MATIUS 7:11 - Allah Wene Fano Wene Hupla Inane

¹¹ Hit hinobabut weak hilingiti lagep meneat he, hinagainafuri fano mene wogisagarek andi hinelumo re, fano mene wogisikhi lagep andi. Andi hak he, hineisena Allah pogoroba mene andi re, kino yagasugun mene halok mondok fano meneat wogisagain lek nogo? Wogisagain aro.

MATIUS 7:11 ပူးပေါင်းရင်းမြစ်များ

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

KEJADIAN 8:21

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.

2 SAMUEL 7:19

Neisena Tuhan nen, nit fetninarek welagen mene andi esin meneat he, andi endebat hangge. Oba nen he, hobuk afuni an nen tagongge mene fano hilinginafi logogiluk wene wa'neten andi nek he mondok esin hokho mene o, neisena. An nebe afuni meneat, hat hebe Tuhan Allah nen wene nit hobuk hilingninafi logogin mene faget yaganeten andi, neisena.

AYUB 15:16

Nen, nit afuni weak mondok nonghonghogo, hilingiti lago mene yi, weak andi mondok i hak hilingik logolik hundik-handik hilingiti lagoma re ebenagaik fanoaphogo ninobagau re mondok elo'lek.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

MAZMUR 85:12

O kweangma afuni nen inaberali agi'lek tiphogo nek hilingiri'lagwi mene andi re yi mene ti mene wuliferek higit lagagunem he, At Allah nen katokhogo hilingiterek mene a'nogo re pogoroba nen pelak ha wagarek.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YESAYA 49:15

A'nogo ugunem Tuhan nen onggo yagaisikhi logolik he, ”He misik ekhe nen onggwarek omalik oba onggorasu hak nogo, nen at onggwarek eak takhikhe mene oba abit asu hak nogo? He andi nen eak elok onggorasuba nen, An he hat hoba nonggorasigin mondok lego!

YESAYA 63:7

At Tuhan obabut fano nen nit Israel mene abit agi'lek endawitninafu mondok logolik, yi mene ti mene oba heilarogo wogisagarek hak, fanot ninaferek andi nen, an nen Allah nit ninebe endawitninafu mondok welagarek mene andi faget, it ekhe yagaisigik, nit ninobaget hokhorogo hilingiterek mene andi faget At fogeratik, igin o.

YEREMIA 17:9

Afuni inendawinggenma re yi'nogo hilingik iluk futfisa lek hak, yi mene ti mene andoma we endep harek hak, oba nen he afuni inendawinggen andi re awulagam mondok weak, nen obabut ogore mondok weagat.

YEREMIA 33:14

Tuhan ane ikhi logolik, ”Inenggi ekhe asi wesigin meneba re An nen afuni Israel mene inom, Yehuda mene inom wene watigi mene a'nogo higithogo hilingisigin.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

MATIUS 23:9

Nen, hineisena pogoroba mene misigat welagarek andi nen he, ap kweangma mene ekhe yagati logolik, Neisena, iluk yagasugun mondok lego.

MATIUS 7:10

I a, athe, Ikan nele, ugu halok, kisu mene wogisikhi lagep nogo a? Legaro.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

ROMA 3:9

Halok he, nit Yahudi mene nek he, fano agu kwelek, it endakwe mene nong asugun ugun nogo? Mondok lego. Afuni Yahudi mene inom, Yunani mene inom, mondogat lambukhogo weak mene awe a'ma logolik weak hilingitarek enek iluk attak yagahisigi andi.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

GALATIA 3:22

Allah aneba lisu palogo fikhi logolik he, ”Afuni hinebe mondogat weak hilingiti lagep mene andiba, hinenggi hele homago hangge welagep,” iluk, yaganisasikhe andi, nit ninendawinggen Yesus Kristus oba himbiret foumo, Allah nen abok isikhe mene a'nogo re, nit ninendawinggen at oba himbiret fogoin mene halok wo'nisageluk isikhe andi.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.

1 YOHANES 4:10

It ekhe inendawirinafarek andi ebe re, niren Allah ninendawiratugu fuk, lego. We, at Allah nen nit endawitninafikhesik, aren nit weak hilingitorek mene sebelogo legetfisaluk ho'ninabuageluk, amlogo ninoba pelakfei wagaikhe andi.