MATIUS 7:28 - Allah Wene Fano Wene Hupla Inane

^28-29 Yesus nen wene a'nogo ilik waga lagaikhesik wene wurep kofokhogo isikhemo re, it afuni hokhorogo omanogo nen he, ”Egi! Wene ikhe andi, it ap Allah ane lisu palek eisewerek mene nen yaganisagarek hangge ili'logo lego. We, aren he, wene ebe eisewerek mene nen u hak ikhe andi, nailo e!” iluk fogeratukwa.

MATIUS 7:28 ပူးပေါင်းရင်းမြစ်များ

MAZMUR 45:2

An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

MATIUS 11:1

It ap Yesus ane wanhi lagaukwa mene inebe 12 nen omanogo wene komorogo fisaluk he, afuni inawi sili lombok wene fano wene a'nogo yagaisigik, komorinafik, igeluk he, o andoma nenat lagaikhe.

MATIUS 19:1

At Yesus nen wene andi arat yagaisasikhesik he, o Galilea herakfisaluk he, o Yudea tonggwe i Yordan aik eliba pisikhe.

MATIUS 22:33

it afuni hokhorogo omanogo inesanggo holhukwasik he, ”Egi! Nailo e,” iluk fogeratukwa.

MATIUS 26:1

At Yesus nen wene andi mondok arat yagaisasikhesik he, hobuk agoromi ane wanhi lagaukwa mene omanogo mel yagaisasikhe:

MATIUS 7:27

meiso hokho pi wagik, i fu hokho wagik, sogoi hokho funha wagik, ikhi logolik, o a'nogo wathasikhemo, sanokhogo waluk laga logolik mondok meisak lambukhogo weaget fesikhe andi hagaro,” iluk yagaisasikhe.

MARKUS 1:22

Yagaisugunem it afuni omanogo nen he, mel isukwa: ”Ap Allah ane lisu palek eisewerek mene nen yaganisagarek hangge ili'logo lego. We, aren he, wene ebe eisewerek mene nen u hak ili'logo andi, nailo e,” iluk fogeratukwa.

MARKUS 11:18

Komorinafunem, it ap Allah eisewerek inogogwi kaindek inom, Allah ane lisu palek eisewerek mene inomen wene andi inesanggo holhukwasik he, Yesus wasuogeluk weim abok isukwa. Weim abok isukwa andi re, Yesus nen wene yagaisugunem afuni hokhorogoat at ane holfuluk fogerati lagaukwa andi nen, at ebe inailo agaukwasik he, wasuogeluk isukwa andi.

MARKUS 6:2

Lagaukwasik he, inenggi sabit oba Allah faget weat logolik, o afuni Yahudi mene samban agarek oba inebe hokhorogoat were'ma inoba kwisikhesik, wene yagaisasikhe. Yagaisugunem, it inebe hokhorogoat omanogo nen he, mel isukwa: ”Egi! Nailo e. Ap yi a'nogo hilingirik nikho andi re, koma nen yanggulhesik hilingiri'logo. Endawimo mondok kagalek andi, wene nena wene endawimo logolik yaganisili'logo. Enggi fagisugunem elalinat hilinginabi'logo andi, ninggi'nogo hilinginabi'logo.

LUKAS 19:48

A'nogo abok palhi lagaukwa meneat he, it afuni hokhorogo re, at Yesus ane ugunem inesanggo hologo mondok welagaukwa andi nen he, at ebe ninggi'nogo wasu heat hilinglaga lagaikhe.

LUKAS 2:47

A'nogo ikhi logolik, iren heinok wanhunem, at wene mondok elu logolik onggo yagaisasikhe andi nen he, it ap andogorek welagaukwa mene omanogo mondogat ane inesanggo holhukwasik he, ”Eigi, nailo e!” iluk fogeratukwa.

LUKAS 4:22

it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

LUKAS 4:32

Yagaisikhi logolik, wene ebe eisewerek mene nen agarek hak ugunem en, it omanogo nen he, ”Nailo e!” iluk fogerati lagaukwa.

LUKAS 7:1

At Yesus nen afuni hokhorogo omanogo ineilhanem wene a'nogo mondogat yagaisasikhesik he, o Kapernaum kwi wagaikhe.

YOHANES 7:15

Yagaisugunem he, it ap kaindek Yahudi mene nen he, mel isukwa: ”Egi! Nailo e. Ap yi sekolah hilingiti'lek meneat he, yi wene ti wene yoma ninggi'nogo nen elu aga anggegep,” iluk isukwama,

YOHANES 7:46

iren he, mel yagaisasukwa: ”Eige! Wene aren ili'logo andi hak he, it ap ekhe nen wene a'nogo ugunem isogorek lek meneat he, aren wene hunogoat ili'logo andi nen ebe herakfogo o,” iluk, yagaisasukwama re,