MATIUS 7:2 - Allah Wene Fano Wene Hupla Inane

² Hiren wene it ekhe inoba fikhi lagep andi hak, at Allah nen a'nogoat wene hinoba fagain aro. Nen, hiren ilirengge walfuluk it ekhe wogisikhi lagep andi hak, at Allah nen ilirengge andibaat walhaluk wokhisagain aro.

MATIUS 7:2 ပူးပေါင်းရင်းမြစ်များ

2 SAMUEL 21:5

Iren onggo ikhi logolik he, ”At Saul Tuhan nen wenagaisogo raja menfesikhe mene a'nogo nen he, nit mondogat leget ninobagaigeluk hilingninafi lagama re, afuni Israel meneba nen he nit mondogat legarik logoin anggikhi lago o.

MAZMUR 109:17

At he afuni homan ikfisugu mene faget he mondok amolo welaga, at onggwaregat homan ugu logouwak! At he afuni inoba fanot fisugu mene mondogat onggot welaga, at onggwarek oba ogo re fano mene ekhe logoinogo!

KELUARAN 21:24

ap ekhe eilenggen taunget hikhe halok he, onggo eilenggenat taunget fogoin. Ap ekhe nen aik langgot fikhe halok he, onggo at aik langgot fogoin. Nen ap ekhe nen inenggi sombol fikhe halok he, onggo at enggi sombol fogoin. Nen ap ekhe nen ineisok sombol fikhe halok he, onggo at eisok sombol fogoin,

YESAYA 33:1

Nit ninaselei mene andoma re alomat laga logouwak! Niren it inangge ekhe telhi lago lek oba nen ninangge teluogeluk hilingitik, henarogo hilingiti lago lek oba nen iren henarogo hilingitik, agarek. Oba nen he arat telogo helaluk inom henarogo hilingi'luk inom he, it inonggwarek inobaat afuni nen hinatik, henarogo hilinginafik ugu mene hilinglasugun o.

YEREMIA 51:24

Tuhan nen ikhi logolik,” An nen Babel inom afuni andoma werek mene inomen o Yerusalem inaniniba hilingfisikhi lagaikha mene a'nogore ambisangma yogondak it inoba hilingfisikhi lagi mene andi hineilenggen tomok hili'lagwi o.

OBAJA 1:15

A'nogo isikhesik ekhe inom ikhi logolik he, ”An Tuhan nen afuni inunggulenu lombok inawene pilingisogo ayo wurinabigin sambul a'nogo re, ibi-eberogo nenat horogasi waga o. Nen, at Edom en hilingiti laga mene andoma re aren hilingiti laga onggo at oba ogo a'nogoat hilinglasigin. Aren afuni amu mene inoba hilinginafunem hikhi lagaikha andem hakhogo re arogo a'nogoat hagain aro.

MATIUS 6:14

Nen, afuni nen hit weagethinafa mene, hiren sebelogo legetfisegep halok, hineisena Allah pogoroba mene nen hit weak hilingitep mene andi sebelogo legetfisagain aro.

MARKUS 4:24

wene ekhe mel yagaisasikhe: ”Wene yagahisikhi lagi andi, fanorogo futfikhi logoino o. Sa nen wanhesik fisogo werek halok, hobuk Allah nen ekhe inom wogetik, nen, sa nen wanhi'lek, we, endebat fisogo logogin halok, telogo heligik, igin andi nen he, hiren afuni ekhe wanuageluk ilirengge walfuluk wogisikhi lagep andi hak, hiren wogisogoin higithogoat, Allah nen ilirengge walhogo wokhisaluk he, ekhe inom wokhisagain aro,” iluk yagaisasikhe.

LUKAS 6:38

Hiren hinangge yi mene ti mene it ekhe wogisegep halok he, Allah nen hirogo a'nogoat hesanggeat wokhisagain aro. Nen, ilirengge waruk elema kwelagaisogo ambem peterogo kwalhunem, yamukhogo pelakfuluk hobuk oba loukhogo peterogo ekhe pulelogo pugu kwelek wogisikhi lagep andi hak, Allah nen a'nogoat hokhorogo wokhisagain o. Hiren ilirengge walhalugen wogisikhi lagep andi hak, Allah nen ilirengge andibaat walhogo wokhisagain o,” iluk, yagaisasikhe.

2 KORINTUS 9:6

Wene andi faget igin yi hinendawimo futfeni. It afuni ekhe nen awi endephogo yari'lagwi mene re, enggen endephogo palugun o. Nen, it ekhe awi hokhorogo yari'lagwi mene re, ebe hokhorogo palugun o.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

WAHYU 18:6

Nen, hit he andiba wene fogoin mene nen, aren it hilinginafi laga hagat, wene ebe oba fikhi logolik, ekhe inom oba loukhogo feino o. Nen, aren i melagisikherek andi hagat, anini inoba fikhi laga mene andi, onggo wene oba fikhi logolik, ekhe inom oba loukhogo feino o.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.

HAKIM–HAKIM 5:27

at ebe he Yael elokhoma talorogo weing lagama re, kweangma warek were'ma haga.

1 SAMUEL 15:33

Wagaikhemo, at Samuel en he, ”Hat henggarok oba, hemi ineagwi warogo legetfisikhi lagen andi hak, an nen hat hagaisa eak ebe warogo legetfagain aro,” iluk yagatikhesik he, o Gilgal nineisena Tuhan wam, yi mene ti mene noletarek oba elokhoma andoma nen ap Agag a'nogo libik-labakhogo watikhe.