MATIUS 7:21 - Allah Wene Fano Wene Hupla Inane

²¹ A'nogo yagaisasikhesik, ekhe mel yagaisasikhe: ”Hit afuni nen, an yaganeti logolik he, Ninoe, ninoe, iluk ikhi lagep andiba hinebe mondogat, an Neisena Allah pogoroba mene awe a'ma fisikhere'ma andoma kugun lego. We, it ekhe, neisena Allah endawimo anggikherek mene higithogo hilingiri'lagwi mene andi nek kwi logoin o.

MATIUS 7:21 ပူးပေါင်းရင်းမြစ်များ

MATIUS 12:50

Sa nen an Neisena pogoroba mene endawimo anggikherek mene higithogo hilingiterek halok, at andi an nagot, nerei, nagaisa werego,” iluk yagatikhe.

MATIUS 16:17

A'nogo yagatikhemo, at Yesus nen he, ”Simon Yona amlogo nagore. Afuni nen yagahetama egen lego. We, an neisena pogoroba mene nen yagahetemo egen higi o. Halok he, hendawimo hagaiyek hikhi logoino.

MATIUS 18:10

A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

MATIUS 18:19

”Nen, wene ekhe yi yagahisak. Hit hinebe pire a? Henagan a? An nenuba andogosugun halok he, an nebe hinanggele'ma andoma ninom logogun, andi nen he, hit hinebe pire mene nen kweangma yoma logolik, hinendawinggen misigat a'luk, hiren, ”Ekhe wo'nisan, iluk nena mene Allah kino yagasugun halok he, kino ugun mene andi an neisena pogoroba mene nen hinane esanggo holimbik he, wokhisagain aro,” iluk yagaisasikhe.

MATIUS 18:3

”Hit afuni yi re, hinebe hebelasimbik hinobabut yenggerugwi yi inobabut hangge hilinglasugun lek halok he, Allah nen awe a'ma fisikhere'ma andoma kugun mondok lego, iluk eberogoat yagahisigi.

MATIUS 18:35

Andi hagat, hit hinerugwi hinagaila'lagen weaget hinabi'lagwi mene andi hinendawinggen enat sebelogo legetfisigi'lek halok he, an neisena pogoroba mene nen a'nogo hilinghinabigin aro,” iluk yagaisasikhe.

MATIUS 19:24

A'nogo yagaisasikhesik he, aren he, ”Wene andi meneat hobuk ekhe inom yagahisak. Wam unta hokho andi mene re, lisu enggetma elok longhogo kwigin meneat he, it afuni inagarek hokho mene andi Allah nen awe a'ma fisikhere'ma andoma kugun mondok elo'lego,” iluk yagaisasikhe.

MATIUS 25:10

onggo pala lagaukwama re, at ap agwe ikhikhe mene a'nogo arat wagaikhesik he, it inendawinggen wenggelek mene tegelogo fakhaluk welagaukwa mene omanogo inom pesta hilingiti logolik seni isago nuogeluk woginarek oloba kwisikhesik kwe yagatikhe.

MATIUS 25:21

at oe a'nogo nen he, ”Nagot wa! Hat he, fano mondok. Hobabut humbun andi nen he, higithogo mondok hilingiti lagenma higi o. Endebat meneat he, wokheti mene humbunhogo fisogo welagen andi nen he, hobuk mondok hokhorogo fisogo logoinogeluk, menhobagambik wokhesigin o. An hoe nendawimo nagaiyek hikhi lagi andi hak, nemberegat ninendawimo ninagaiyek houwogeluk, kwi me o,” iluk yagatikhe.

MATIUS 26:39

at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

MATIUS 26:42

samban attak isikhe hagat, hobuk ambotkwe lagaikhesik he, mel isikhe: ”Neisena a! An weaget nabugun yi re, telnabigin elo'lek halok he, hat hendawimo anggegen andi higithogoat hilinglasuago,” iluk, samban isikhe.

MARKUS 3:35

Sa nen, at Allah endawimo anggikherek mene higithogo hilingiterek halok he, at andi an nagot, nerei, nagaisa, werego,” iluk yagaisasikhe.

MARKUS 9:47

Hineilenggen nen weagethinabu hak hilinghinafe halok he, hineilenggen fenakwe hemelogo lakfisaluk fenakwe nek logolik Allah awe a'ma kumo fano. Mene re, hineilenggen wuthogoat logogun halok, wea'ma endu nagul agi'lek soborenggen wa'lagi'lek inoba fugu mondok welagare'ma andoma lakfisamo weak iluk, hineilenggen fenakwe hemelogo lakfisano o.

LUKAS 11:28

at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.

LUKAS 13:25

Nen, o andoma ap awi eisewerek mene andi menlasimbik, kwe te'merogo yagati logoumo re, hit enda'ma mendek logolik kwe papaget hikhi logolik he, Noe! Nit kwe hu'nisan, iluk yagasugun meneat he, aren he, hit hinebe an nonggoro. Koma nen wagep, iluk yagahisugunem,

LUKAS 18:25

Wam unta hokho mene andi lisu enggetma kwelabumo elok kwigin meneat he, it afuni inangge hokhorogo werek mene Allah nen awe a'ma fisikherek oba andoma kugun mondok elo'lego,” iluk yagaisasikhe.

LUKAS 6:46

A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.

YOHANES 14:7

it mondogat yagaisikhi logolik he: ”Hit an nebe hinelu agep andi re, an neisena hinelu asigin aro. Hinelu asigin andi re, huli yogondak huli nen, at ebe agik, hineilenggen higik, arat hikhi lagebo,” iluk yagaisikhi lagaikhemo,

YOHANES 15:23

At sa nen an apsiri niikhe halok, an neisena ebeat apsirit fikhe o.

YOHANES 3:5

At Yesus nen he, mel yagatikhe: ”Afuni iba inom, Allah Areagun oba nen inom, taginafi'lek halok, Allah nen awe a'ma fisikherek oba andoma kugun mondok lego, iluk nane eberogoat yagaheti lagi.

YOHANES 5:17

A'nogo isukwa meneat he, at Yesus nen wene mel yagaisasikhe: ”An neisena enggi ekhe kamo igi'lek, o yogondak yi inomat hilingnafu mondok welagarek hak, an a'nogoat higirinafu welagi o,” iluk yagaisasikhemo,

YOHANES 6:40

neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

ROMA 2:13

Wene Allah nen komotninafikhe wene a'nogo inelu andiba, wene inoba mene korogo wokhikherek fuk. We, wene ebe komotninafikhe mene higithogo hilingitarek mene halok, wene inoba mene korogo wokhikherego.

EFESUS 6:6

Iren kwelakhinarek werek kwelek enek afuni mene inendawimo fanorogo hilingiti logogup. We, hinendawimo nen he, ”Kristus amingmingengge logolik, Allah endawimo amolo anggikherek mene andiat hilingiti logouwok,” iluk, hinendawimo ebet fulugen hilingiti logoino.

KOLOSE 4:12

At Epafras, Kristus Yesus amingmingengge ebe hit meneat a'nogo nen, hai wathinafe aro. Aren he, hit hinendawimo nen: ”Allah ane andi eberogoat,” iluk futfuluk he, hinendawinggen wurik asimbik hinebe mendegat logolik he, yi mene ti mene Allah endawimo anggikherek hak hilingitu logobagaigeluk samban hit faget ninghogo ugu mondogat welagarek.

1 TESALONIKA 4:3

Allah endawimo nen he mel anggikherek andi: ”Hit hinebe an faget nobagaluk horek mondok logolik, pailak fakfisagarek andi mene fakfisigi'lek mondogat logoino.

1 TESALONIKA 5:18

Allah endawimo nen he: ”Hit Kristus Yesus hinom hundik logolik yi mene ti mene mondogat faget an hai wa'nafi logoguno,” iluk anggikherek andi nen he, a'nogoat hilingiti logoino.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

IBRANI 4:6

Omanggum he, iren fano wene andi inesanggo holhukwasigat he, hologo higithogo hilingiti'lek andi nen, Allah nen he, ”It set walogoin,” isikhe andi, set ebe waligi'lek. Andi halok he, it afuni hunogoat mene ekhe elok set walogoin, iluk futfogoin o.

YAKOBUS 1:22

Wene Allah ane andi hinesanggo nek holfuluk kamo umo re, hinonggwaregen lalogoin andi nen he, hinesanggo holfuluk higithogo hilingiti logoino o.

1 PETRUS 4:2

Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.

WAHYU 3:5

Sa nen omame asigin halok he, su kut mene labetfagain o. Nen, an it afuni inelugerinafirek mene halok inenu buku eluk-eluk meneba palek werek a'nogo terogo lakfisagain lek. An neisena inom, malaikat yonggo lakfisa wagarek mene inom, ineilhanem, it yi an nagainafuri o, iluk inenu fakhogo yagaisagain,