MATIUS 7:13 - Allah Wene Fano Wene Hupla Inane

¹³ A'nogo yagaisasikhesik, ekhe mel yagaisasikhe: ”Wea'ma nong akha lagaikharek andi, kwe ambe palek andi hokhoat. Nen, kwe ebe yagoba lagaikharek andi esanggo langsegatma re, afuni hokhorogoat kwili'lagwi. Andi nen he, hit kwe endebat kelokhogo yago andiba kwi lani.

MATIUS 7:13 ပူးပေါင်းရင်းမြစ်များ

KEJADIAN 6:12

Afuni mondogat inobabut weak hilingiti lagaukwa andi nen, Allah nen afuni kweangma mene eilenggen isugunem he, mondok weak enek were'ma isikhi lagaikhe.

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

AMSAL 16:25

Nen kwe ekhe yethugunem he higithogo lagaikharek mene hangge werek, oba nen kwe andi elugunmo re wa'lagaikharek oba lagaikharek.

AMSAL 7:27

Hemi ariginik mene andi inaiba logoin halok he, wa'lasugun nen iluk kwe horok meneba herakhilik logoin andi.

AMSAL 9:6

Haren kemburogo hilingiti lagen mene andoma herakfisan o, hat heluk fanorogo logoinogen he, ap higithogo hilingitarek mene nen hilingiri'lagwi mene andoma higit hilingiti logoino o.

YESAYA 1:9

Nineisena Tuhan Omame Mondok Hokho werek mene a'nogo nen endephogo ekhe telninabilep le'ma nen he nit ninebe re afuni o Sodom, Gomora mene Allah nen felelenghogo leget fisasikhe a'nogo higit leget ninobagailep mene welago.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

MATIUS 3:8

Halok he, hinendawimo ebetfuluk, weak hilingiti lagep mene andi herakfisaluk, hinobabut hebela'luk hilingisu meneat higithogo hilingiti logoino o.

MATIUS 7:14

Kwe fanoma lagaikharekwe andi re, ambe palek andi endebat. Nen ebe lagaikharek andi mondok kilik-kelokse'ma afuni hokhorogo kwi la elo'lek andi nen he, inebe endebat enek kwili'lagwi andi o,” iluk yagaisasikhe.

LUKAS 14:33

Andi hak he, hit ekhe hinagarek yi mene ti mene hebisigi'lek logolik an nagoromi asuogeluk nawe a'ma kugun elo'lego,” iluk yagaisasikhe.

LUKAS 9:33

A'nogo hilinglagaikhemo, ap inebe pire aremnogo Yesus andoma hebisaluk louwogeluk ugunem he, Petrus nen Yesus yagati logolik, mel isikhe: ”Noe! Nit o yoma mondok fanoma welago higi. Halok, niren o sabu henagan, hat faget ekhe, Musa faget ekhe, Elia faget ekhe wuthinobagagun o,” iluk a'nogo isikhe andi re, wene ninggi'nogo mene ikhi lagi he, futfigi'legat yagatikhe andi.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

KISAH PARA RASUL 3:19

Andi nen he, hit weak hilingiti lagep mene andi, nineisena Tuhan Allah nen sebelogo legetfisaluk, hinendawinggen faget hineilenggen fanorogo hilinghinabi wagik, aren he, Kristus hinebe telhinaferek mene hinoba lakfei wesigin, iluk wene warisasikhe a'nogo ebe Yesus andiat hinoba hobuk lakfei wagik, uagen he, hinobabut hebelasimbik hinelokhe Allah wogo'no o.

ROMA 9:22

Andi hak, at Allah endawimo anggikhi logolik he: ”Afuni an nen elalinafigi meneat he, it ekhe na'mage liabi'lagwi andi nen, weagerinabigeluk, na'mage lagaikhe mene andi, iren nobabut palhik, nomame werek mene andi inelu agik, uago,” iluk afe morogo welagarek.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.

GALATIA 5:24

Ninebe Kristus Yesus agoromi mene halok ninobabut ninetogat logolik, yi mene ti mene ninamolo anggikhi lagagu mene andi, Kristus Yesus ebe eba menfuluk watukwa andiba warogo fesugu.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

1 YOHANES 5:19

It afuni kweangma mene inobabut inetok mene andi mondogat he, at obabut weak mene a'nogo enggiba welagaikharek. A'nogo meneat he, nit enek he, Allah ebe againafuri mene welago, iluk ninelu o.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.