MATIUS 8:20 - Allah Wene Fano Wene Hupla Inane

²⁰ A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

MATIUS 8:20 ပူးပေါင်းရင်းမြစ်များ

MAZMUR 104:12

A'nogo hilingfesiginmo i esanggokwe horok horokwe andoma, sue inawi wusi we'luk, engga anggelekwe omanogo nen inane agarek.

MAZMUR 104:17

E andoma bene re, sue awi wusi wagarek. E erembul oba andoma re, sue ranggung awi wusi wagarek.

MAZMUR 109:22

An he nenggi lek logolik nelagaik mondok welagi, nen an nendawimo noumo nelonggoma mondok nilik kugunem ou hugu welagi.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

MAZMUR 69:29

It inenu re afuni ineluk mondok logogun iluk buku eluk-eluk oba palek werek mene andiba nen terogo lakfisano o. It afuni inobabut higithogo hilingiri'lagwi mene andi inom inenu misi'mo palek logoinogo.

MAZMUR 84:3

An nendawinggen oba nenat, Hat haiba andoma logoile e, iluk, nendawimo warugu welagi. An nebeba nen inom, nendawinggen oba nen inom, Allah heluk mondok welagen mene andi hobaget, nagaiyegetu logolik foget hafu welagi.

DANIEL 7:13

O hubanggo andi sambul nabikanggo a'nogo yethigirik, neilenggen oba mondok were'ma nen At ekhe abat ta'lagaikhe mene ohena oba huli'liphogo re, At eluk mondok welagarek mene a'nogo oba higit lagasik he, era'lu horokhogo lagasik hai wat-wat ugunem yethigi.

MATIUS 12:32

Sa nen an abat ta'lasi wagagi a'nogo endawimo sebelnobagaluk nabok ekhe weak palhu halok he, weak hilingisigin mene andi Allah nen elok sebelogo legetfisagain meneat he, Allah Areagun andi endawimo sebelfuluk abok weak palhu halok he, weak hilingisigin mene andi, Allah nen yogondak inom, o wurep oba arat hilinglasigin oba nen logogun oba inom, sebelogo legetfisagain mondok lego,” iluk yagaisasikhe.

MATIUS 12:40

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.

MATIUS 12:8

Ninenggi sabit oba Allah faget weat welagorek andi, eisewerek he, an abat ta'lasi wagagi nebe yi aro,” iluk yagaisasikhe.

MATIUS 13:37

A'nogo yagatukwama, at Yesus nen he: ”Ap ekhe nen awi fano mene yatikhe igi a'nogo ebe re, an abat ta'lasi wagagi a'nogo nebe yi aro.

MATIUS 16:13

O andoma nen, at Yesus o sili Kaisarea ap Filipi nen hokhotfesikheba andoma lagai wagaikhesik he, at agoromi ane wanhi lagaukwa mene omanogo heinok wogisikhi logolik, mel yagaisasikhe: ”It afuni nen, an abat ta'lasi wagagi a'nogo an nebe faget ikhi logolik he, sa iluk ili'lagwi nogo,” iluk yagaisasikhemo,

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 17:9

A'nogo hilingi'luk he, tom oba a'nogo nen pi waga logolik, at Yesus nen mel yagaisasikhe: ”An abat ta'lasi wagagi a'nogo re, nebe noatunem wa'lasimbik were'ma, Allah nen neluget nafi'lek werek kwelek, an nebeba hilinglagunem hineilenggen neegep a'nogo afuni ekhe mondok yagaisagubo. We, hobuk Allah nen nelugetnafe halogen, yagaisagain o,” iluk komorinabik pi wagaikhe.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MARKUS 8:38

Afuni yoma inobabut weak logolik Allah ebe inom lombokhogo welagi'lek, yi weak ti weak hilingiri'lagwi mene andi hinomat logolik, it ineilhanem sa nen, ”An Yesus agot, igik, an nane andi yagaisigik, u re, ambe enggali halok he, an abat ta'lasi wagagi a'nogo hobuk neisena fogeratu mondok welagaikharek hak hilingla'luk, it malaikat Allah onggwarek faget yonggo pelakfisa wagarek mene omanogo ninom wesimbik he.

LUKAS 12:8

A'nogo yagaisasikhesik, ekhe mel yagaisasikhe: ”Ap sa nen, Yesus andi an noe o, iluk afuni ineilhanem fakhogo ugu halok he, An Abat ta'lasi wagagi a'nogo nen ogo re, At yi an nagoro, iluk, it malaikat Allah nen yonggo lakfisa wagarek mene omanogo ineilhanem nane fakhogoat yagaisagain o.

LUKAS 18:8

Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

LUKAS 2:12

Ebe enegat hineilenggen hambik, futfobagaigen he, omalik ketago mene su kain meneba yinggilogo e sang tale'ma wam amburu ninggerek oba fagasik werek a'naga ha lani o,” yagaisasikhe.

LUKAS 2:16

weak-weak lagaukwa re, Maria Yusuf emberek omalik ketago a'nogo e sang tale'ma wam amburu ninggerek oba weing fesukwasik were'ma ha lagaukwa.

LUKAS 2:7

eak manggusa abat takhasikhe. Takhasikhesik he, o afuni pok mene nogo agarek oba mondok peteregen he, su kain meneba yinggilogo, e sang tale'ma wam amburu ninggerek oba ebe fesukwa.

LUKAS 21:36

Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.

LUKAS 8:3

nen, ekhe re, he Yohana ap kain Herodes agarek yi mene ti mene enggiba logolik hilingiti lagaikhe mene enu Khuza andi agwe inom, he Susana inom, nen ekhe re, it hemi fena hokhorogoat inom, uang it meneba yi mene ti mene onggo palogo Yesus agoromi inomat leberisilik nikhi lagaukwa.

LUKAS 9:58

A'nogo yagatikhemo, at Yesus nen mel yagatikhe: ”Olo mene andi re, awi senggele'ma welagarego. Nen, sue tarogo nikherek mene andi re, a'nogoat awi wurik welagaregat. A'nogo meneat he, an abat ta'lasi wagagi mene andi nek he, nogo ikhi logogin oba nawi wurik he, mondok lego,” iluk yagatikhe.

YOHANES 1:51

hobuk wene ekhe mel yagaisasikhe: ”Afuni e pelarek kwe lagagik, pigik, agarek andi hak, hobuk pogot healogo it malaikat Allah nen yonggo lakfisa wagarek mene omanogo, an abat ta'lasi wagagi a'nogo noba lagagik, pigik, ugunem hineilenggen nisikhi logogun o, iluk nane eberogoat yagahisigi,” iluk yagaisasikhe.

YOHANES 12:34

A'nogo isikhemo, it afuni hokhorogo omanogo nen he, mel yagatukwa: ”Wene Allah nen komotninafikhe wene andiba re, nit afuni telninabuageluk Allah nen ap ekhe lakfei wesigin andi ebe wesimbik he, eluk mondok logogin. Iluk isikhemo ninesanggo holhorek meneat he, haren ikhi logolik he, An abat ta'lasi wagagi a'nogo afuni nen kweangma yoma mennobagagagun iluk egen andi re, ap ekhe abat ta'lasi wesigin isikhe andi ebe sa faget isikhemo nen egen,” iluk yagatukwa.

YOHANES 13:31

At Yudas a'nogo arat wulifikhemo logolik, at Yesus nen he, mel yagaisasikhe: ”Nagoromi. An abat ta'lasi wagagi a'nogo Allah nen esinet nobagagunem, afuni nen Allah fogerasugun oba yogondak arat horogasi waga o.

YOHANES 3:13

A'nogo yagatikhesik mel isikhe: ”Ap ekhe kweangma nen pogoroba mondok lagagi'lek. We an pogoroba nen abat ta'lasi pi wagagi andi aro.

YOHANES 3:14

Nen, ap Musa o leimo afuni le'ma andoma logolik kisu hangge hilingisogo eba menfesikhe andi hak, it afuni yoma inendawinggen an abat ta'lasi wagagi mene yi noba himbiret fogoin mene nek he, inebe lombok ineluk mondok logouwageluk, an a'nogoat mennobagagun obaat mennobagagun aro.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

YOHANES 6:53

At Yesus nen he, ”An nen wene ekhe yagahisago. An abat ta'lasi wagagi a'nogo nebe ninggik, namep ninggik, ikhi lagep lek halok, ineluk mondok welagaikharek mene, hit eise werek agi'lek welagebo, iluk eberogoat yagahisigi.

YOHANES 6:62

An abat ta'lasi wagagi a'nogo attak welagagiba hobuk nambotkwe lagagunem hineilenggen nealuk, hinendawimo ninggi'nogo anggogoin?

KISAH PARA RASUL 7:56

Eilenggen liagisasikhesik aren he: ”Yethani! Pogot healagama re, at abat ta'lasi wagaikhe mene a'nogo, Allah era'lu emberek mendek were'ma neilenggen liagisigi o,” iluk yagaisasikhe.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.