MATIUS 8:29 - Allah Wene Fano Wene Hupla Inane

²⁹ inane hokhorogoat mel yagatukwa: ”Allah amlogo yi. Haren he, nit ninggi'nogo hilingninabigeluk wagen. Nit ninoasigin oba oan werek kwelegat he, hat tak ninoasigiluk wagen yoma ri!” iluk yagatukwa.

MATIUS 8:29 ပူးပေါင်းရင်းမြစ်များ

2 SAMUEL 16:10

A'nogo yagatikhe meneat he, at Daud en Abisai oe Yoab emberek mel yagaisasikhe: ”Nineisena Tuhan nen lakfei wagama, homan nobagali'lago meneat logou hak. Ma re, niren he, hat sa nen a'nogo ino iluk yagahetemo eise agendik ikhi lagen, iluk yagasugun elo'lego. Halok he, aren homan nobagauwagen he, at ebe wati'lek herakfeni o,” iluk yagaisasikhe.

2 SAMUEL 19:22

A'nogo yagatikhe meneat he, at Daud en Abisai oe Yoab emberek mel yagaisasikhe: ”Hit Zeruya againafuri yi re, an nen igin mene andi hiren sagalogo fogoin lego. An o yogondagen afuni Israel mene inoe raja hilinglagiat andi nen he, afuni Israel mene ekhe wene inoba fembik inoasugun mondok lego,” iluk yagaisasikhe.

1RAJA-RAJA 17:18

A'nogo wa'lagaikhemo, at he sogwe mene a'nogo nen Elia mel yagatikhe: ”Allah amingmingengge yi. An yi'nogo hilingnafen andi nenahalok? Allah nen an weak hilingiti lagi mene weinamhogo fak ugunem herakfisamo an neak ebe wa'lasuageluk noba wagen andi nenahalok?” iluk wenagetikhe.

2 RAJA-RAJA 3:13

A'nogo lagaukwama at Elisa nen raja Israel mene omanogo inoba ikhi logolik he, ”Nenahalok an nen lebethisoageluk kino yaganeti lagep? It hineisugwi inobaget nabi welagaukwa mene omanogo inambit lani re,” iluk yagaisasikhe. Andi yagaisasikhemo at Yoram en he, ”Lego! Tuhan nen he nit raja ninebe henagan ya raja Moab mene enggiba ninobagaigiluk wenggelhemo nen wago o,” iluk yagatikhe.

2 TAWARIKH 35:21

Oba nen he at Nekho nen Yosiaba wene warek lak fei waga logolik he yi'nogo isikhe, ”Afuni Yehuda mene inoe raja ahwi! Weim yi re hat ninom yabugun mene re fuk. An he we Allah nen miming nafi logolik weak-weak hilingisin iluk yaganetemo it an naselei mene ninom yabuogeluk waga lagi o, nen hat ninom yabugun nen iluk he lego. Allah re an nebikhit werek enggere haren an kwe palnabu fuk. Nen kwe palnabigin halok he At Allah nen hat mondok wolelenggen habigiluk werek,” iluk wene warogo lakfesikhe.

YOEL 3:4

Hit afuni Tirus mene inom, Sidon mene inom, afuni o Filistin mene ekhema-ekhema welagep mene mondogaren he, An ninggi'nogo hilingnobagauwogeluk hilingiti lagep nogo? An nen weagethinafi lagagi mene andoma eberek logolik wene onggo noba fouwogoluga? Halok he An nen hit hinonggwarek hinobabut oba wene hinoba fembik onggo lagokhogo weak-weagat weagethinabigin werego.

MATIUS 4:3

A'nogo nele were'ma re, at Iblis inendawimo kagalik nikherek mene a'nogo oba wagaikhesik he, ”Hat eberogoat Allah amlogo halok he, helep yoma sumburu roti mene hilinglasuagen yagasin o,” iluk, yagatikhemo,

MATIUS 8:30

Andi sambul o andoma era'lu horogat wam mondok hokhorogo inamisang wanhi lagaukwa.

MARKUS 1:24

”Yesus aiba Nasaret mene yi! Haren ninggi'nogo hilingninabigeluk wagen. Nit weagetninabigeluk wagen a? Hat hebe re, Allah onggwarek faget menhobagaikhesik lakhobagai wagama wagen andi, an nen futhobagagi o,” iluk ane hokhorogoat yagatikhe.

MARKUS 3:11

Ou a'nogo higirinafu kwelek, it munggwarengge inobabut weak mene afuni inendawimo kwisukwasik welagaukwa mene nen Yesus ebe ineilenggen hasukwasik inelokhe sagaum po i lagaukwasik he, inane hokhorogo yagati logolik, mel ikhi lagaukwa: ”Allah amlogo re, hararo,” iluk yagaukwa.

MARKUS 5:7

”Yesus Allah Enupogot amlogo yi, ninggi'nogo hilingnabigeluk wagen,” iluk yagatikhemo, at Yesus nen he, ”Munggwarengge hobabut weak mene yi, ap yi endawimo nen henegeisogo wulibi lan o,” iluk yagatunem, at a'nogo ane hokhorogo ikhi logolik, ”Eige. Nabire. Allah oage. Weagetnafun,” iluk ane hokhorogo isikhe.

LUKAS 4:34

”Yesus Nasaret mene yei! Haren ninggi'nogo hilingnabigeluk wagen! Nit weaget ninabigeluk wagen a? Hat hebe re, Allah onggwarek faget menhobagaikhesik lakhobagai wagama wagen andi, an nen futhobagagi,” iluk ane hokhorogo yagatikhemo,

LUKAS 4:41

A'nogo higirinafikhemo, it fena inebe hokhorogoat, munggwarengge obabut weak mene inendawimo kwisukwasik welagaukwa mene nen mel yagatukwa: ”Allah amlogo hararo,” iluk inane ngai ilik-ilik wulifukwa meneat he, it inendawimo nen he, ”Kristus Allah nen, telninabuageluk menfuluk lakfei wesigin isikhe a'nogo ebe yi aro,” iluk, inelumo andi nen he, Yesus nen inane legat wulibuageluk wenagisasikhe.

YOHANES 2:4

A'nogo yagatikhemo, at Yesus nen he, mel yagatikhe: ”Eige. Nagaisa. An nen hilingisigin oba oan higit asi wagi'lek werek kwelek, haren an nenahalok yaganeten?” iluk yagatikhe.

KISAH PARA RASUL 16:17

Nit Paulus ninom lagunem, at helenggerek andi ninombo'neat lagaikhe. Laga logolik he, ane hokhorogoat afuni mel yagaisasikhe: ”It ap yi inebe Tuhan Allah amingmingengge welagaikharek mene nen wene hinebe telhinabigin wene yagahisuogeluk wagaikha o,” iluk yagaisasikhe.

YAKOBUS 2:19

Hat ekhe nen he, ”At Allah ebe misigat,” iluk eberogoat anggikhi lagen andi fano meneat he, Iblis agoromi inobabut weak mene inomen, andi hagat eberogoat anggikhi logolik, ebe inailo nen aleik wataregaro.

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

YUDAS 1:6

Nen, at Allah nen it malaikat yonggo pelakfisa wagarek mene hilingisu mene sumburogo wogisasikhe meneat he, it ekhe nen inagaila'lak hilingisugun mene inafane hilingi'luk he, inonggwarek inaiba herakfisasukwama, Allah nen hele mondok logogin meneba inenggi hele warogo o mondok mum wea'ma kweang abel manggwe fisasikhemo werek andi. A'nogo mondok logombigen, hobuk afuni wene hokhorogo inoba fagain andi sambul, it inomat inoba feigeluk he, inenggi hele fikhalinabigin andi hinendawimo ebe'ni.

HAKIM–HAKIM 11:12

A'nogo hilingitukwasik he, at Yefta nen ap yonggo raja Amon mene oba yi'nogo yagasi loageluk lakfisasikhe, ”Niren weak ninggi'nogo hilingitoma hiren nit ninanggweang yiba weim yabi waga lagep?” iluk lakfesikhe.