MATIUS 8:6 - Allah Wene Fano Wene Hupla Inane

⁶ ”Noe! An namingmingengge ekhe enggi eisok wut warek mene oloba wengik mondok logolik he, heinet hokhorogo wari'logo,” iluk yagatikhemo,

MATIUS 8:6 ပူးပေါင်းရင်းမြစ်များ

MATIUS 4:24

A'nogo higirinabik nugunem, abok o Siria andoma mondok sak isikhemo re, yi ou ti ou, yi hat ti hat inoba werek mene inom, munggwarengge obabut weak mene inendawimo kwisukwasik inebe lugulugwi palharek mene inom, wa'lagik ineluk agik agarek mene inom, inenggi ineisok wut warek mene inom, oba woginarek wagunem fano higirinafi lagaikhe.

MATIUS 8:7

at Yesus nen he, ”An nen fano higisi wesigin o,” iluk yagatikhemo re, at ap tentara mene inoe kain a'nogo nen he,

MATIUS 9:2

ap ekhe enggi eisok mondok wut warek welagaikhe mene e talek oba wengik werek kwelek yerogo waluk oba wagaukwama, at Yesus nen he, ”It andi inendawinggen an noba himbiret fagasigen waluk wagaikha higi,” iluk, eilenggen enegat isasikhesik he, ap enggi eisok wut warek mene a'nogo mel yagatikhe: ”Namlogo e. Hendawimo hagaiyek ame o. Hat weak hilingiti lagen mene re, an nen sebelogo legetfisigi,” iluk, yagatikhe.

KISAH PARA RASUL 10:7

Arat yagatikhesik he, malaikat Allah nen yonggo pelakfisa wagarek mene a'nogo wulifikhesik lagasikhemo re, at Kornelius nen, amingmingengge mene aiba welagaikharek mene inebe pire inom, ap ekhe tentara mene ebe Allah ailorogo logolik Kornelius inom mondok nikhi lagaikhe mene andi inom, wolisasikhe.

KISAH PARA RASUL 9:33

Pisikhesik he, ap ekhe enu Eneas. O fagearen eisok wut warek mondok logolik he, mo lagagik pigik ugu kwelek 8 tahun wengik mondogat welagaikhe mene, a'nogoat were'ma, eilenggen hasikhe.

KOLOSE 3:11

A'nogo hilinghinafunem he ninebe mondogat ninoe Enupogot Kristus alegatma andi nen ninebe mondogat at ninom hundik welago andi nen, inunggulenu Yunani mene igik, Yahuri mene igik, agarek andi inom, inagap inenggalimo mene palek mene igik, palek lek mene igik, agarek andi inom, inane unggut palek mene igik, inebe Yali-Somagai mene igik, agarek andi inom, inamingmingengge mene igik, inale'ma mene igik, agarek andi inom, ikhi logogun lek mene welagep andi.

KOLOSE 4:1

Nen, hit ap inogogwi kaindek mene yi, hit hinendawimo nen he, ”Nirogo, ninoe Enupogot ebe pogoroba werego,” iluk futfuluk he, hinagoromi hinamingmingengge mene andi, yi mene ti mene wogisagarek higithogoat wogisikhi logoino o.

1 TIMOTIUS 6:2

A'nogo agaugwerinafi logolik, it inamingmingengge mene andi inendawimo nen he, ”An noe andi endawinggen Allah oba himbiret fuluk welagarek andi nen nemberek Allah againafuri misigat mene nagailak nemberek,” iluk inogogwi inebe inendawimo nen sebelfisigi'legat, ”An noe lebethikhi lagi yi, endawinggen Allah oba himbirik werek mene hilingi'mo nendawio,” iluk, hobuk ekhe inom hokhorogoat leberisikhi logoguno. Wene igin yi mondogat haren yagaisigik, komorinafik, ikhi logoino.

FILEMON 1:16

At hobuk hat hemberek logogun andi, ebe hamingmingengge logolik, hat faget hilingiti logogin meneat he, andi nek fuk. Athe, at ebe Allah amlogo agasik ninagailak ninendawi hundik meneat logogin andi. Aren he, an nendawi meneat logolik, an faget fano mondok hilingiri'logo andi, endebaro. Hat faget enek he, at ebe kweangma hamingmingengge logolik, hagailak hemberek ninoe Enupogot hinom hundik logogun andi nen, ebenagaik hendawinggen tulem mondok logogin o.