MATIUS 8:26 - Allah Wene Fano Wene Hupla Inane

²⁶ A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

MATIUS 8:26 ပူးပေါင်းရင်းမြစ်များ

MAZMUR 65:7

Hat homame hokho logolik legaisogo hobagali'lagwi mene a'nogo enek asuageluk, Hat henggi homamerogo o tom mondogat menhigik fesigin.

MAZMUR 89:9

Nineisena Tuhan Allah, Homame Mondok Hokho mene, Hat Homame welagen andi hakhogo re ap sa hak ekhe werek? Neisena Tuhan, yi wene ti wene faget Hat he katokhogo nek hilingitu hagun welagen.

YESAYA 63:12

Nen At Tuhan Musa inom hundik logolik, enggi omame hokho meneba At enu mondok-mondok andoma lego logouwageluk, it inelokhoma i tekhogo maminget fesikhe mene a'nogo koma werek?

NAHUM 1:4

Aren he i laut agut palogore terenghogo potfisikherek. Yi agai ti agai lagarek mene andoma re Aren enek firitoget fikherek. Tom Karmel inom o Basan lei omanogo inom he lei mondok pirimhogo hilingfikheregat. Nen o Libanon oba owil-owilengge wilibik mene omanogo re mondogat saweret fikherek.

HABAKUK 3:8

Tuhan neisena, Hat ha'mage lagali'lago andi re i laut werek andi nen a? Athe, i lagu agai werek andoma nen wene palhendek nogo a? Kuda ba lagaluk weim wagaikharek andi hak Hat hebe ohenaba wagik, kuda nen kereta ba lisogo woginarek weim wagaikharek andi hak pogot muli meneba wagik, isigindik, hagainafuri inomamerinabi wagagin andi.

MATIUS 16:8

at Yesus nen enegat futfisasikhesik he, mel yagaisasikhe: ”Hinendawinggen noba himbiret figi'lek welagep yi ri! Hit-hit ikhi logolik he, ”Sumburu roti mene lek, iluk ikhi lagep andi nenahalok?

MATIUS 17:20

at Yesus nen he, ”Hit hinendawinggen furogo noba himbiret fikhi lagep lek andi nen o. Kibi-kibi enggen magenggelak mene feik lakfagarek andi hak, hinendawinggen an noba endebat enek himbiret fembik he, tom ari yagati logolik, Aroma nen higilogo ekhema andoma asi lan o, iluk yagasugun halok he, andoma nen ekhema andoma asi lagain aro. Hiren yi mene ti mene hilingisumo re, ekhe elok legagi'lek fano nek asigin, iluk eberogoat yagahisigi. Mene re, munggwarengge obabut weak mene yi hangge inendawimo were'ma re, sumburu ninggi'lek samban umo nek he, elok henegeisogo wulibigin o,” iluk yagaisasikhe.

MATIUS 6:30

Engga helengga o leikwe welagarek andi re, yogondak hak fano welagaresi'mo nen, ohealek hak endumo nolfisagarek meneat he, Allah nen inasu labetfisa hak fano mene hilingisogo fisikherek andi nek he, hinebe faget fanorogo labethinobagagin lek nogo? Labethinobagagin o. Hinendawinggen Allah oba himbiret figi'lek yi ri!

MATIUS 8:27

A'nogo hilingitikhemo re, it agoromi ane wanhi lagaukwa mene omanogo nen fogerati logolik he, mel isukwa: ”Egi! Ap yi sa anggegep. Sogoi inom, i ha'labu inom, at ane hologo legaga andi ninailo e!” iluk fogeratukwa.

LUKAS 4:35

at Yesus nen wenageti logolik he, ”Hane. Ap yi endawimo nen henogo wulibi lan o,” iluk yagatikhemo re, munggwarengge obabut weak mene a'nogo nen ap a'nogo ebe talorogo afuni hokhorogo omanogo inanggele'ma lakfisasikhesik he, ap ebe weaget figi'lek wulifikhe.

ROMA 4:20

Abraham endawinggen Allah oba a'nogo himbirik mondok logolik, ”Allah nen abok yaganetikhe a'nogo, eberogoat hilinglasigin a? Legasigin a,” iluk menenei ebeti'lek welagaikhe. A'nogo endawinggen Allahba himbiret fuluk welagaikhe andiba omamet fugunem Allah fogerati lagaikhe.