MATIUS 8:15 - Allah Wene Fano Wene Hupla Inane

¹⁵ Hasikhesik he, enggi at he andi enggiba fakhasikhemo re, oba aganhan hokhorogo welagaikhe a'nogo legagaikhe. Legagaikhemo, he a'nogo menlagaikhesik he, at Yesus lebethikhi lagaikhe.

MATIUS 8:15 ပူးပေါင်းရင်းမြစ်များ

2 RAJA-RAJA 13:21

Andi nen he, inenggi ekhe sambul ap Israel mene ekhe nen, ap ekhe wa'lagaikhe mene ebe warek kweangma salhu aple inobakhe palagaikhemo were'ma, ap o Moab mene weim yabuogeluk wagunem yerisasukwasik he, ap warek a'nogo at Elisa ebe warek salhukwaba andoma, we hesanggema wugisaluk heise hela wagaukwa. A'nogo hela wagaukwama, ap warek a'nogo at Elisa oak omanogoba senhasikhemo re, ebe eluk agaikhesik, menlagaikhe.

YESAYA 6:7

Wagasik he endu ambisang a'nogo an nambeba taunget fikhesik yaganeti logolik mel ikhe, ”Kwelakhan, endu ambisang yi hat ambeba arat taunget hobagagi ari. Ma re yogondak he haren weak hilingiti lagen mene inom, kwanirogo hilingiti lagen mene inom omanogo re Tuhan nen arat leget hobagaikhe o,” iluk yaganete.

MATIUS 14:36

iren he, ”Yesus, hasu we wurep enek ninenggi fakfou a,” iluk inane inelagaik ane yagatukwasik, it at asu inenggi fakfesukwa mene nek inoba fano agaukwa.

MATIUS 20:34

A'nogo yagatukwama re, at Yesus nen endawirinafikhesik he, enggi ineilenggen oba fagisasikhemo re, aremnogoat fano agaukwasik, Yesus ombo'ne lagaukwa.

MATIUS 8:14

A'nogo hilingitikhesik he, at Yesus Petrus aiba lagaikhesik yethasikhe hak he, he Petrus eamalhe oba aganhan hokhorogo weregen he, wengik were'ma eilenggen hasikhe.

MATIUS 8:16

A'nogo hilingitu kwelek, o arat hubagaikhemo re, afuni munggwarengge inobabut weak mene inendawimo kwisukwasik welagaukwa mene woginarek Yesus oba wagaukwama re, at ane misigamat isikhemo munggwarengge inobabut weak mene inendawimo nen henegeisogo wulakfisigik, ou weak mene ekhe higirinafik, isikhe.

MATIUS 8:3

A'nogo yagatikhemo re, at Yesus nen ap a'nogo enggi fakfesikhesik he, ”An nen fano higithabigeluk ikhi lagi. Halok he, hoba fano ame o,” iluk yagatu kwelek aremnogoat oumo henanggo hangge inailo mene a'nogo mondok legagaikhesik ebe fano agaikhe.

MATIUS 9:20

Lagunem he, he ekhe amep lago mondok werek kwelek 12 tahun hilinglagaikhe mene, inombo'ne laga logolik endawimo nen he, ”Yesus andi asu nenggi fakhamo re, namep palasigin o,” iluk, Yesus asu wurep enggi fakhasikhe.

MATIUS 9:29

A'nogo yagatukwama re, at Yesus nen ineilenggen a'nogo enggi fagisikhi logolik he, mel yagaisasikhe: ”Hinendawinggen noba himbiret fegep higithogoat higithinabigin. Halok, fano a'ni o,” iluk yagaisasikhe.

MARKUS 1:29

At Yesus inom, Yakobus Yohanes emberek inom, agoromi ekhe inom, o afuni Yahudi mene samban agarek oba nen wulibi wagaukwasik he, Simon inom, Andreas inom, inaiba lagaukwa.

MARKUS 1:41

Yagatikhemo re, at Yesus nen, at ebe endawi agaikhesik he, enggi fakfesikhesik mel isikhe: ”An nen fano higithabigeluk ikhi lagi. Halok he, hoba fano ame o,” iluk yagatikhe.

LUKAS 8:54

Endo hokhorogo yatukwama, at Yesus nen helenggerek a'nogo enggi fagaisogo menfikhi logolik he, mel yagatikhe: ”Na'logo e. Menlame o!” iluk yagatu kwelek aremnogoat he,