MATIUS 8:19 - Allah Wene Fano Wene Hupla Inane

¹⁹ A'nogo yagaisasikhesik were'ma, it ap Allah ane lisu palek eisewerek mene ekhe Yesus oba wagaikhesik he, mel yagatikhe: ”Noe. An he, hat koma kwe lagen halok he, hombo'ne mondok nikhi logogin o,” iluk yagatikhe.

MATIUS 8:19 ပူးပေါင်းရင်းမြစ်များ

EZRA 7:6

Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.

LUKAS 14:33

Andi hak he, hit ekhe hinagarek yi mene ti mene hebisigi'lek logolik an nagoromi asuogeluk nawe a'ma kugun elo'lego,” iluk yagaisasikhe.

1 KORINTUS 1:20

Afuni inendawimo kagalek mene andi inom, afuni yi wene ti wene ero inelu mene andi inom, afuni wene palhi logolik inane omame agaikharek mene andi inom, we, tulemat werego. At Allah nen he, ”Afuni inawene inendawimo kagalogo agarek mene andi re, afuni inendawinggen wenggelek lek mene nen agarek hak ili'lagwi o,” iluk isikhe lek nogo?

1 KORINTUS 16:6

Hinoba wesimbik he, an hit ninom nenggi endebat logombik he a? O weak werek kwelek nenggi ekhe inomat logombik he a, hiren o an lagain anggigiba andoma laknobagaubagaigen iluk yagahisigi o.