MATIUS 7:7 - Allah Wene Fano Wene Hupla Inane

^7-8 A'nogo yagaisasikhesik ekhe mel yagaisasikhe: ”It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem he, inebe lombok herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hit he, Allah kino yagati logoino. Yagati logoumo, wokhisagain aro. Fano mene at oba herati logoino. Herati logoumo herasugun aro. Nen, kwe ane papaget hikhi logoino. Papaget hikhi logoumo re, aren kwe huthisagain aro.

MATIUS 7:7 ပူးပေါင်းရင်းမြစ်များ

KEJADIAN 26:32

Inenggi andi sambul, it Ishak amingmingengge omanogo nen i mogo habulhukwa mene omanogo faget yagasi waga logolik, ”Niren i herato,” iluk yagatukwama,

1RAJA-RAJA 3:5

Andi sambul arat noletikhesik he, o hubanggo nogo ugunem, Tuhan nen at elokhoma menlagaikhesik, abiba mel yagatikhe: ”Salomo. Hat hamolo mene An nen wokhesigin enggere, kino yaganom o,” iluk yagatikhe.

MAZMUR 10:17

Tuhan neisena, Haren he it afuni weaget fisagarek mene omanogo nen samban ugu mene re inane hesanggo holfuluk it inendawinggen hambuget fisikhi lagen.

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 119:12

Tuhan neisena an nen Hat fogethafi lagi, Hat hawene melalek menfegen mene andomaba yaganeti logoino.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

MAZMUR 34:4

Hit an ninom seberogo Tuhan enu legeisogo fouwok, ninebe mondogaren at enu hokhorasuogen we'ni.

MAZMUR 37:4

Fano mene helaluk inendawimo inagaiyek agarek andi hak, Allah ebe baat hinendawimo hinagaiyekhogo logoino. A'nogo hilingiti logogun halok, hinendawimo hinamolo anggikhi lagep mene wokhisagain aro.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 69:32

A'nogo hilingiti logogin andiba, Hat hendawimo mondok fano asigin, meneat he an nen wam sapi ai mene ebe hokho mene, neisena Tuhan hobaget warogo nolhesumo re, elok lego.

MAZMUR 70:4

It afuni an endo ya'nabi'lagwi mene andoma re, inebe youk laluk, inenggali aga logouwak.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

AMSAL 8:17

Afuni ekhe nen, an inendawinggen hundik halok, an nen it inoba nendawinggen hundik welagiregaro. An hera'nabik noba wesugun halok, an nebe ninom ambi asugun aro.

KIDUNG AGUNG 3:2

Nabi a'nogo hikhi logolik he nebe menla'luk o kota kwe andoma laga logolik, ebekhe kwe inom ineisok sebelharekwe inom andoma mondogat herarik noak solok ikhi lagi. An nen nendawinggen elonggoma mene a'nogo ebe herati lagiba nen he, we alomarogoat hilingiti lagi.

YESAYA 30:19

Yago, hit o Yerusalem welagep mene yoma re, hiren hundik-handik le aga logou fugo. Tuhan he inelagaik isikherek mene hilingi'mo re, hiren lebetninabin iluk yagasugun halok he Aren weak-weagat lebethinabigin werego.

YEREMIA 33:3

”An nenu hombuk palhu halok he An nen nane onggo yagaheti logogin o. An nen he wene esin mene fano awene mondogat yagahetik, wene haren fut fou elo'lek mondogat inonggot mene yagahetik, ikhi logogin o

AMOS 5:4

Tuhan nen afuni Israel mene faget mel ikhe: ”Hinambotkwe An noba we'ni o. Wagep halok, hit hinebe hineluk logogun.

MATIUS 18:19

”Nen, wene ekhe yi yagahisak. Hit hinebe pire a? Henagan a? An nenuba andogosugun halok he, an nebe hinanggele'ma andoma ninom logogun, andi nen he, hit hinebe pire mene nen kweangma yoma logolik, hinendawinggen misigat a'luk, hiren, ”Ekhe wo'nisan, iluk nena mene Allah kino yagasugun halok he, kino ugun mene andi an neisena pogoroba mene nen hinane esanggo holimbik he, wokhisagain aro,” iluk yagaisasikhe.

MATIUS 21:22

Nen, hit yi mene ti mene Allah kino yagati logolik hinendawinggen at oba eberogoat himbiret fegep halok he, wokhisagain aro,” iluk yagaisasikhe.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

MATIUS 7:11

Hit hinobabut weak hilingiti lagep meneat he, hinagainafuri fano mene wogisagarek andi hinelumo re, fano mene wogisikhi lagep andi. Andi hak he, hineisena Allah pogoroba mene andi re, kino yagasugun mene halok mondok fano meneat wogisagain lek nogo? Wogisagain aro.

MARKUS 11:24

A'nogo hilingiterek andi nen he, hiren yi mene ti mene Allah kino yagati logolik, hinendawimo nen, Arat wo'nisikhemo, iluk anggegep halok wokhisagain aro, iluk yagahisigi.

LUKAS 13:25

Nen, o andoma ap awi eisewerek mene andi menlasimbik, kwe te'merogo yagati logoumo re, hit enda'ma mendek logolik kwe papaget hikhi logolik he, Noe! Nit kwe hu'nisan, iluk yagasugun meneat he, aren he, hit hinebe an nonggoro. Koma nen wagep, iluk yagahisugunem,

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 15:7

Hit an ninom hundik logolik nane hinendawimo werek halok, we, nena mene hit hinamolo mene an kino yaganesumo wokhisamo helogoin aro.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

ROMA 3:11

Nen, afuni wene futfili'lagwi mene ekhe legaro. An Allah nebe furogo inelu asuogeluk hera'nabi'lagwi mene ekhe legaro.

IBRANI 11:6

Afuni inendawinggen Allah oba himbiret figi'lek halok he, at endawimo fanorogo hilingisugun mondok elo'lego. Nen, at oba wesuogeluk halok, iren he, ”Allah eberogoat werek,” iluk anggigik, ”At ebe inelu asuogeluk hilingisugun halok, aren onggo ebe mene wogisikheregat,” iluk anggigik, ugun andi.

YAKOBUS 5:15

Iren inendawinggen Allah oba himbiret fuluk, samban ugun andiba, ninoe Enupogoren hinoba ou mene andi se asuageluk fano hilinghinafik, hit ekhe weak hilingitep mene werek halok, sebelogo legetfisigik, igino.

1 YOHANES 3:22

aren wene komotninafikhe wene higithogo hilingitik, at eilhanem endawimo fanorogo nek hilingitik, ikhi lago andi nen, nit yi mene ti mene kino yagatunem, aren wo'nisili'logo.