatukwa: ”Nit inom, it ap Farisi mene inom, samban hundik-handik uogeluk, sumburu ninggi'lek welagorek meneat he, it ap hat hane wili'lagwi mene yoma nek he, a'nogo hilingiri'lagwi lek andi nenahalok,” iluk yagatukwa.

MATIUS 9:16

A'nogo yagaisasikhesik, ekhe mel yagaisasikhe: ”Afuni nen, su attak laberi'lagwi mene tilibikhe halok, kain ket meneba seleben esumo, hobuk kain ket mene andi hesimorogo kwikhi logolik, su andi hokhoat tilibilik lagain o.

MARKUS 2:19

A'nogo yagatukwama, at Yesus nen he, mel yagaisasikhe: ”Ap ekhe agwe ikhikhi logolik, at erugwi agaila'lak inayonggo fagain mene inom logolik wam inom, sumburu inom, ninggi'lek weat logogun nogo? Lego. Ap andi inom logolik, a'nogo ninggi'lek weat logogun lek.

MARKUS 2:20

Meneat he, ap andi erugwi agaila'lak fisaluk ebe waluk logoin oba weregaro. A'nogo waluk lamo andem sambul enek he, it andi inenggi ekhe sumburu ninggi'lek logogun aro,” iluk yagaisasikhe.

LUKAS 17:22

A'nogo yagaisasikhesik, at agoromi ane wanhi lagaukwa mene omanogo yagaisikhi logolik he, mel yagaisasikhe: ”An abat ta'lasi wagagi a'nogo hundik-handik hobuk ninom mondok logogun mene re, oan werek kwelek, hit hinendawimo nen he, ninenggi misigam faget nineilenggen helo e, iluk a'nogo anggogoin meneat he, hineilenggen niigi'lek logogun oba weregaro.

LUKAS 5:34

A'nogo yagatukwama at Yesus nen he, mel yagaisasikhe: ”Ap ekhe agwe ikhikhi logolik he, erugwi agaila'lak inayonggo fagain mene inom logolik, hit sumburu ninggi'lek logoni o, iluk yagaisagain anggegep? Elo'lego.

LUKAS 5:35

A'nogo meneat he, ap andi erugwi agaila'lak fisaluk ebe waluk logoin oba weregaro. A'nogo waluk logoin andem sambul enek he, it andi inenggi ekhe sumburu ninggi'lek logogun aro,” iluk yagaisasikhe.

YOHANES 16:6

An nen wene yagahisigi andi nen, hit hinendawimo mondok weak aga meneat he,

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

KISAH PARA RASUL 14:23

A'nogo yagaisaluk wulibi waga logolik he, o yi awi ti awi, Allah againafuri andogoti lagaukwa lombok, inogogwi ferinarek logouwageluk menfisaluk he, inenggi ekhe samban uogeluk sumburu ninggi'lek weat logolik samban yi'nogo ikhi lagaukwa: ”Tuhan Yesus ninoe. Hagainafuri inendawinggen hoba himbirik werek mene yi, ferinarek logoinogen iluk hat henggiba fogo o,” iluk samban ilik wulibi wagaukwa.

1 KORINTUS 7:5

Halok he, hemi ap hinom nogo ikhi logogun. Heksek logogubo. Samban uogeluk halok he, yi'nogo ugun: ”Elama faget weat logouwok,” iluk weneane hinom imbigen, samban ikhi logombik he, hobuk hinom lambukhogo logoino. Hinendawinggen sebelugun elo'lek andi nen, Iblis nen hinendawimo kagalinogo iluk he, hinom lambukhogo logogun andi.

2 KORINTUS 11:27

Yi mene ti mene faget set kwil-kwalhogo hilingitik, hundik-handigat nogo neluk nogo igik, sumburu inom, i inom, legen nele welagik, hundik-handigat sumburu ninggi'legat welagik, nasu legen sogoi noatik, o koma nogo u heat agik, ikhi lagagisigat.

WAHYU 19:9

A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.