MATIUS 7:17 - Allah Wene Fano Wene Hupla Inane

¹⁷ E ero fano mene halok he, enggen he, fano meneat iterek. Nen, e ero weak mene halok he, enggen he weak meneat iterego.

MATIUS 7:17 ပူးပေါင်းရင်းမြစ်များ

MAZMUR 1:3

It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YEREMIA 11:19

An he domba ebe watarek oba nen wasuogeluk waluk lagunem endawi menenei agi'lek lagarek a'nogo higit welagi. Iren hilingisugun mene iluk wene palogo fagarek mene andi re an nobaget ugu kwelek meneat he an nobakhe palegat welagi. Iren ikhi logolik, ”Niren e ari enggen oan itu kwelek aremat musuogen he we'ni o. Niren leget fogoin halok he afuni nen at enu ekhe ebethikhi logogun lego,” iluk ikhi lagaikha.

YEREMIA 17:8

At andi re e i lagarek mene esanggoma wilibik were'ma, omanggen yagaisogo ima kwelabek welagarek mene hak werek. O hibi lagagunem aren ailoterek mondok lek, enggare muli-mulithugu mondok werek. Nen, o kweang andomaba yi mene ti mene mondogat pugarik wagarek oba nen, athe enggen itu mondok were'ma endawinggen fiterek lek.

MATIUS 7:18

E ero fano mene nen he, enggen he, weak mene enggen isigin lek. Nen, andi hak he, e ero weak mene andi, enggen he, fano mene enggen isigin legat.

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.