MATIUS 9:14 - Allah Wene Fano Wene Hupla Inane

¹⁴ A'nogo yagaisasikhesik oba nen he, it Yohanes agoromi ane wanhi lagaukwa mene Yesus oba wagaukwasik he, mel yagatukwa: ”Nit inom, it ap Farisi mene inom, samban hundik-handik uogeluk, sumburu ninggi'lek welagorek meneat he, it ap hat hane wili'lagwi mene yoma nek he, a'nogo hilingiri'lagwi lek andi nenahalok,” iluk yagatukwa.

MATIUS 9:14 ပူးပေါင်းရင်းမြစ်များ

AMSAL 20:6

Ap hokhorogo nen anggikhi logolik he, ”Ninagaila'lak werek,” iluk anggagarek, oba nen he, inobabut higithogo hilingitarek mene andi siserogo heraginabumo re elo'lek.

MATIUS 11:2

At Yohanes ima pelaginafi lagaikhe mene a'nogo enggi hele warek were'ma, afuni nen he, ”Kristus yi'nogo hilingiri'logo,” iluk ugunem esanggo holhikhesik he, at agoromi ane wanhi lagaukwa mene Yesus oba heinok wanuageluk lakfisa wagaikhe.

MATIUS 6:16

A'nogo yagaisasikhesik he, ekhe mel yagaisasikhe: ”Hit sumburu ninggi'lek sambanat ugu mondok logouwogeluk halok he, it afuni ekhe inagap oba nek fano hak logolik, inendawinggen pire mene nen, Afuni ekhe nen enegat futninobagaluk inelokhonggen ofuselogo welagaikharek andi hak, logogun lek. It andi onggo hela hak he, we, afuni nen enegat yerisagarek andiat iluk, eberogoat yagahisigi o.

MATIUS 9:15

Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

YOHANES 3:25

A'nogo ima pelaginafu were'ma, at Yohanes agoromi ane wanhi lagaukwa mene inom, it ap Yahudi mene ekhe inom, inomen it afuni Yahudi mene nen yi mene ti mene ebene sobalogo nek hilingitaresi'mo andi nen he, wene andi faget hokhorogo palhi lagaukwa.

YOHANES 4:1

A'nogo hilingiti lagaukwama, it afuni nen he, mel isukwa: ”It afuni inebe endebat hak Yohanes agoromi asuogeluk awe a'ma wagunem ima pelaginabi'logo meneat he, it ekhe inebe hokhorogoat Yesus agoromi asuogeluk awe a'ma wagunem ima pelaginabi'logo,” iluk ugunem, at Yesus nen he, ”Wene andi, it ap Farisi mene inesanggo holha higi,” iluk elu agaikhe.