MATIUS 7:6 - Allah Wene Fano Wene Hupla Inane

⁶ A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.

MATIUS 7:6 ပူးပေါင်းရင်းမြစ်များ

AMSAL 11:22

He ekhe endawinggen wenggelek lek mene nen ebene pugun eterek mene andoma re inesanggomangge emas mene wam ambisangma kwelakfugunem hak hilingik.

AMSAL 23:9

Ap kembu mene re komorinabu fuk, haren komo wene yagasigin mene andem eberogo ikhe iluk futfakhagain lek enggere.

AMSAL 26:11

Mene nen hebak wut fuluk hobuk ambotkwe ninggerek andi hak, ap kembu mene nen he kembu-kembu aple aremnogo nek agap sagalhikhi logolik werek.

AMSAL 26:4

Ap ekhe morue mene nen heinok wokhugunem onggo yagasigin mene andi re, ap onggo yagasigin mene andi re emberek higirat werek.

MATIUS 15:26

at Yesus nen he, ”Yenggerugwi inamburu mene telogo waluk, mene noageluk hugisamo elo'lego,” iluk yagatikhe.

MATIUS 24:10

Ariginhu kwelek, it afuni ekhe inendawinggen Allahba himbiret fesukwa meneat he, inebe hokhorogo nenat inendawimo pugasimbik herakfisaluk wilibimbik he, at ekhe nen at ekhe wasuageluk waluk lagik, ekhe nen ekhe anini oba figik, ugun o.

MATIUS 7:5

Hinagap oba nek fano hangge logolik hinendawinggen pire yi ri! Hinonggwarek hineilenggenma e palek hokho mene andi tak wokhambigen, hineilenggen arat selek aga halok he, hobuk hinerugwi hinagaila'lak ineilenggenma ilingal werek mene andi elok wogisogoin o,” iluk yagaisasikhe.

2 KORINTUS 11:26

Hundik-handigat youkwe laga logolik andi re, i fu nen sebelnabu hak hilingnafik, afuni inobabut weak inenggi abisak wanharek mene nen noasuogeluk ugunem youkhigik, afuni an nunggulenu misik mene nen noasuogeluk ugunem youkhigik, it endakwe mene nen noasuogeluk ugunem, youkhigik, o sili hokho wuri'mo nen noasuogeluk ugunem youkhigik, leget takwe nen noasuogeluk ugunem youkhigik, i laut yenggele'ma nen noasigeluk ugunem youkhigik, afuni hunogoat meneat he, Allah againafuri nagaila'lak mene hangge logolik noasuogeluk ugunem youkhigik, ikhi lagagisigaro.

FILIPI 3:2

It afuni ekhe inobabut mene olo mene obabut hangge andi nen, yi mene ti mene faget weak hilingiti logolik, ”Hinagap hinenggalimo mene palogo lakfisano,” iluk hinendawimo kagali wesinogo iluk hinebe hebelogo logoino o.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

2 PETRUS 2:22

It andi afuni nen inane lagakhogo mel iluk agarek andi hak hilingiti logogun: ”Mene nen he hebak wurogo fuluk, hobuk ambotkwe na lagarek. Nen, wam he agap fano sobalek mene hobuk fesimo hulele wasi kwikherek,” iluk agarek andi hak he, it a'nogoat eberogo nen hilingiti logogun andi.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.