MATIUS 7:16 - Allah Wene Fano Wene Hupla Inane

¹⁶ Yi e ti e enggen iterek andiba, ero enegat hilinglagarek andi hak, iren hilinghinabugun andiba, inobabut enegat hilinglasigin andi. E panggi alok weak meneat he, enggen he, hele anggur fano mene enggen hangge itunem palharek nogo? I a, athe, hele mul alok weak meneat he, enggen he, e ara fano mene enggen hangge itunem palharek nogo? Mondok lego.

MATIUS 7:16 ပူးပေါင်းရင်းမြစ်များ

AMSAL 20:11

Yenggerugwi inobabut fano a, athe higithogo hilingiri'lago a, iluk inelu agarek andi re at hilingiterek oba kumut haluk inelu agarek.

MATIUS 12:33

A'nogo yagaisasikhesik ekhe mel yagaisasikhe: ”E ero fano mene nen enggen fano meneat iterek. Nen, ero weak mene andi, enggen weak meneat iterek. A'nogo iterek andiba, e enggen yi fano mene enggen igik, yi weak mene enggen igik, enegat futfikhi lagebo.

MATIUS 7:20

Andi hak he, it afuni lalinafarek mene andi inobabut a'nogo hilingisugun andiba, enegat agunem futfisogoin o,” iluk yagaisasikhe.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

YAKOBUS 2:18

It ekhe nen a'nogo ugunem, mel ugun, ”Haren he, nendawinggen Allah oba himbirik welagi ikhi lagen andi. Nen, an nen he, nenggiba nen leberisikhi lagi andi. Halok he, hat henggi nen leberisigi'lek logolik, ninendawinggen enek Allahba himbirik welagi iluk ikhi lagen andi ebe ki. Inuk nean ta. An enek he, Nendawinggen Allahba himbirik welagi iluk, nenggiba nen leberisikhi lagi mene enegat werek andi, inuk heagain aro,” iluk yagaisagain andi.

YAKOBUS 3:12

Nerugwi nagaila'lak. Werama ero mene ebe saik isu hak nogo? Nen, saik ero mene ebe werama isu hak nogo? Andi hanggeat he, i eluge agai elesimo nen, i we mene ekhe wulibu hak nogo? Mondok elo'legaro.

1 SAMUEL 24:13

We nit nemberek ninobaget sa weak iluk andi re At Tuhan nen enek sikhiphogo yaganisoak. Hat neisena nen an hamingmingengge noba hiling nafi lagen mene andi re, At Tuhan nen enek obali'mo onggo wokheti logouwago, andi hilingik kwelek oba nen he an hamingmingengge nen endebengge iluk ogo hat neisena hendawimo ou-pou aple ekhe hiling hobagagi mondok legat.