MATIUS 7:12 - Allah Wene Fano Wene Hupla Inane

¹² Hit hinendawimo nen, it ekhe nen yi'nogo fano hilingninabilebe, iluk anggikhi lagep andi hagat, hiren it andi a'nogoat hilinginafi logoino o. Wene Allah nen Musa ayonggo fesikhesik komotninafikhe wene andi inom, it Allah nen inayonggo fugunem ane yagaisikhi lagaukwa wene andi inom, lambukhogo esin he, andi aro,” iluk yagaisasikhe.

MATIUS 7:12 ပူးပေါင်းရင်းမြစ်များ

YEHEZKIEL 18:21

Ap ekhe weak hilingiterek mene nen weak ekhe inom hilingitu aple herakfuluk, An nawene melalek oba higithogo hilingitu mene erora'luk, fano hilingitik, eberogo mene hilingitik ugu halok at hobuk wa'lasigin lek.

IMAMAT 19:18

Hineisena Tuhan Anat andi nen he, afuni nen hinoba ambumet fuluk werek halok, hiren onggo figik, hinapsiri watfisigik, ugun mondok lego. We, hinonggwarek hinebe hinendawinggen hundik welagep andi hak, it afuni ekhe mene ogo inebe hinendawinggen hundik logoino o.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 5:17

A'nogo yagaisasikhesik he, ekhe mel yagaisasikhe, ”An wagi andi re, Allah ane komotninafikhe wene a'nogo inom, it ap Allah ane yagaisikhi lagaukwa mene inane andi inom sebeligeluk wagi lego. We, eberogoat hilinglasuageluk esinet feigeluk wagi o.

LUKAS 6:31

Hit hinendawimo nen he, it ekhe nen yi'nogo hilingninabilebe! iluk anggikhi lagep andi hagat hiren it andi a'nogoat hilinginafi logoino o.

1 TIMOTIUS 1:5

Inendawinggen Allah nen horinafunem he, inonggwarek inendawimo nen he, ”An wene noba lek, nendawinggen selek welagi,” iluk anggikhi logolik, inendawinggen eberogoat Allah oba himbiret fuluk welagaikharek andi nen, afuni inendawirogo welagaikharego. Halok he, it a'nogoat logouwageluk komorinafi logoino, iluk yagahetigi andi.

YAKOBUS 2:8

Menere, hiren higithogo hilingiti logogun mene yi. Allah nen komotninafi logolik wene esin he, mel isikhe: ”Hit hinonggwarek hinebe hinendawirogo welagep andi hak, it afuni ekhe hinom welagep mene andi hinendawirogo logoino o,” iluk isikhemo, lisu palhukwa mene werek andi higithogo hilingiti logogun halok, fano hilingiti logoguno.