MATIUS 8:10 - Allah Wene Fano Wene Hupla Inane

¹⁰ at Yesus esanggo holhikhesik he, afuni at ombo'ne lagaukwa mene omanogo mel yagaisasikhe: ”Eige! Ap yi endawinggen noba eberogoat himbiret fikhe andi hak, it afuni Israel mene ekhe inendawinggen a'nogo himbiret fugunem isigirek lek mene nailo e, iluk eberogoat yagahisigi o.

MATIUS 8:10 ပူးပေါင်းရင်းမြစ်များ

KEJADIAN 43:33

At Yusuf agaila'lak omanogo re at Yusuf en e tale'ma nenggarek oba a'nogo elokhoma fena fikhit fisasikhe. Fisikhi logolik he, it inebe ta'lagaukwa aple higithogo at manggusa meneba nen erarik huli elabo meneba hutfisilik lagaikhe. A'nogo hut fisasikhemo re, it-it ineil kwelak-kwelak aga logolik fogeti lagaukwa.

MATIUS 15:28

A'nogo yagatikhemo, at Yesus nen he, ”He yi nerei e. Haren he, Aren higitnabigin, iluk hendawinggen noba mondok himbiret fegen andi nen he, hendawimo anggegen andi higithogo higithesigin o,” iluk ugu kwelek aremnogoat, eak a'nogo fano agaikhe.

MATIUS 8:11

Nen, ekhe yi yagahisak. Afuni inebe hokhorogo po'lima nen, ma'lima nen, Allah awe a'ma kwimbik he, Abraham inom, Ishak inom, Yakub inom, seni isago nouwogeluk andogosi kugun.

MATIUS 8:9

An ogo re, nogogwi kaindek inawe a'ma logolik inane holhik, nen, an nagoromi tentara menere nawe a'ma logolik nane holhik, hilingiti lagoma re, an nen at ekhe ”Lan o,” iluk yagati halok he, lili'lago aro. Nen at ekheba, hat eme o, iluk yagati halok he, weri'lago aro. Nen, namingmingengge ekheba, yi mene hilingisin iluk yagati halok he, nane higithogoat hilingiteregaro,” iluk yagatikhemo

MARKUS 6:6

Higirinafikhesik he, it afuni andoma mene nen at ebe inendawimo futfesukwa lek andi faget, at endawimo nen, ”Eige! nailo e,” iluk anggasikhesik he, hobuk o andoma silikwe ya kwigik ta kwigik wene yagaisilik nikhi lagaikhe.

LUKAS 5:20

Pelakfesukwama, at Yesus nen, ”It andi inendawinggen noba himbiret fagasigen waluk wagaikha higi,” iluk, eilenggen enegat isasikhesik he, ”Namlogo e! Hat weak hilingiti lagen mene re, an nen sebelogo legetfisigi o,” iluk yagatikhe.

LUKAS 7:50

Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

LUKAS 7:9

Yagatukwama, at Yesus nen he, mel isikhe: ”Ap andi nailo e,” iluk, fogeratikhesik he, elokhe hebekhogo afuni hokhorogo ombo'ne lagaukwa mene omanogo mel yagaisasikhe: ”Ap andi endawinggen an noba himbiret fikhe andi hangge, it afuni Israel mene ekhe inendawinggen a'nogo himbiret fugunem isigirek lek mene nailo e,” iluk isikhe.

KISAH PARA RASUL 2:7

Ina'manggen lagaikhesik fogerati logolik he, ”It wene yaganisili'lagwi mene yoma inebe mondogat he, inaiba o Galilea mene lek nogo? Galilea mene aro.