MATIUS 9:12 - Allah Wene Fano Wene Hupla Inane

¹² A'nogo yagaisasukwama, at Yesus esanggo holhikhesik, mel yagaisasikhe: ”It afuni ekhe inoba fano mene, dokter lagen ou higirinabuageluk inayonggo fogoin nogo? Lego. We inoba ou werek halogat dokter lak inayonggo fogoin o.

MATIUS 9:12 ပူးပေါင်းရင်းမြစ်များ

MAZMUR 147:3

Afuni inendawinggen mondok weaga'luk werek mene re Aren fano hilingfisikherek, nen it inendawimo inoumo hak werek mene re, Aren inagambut waganogo leget fisikherek.

MAZMUR 41:4

At ebe ou were'ma Tuhan nen lebethikhi logogin, nen oba ou logogin mene a'nogo fanot fikhi logogin.

MAZMUR 6:2

Tuhan neisena, Haren he ha'mageba yei noatik, nen helokhe ageba wene noba figik u fugo.

YEREMIA 17:14

Tuhan neisena, Hat he an nen legeisogo hobagakhi lagi mene welagen ma re Haren an nebe higitnabigin halok he, an noba fano asigin o. Nen, Haren nagap telnabigin halok he an nagap telegat logogin.

YEREMIA 30:17

Hit hinaselei mene nen ikhi logolik, ”Sion he hugusagama re afuni nen ekhe eberisogoin lego. Oba nen hit he An nen hinebe fanot hinobagagin, hit hinoumo andoma An nen obat oba fano hilinghinobagagin o,” ikhe.

YEREMIA 33:6

Oba nen he hobugen An nen kota yi inom, afuni werek mene inom inebe halogo fisagain o, andi nen he it inebe nekhengge inomame asugunat. An nen he it inoba inendawinggen serogo welagik, inailo legengge welagik, hilingik logouwageluk sik-pikhogo hilingisogo fisagain.

YEREMIA 8:22

Wene ningginik mene hilinglagaba yogondak huli nen an nunggulenu mene inoba ou andoma fano ari'lagwi lek nogo? O Gilead oba mondogat oma re, Dokter ou fano hilinginaferek mene inom, obat inom legen hilingiri'lagwi he a?, iluk heinok wanhi lagi.

HOSEA 14:4

Ap Asyur mene nen telninabugun he lego. Nen wam kuda weim yabi lagaikharek mene andi nen telninabugun he legaro. Niren tugwi kembu ninonggwarek ninenggi nen agauwak hilingiti lago meneba yagati logolik, allah nineisena, iluk yagatorek andi hak, ikhi logogun legaro, neisena. Tuhan, Hat he afuni suarek mene hendawirinafendek mene o, neisena, iluk ayonggo fikhi logoino,” iluk yagaisasigi.

MATIUS 18:11

An abat ta'lasi wagagi a'nogo re, afuni nong ari'lagwi mene andi heragaisogo telinabigeluk wagagi o.

MARKUS 2:17

A'nogo yagaisugunem at Yesus esanggo holhikhesik he, mel yagaisasikhe: ”It afuni inoba fano mene, dokter lagen higirinabuageluk inayonggo fogoin nogo? Lego. We, inoba ou werek halogat dokter lak inayonggo fogoin o. Andi hak, an afuni fano hilingitarek mene inayonggo feigeluk wagagi fuk. We, afuni weak hilingitarek mene andi inayonggo feigeluk wagagi o,” iluk yagaisasikhe.

LUKAS 5:31

A'nogo yagaisasukwama, at Yesus nen he, ”It afuni ekhe inoba fano mene, dokter lagen ou higirinabuageluk inayonggo fogoin nogo? Lego. We, inoba ou werek halogat, dokter lak inayonggo fogoin o.

LUKAS 8:43

Lagunem he, he ekhe amep lagu mondok werek kwelek 12 tahun hilinglagaikhe mene, it ekhe nen fano hilingisuageluk inayonggo filik onggo hokhorogo wogisikhi logolik he, at agarek mene leget fesikhe meneat he, iren fano higiti'lek werek kwelek, amep a'nogo palagi'lek lagu mondok welagaikhesik,

LUKAS 9:11

Andoma inale'ma kenghogo lagaukwa meneat he, afuni nen he, ”At Yesus a'nogo o andoma laga o,” iluk ugunem, afuni hokhorogo inesanggo holhukwasik he, inebe hokhorogoat ombo'ne lagaukwa. Lagaukwama re, at Yesus nen hai warogo woginafikhesik he, Allah awe a'ma fisikherek wene a'nogo yagaisigik, inoba ou werek mene higirinafik, isikhe.

KOLOSE 4:14

At Lukas, ebe dokter logolik ou higirinaferek mene ninendawi mene a'nogo nen hai wathinafik, at Demas nen hai wathinafik, aga aro.