MATIUS 6:5 - Allah Wene Fano Wene Hupla Inane

⁵ A'nogo yagaisasikhesik ekhe mel yagaisasikhe: ”Halok he, hit samban ikhi logolik, afuni ekhe inagap oba nek fano hak logolik inendawinggen pire mene nen he, samban ikhi lagi andi afuni nen futnobagauwageluk, Allah awi wuri'mo kwagaresik he, inebe menla'luk samban igik, kwe handogalma menla'luk samban igik, agarek andi hak he, ikhi logogubo. It andi onggo hela hak he, we fogerinabi'lagwi andi aro, iluk eberogoat yagahisigi o.

MATIUS 6:5 ပူးပေါင်းရင်းမြစ်များ

MAZMUR 5:2

Tuhan neisena, an nen nane ikhi lagi mene yi holnafik, nendawi ouen ugu mondok welagi mene yi futnobagagik in o, neisena.

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 16:5

Ap wonoget fakhagarek mene andoma inebe mondogat he Tuhan nen abit anggikherek, it inoba wene were'ma re inili woginabigin lek.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

YEREMIA 29:12

Ma re, hiren An noba lebetninabin iluk kino yaganeti logogun. Hiren samban An noba yaganetunem he An nen hit onggo yagahisikhi logogin.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

MATIUS 21:22

Nen, hit yi mene ti mene Allah kino yagati logolik hinendawinggen at oba eberogoat himbiret fegep halok he, wokhisagain aro,” iluk yagaisasikhe.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MATIUS 23:5

Iren ekhe mene ekhe mene hilingiri'lagwi andi mondogat he, ”Afuni nen ineil nisoageluk inendawimo anggikhi logolik hilingiri'lagwi o. Iren he, samban ikhi lagi,” iluk, Allah ane suesinggaba lisu palogo inelhaba homatarek a'nogo, iren hokhorogo homatik, su endakwe mene hunogoat labetarek a'nogo, iren su ogo'lu uanhogo igisogo labetik,

MATIUS 23:6

nen, afuni seni hokho isago nunggunem, it ap kaindek hu'lagaikharek oba hu'lagik, o afuni Yahudi mene samban agarek oba andoma tulem healogo hu'lasi kwigik, afuni nen, guru neisena, iluk hai warinafik,

MATIUS 6:1

A'nogo yagaisasikhesik he, ekhe mel yagaisasikhe: ”Allah nen yi'nogo hilingiti logoino, iluk isikhemo, hiren higithogo hilingiti lagep mene andi, afuni nen ineilenggen hisikhi logouwageluk sele'ma hilingiti logogubo. Ineilenggen hisikhi logouwageluk hilingitep halok he, hineisena pogoroba mene nen onggo wokhisagain mondok lego. Hit hinendawimo ebe'ni!

MATIUS 6:16

A'nogo yagaisasikhesik he, ekhe mel yagaisasikhe: ”Hit sumburu ninggi'lek sambanat ugu mondok logouwogeluk halok he, it afuni ekhe inagap oba nek fano hak logolik, inendawinggen pire mene nen, Afuni ekhe nen enegat futninobagaluk inelokhonggen ofuselogo welagaikharek andi hak, logogun lek. It andi onggo hela hak he, we, afuni nen enegat yerisagarek andiat iluk, eberogoat yagahisigi o.

MATIUS 6:2

Nen, hit ekhe hinagarek werek mene nen, it lek mene leberisouwogeluk halok: An yi'nogo hilingiti lagi, iluk hinane a'mit suphogo hilingiti logogubo. It ekhe inendawinggen pire logolik inagap oba nek fano hangge logolik, o samban agarek oba kuluk inom, ebekwe laga logolik inom, it ekhe nen: It fano, iluk fogerinabuageluk hilingiri'lagwi andi, hit a'nogo hilingiti logogup. It andi onggo hela hak he, we fogerinabi'lagwi andi aro.

MATIUS 9:38

Andi nen he, Ap eabu eisewerek mene a'naga nen afuni enggen palugun mene ekhe lakfisoagen, At ayonggo fikhi logoino,” iluk yagaisasikhe.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

MARKUS 12:38

Afuni hokhorogo omanogo inendawimo inagaiyek anggugu kwelek he, at Yesus nen wene mel yagaisasikhe: ”It Allah ane lisu palek eisewerek mene andi nen weagethinabinogo iluk, hit hinobabut hebelogo logoino o. It inendawimo inamolo nen hilingiri'lagwire yi. Inasu uan mene laberaluk pasar onggo wanhare'ma andoma afuni nen inane agaukhogo hai warinabuageluk lagik,

LUKAS 11:43

Hit ap Farisi mene Allah nen weaget hinabigin o. O afuni Yahudi mene samban agarek oba ap kaindek mene inobali'mo hit tak elokhoma hu'lasi kwigik, nen, o pasar fagarek oba yi mene ti mene onggo wanharek oba andoma afuni nen hai fanorogo wa'ninabuageluk kwigik, ugu aple andi nek he hinamolo welagep andi.

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

LUKAS 18:13

at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

LUKAS 20:47

A'nogo logolik, hemi sogwe mene inawi wurik inom, inagarek inom, sebelikhi logoligat he, afuni nen inesanggo holiluk, it fano, anggoageluk samban uan-awan lithaluk lagaikharek a'nogo hilingiti'lek logoilepma re, Allah nen wene endebat inoba fuluk logoilep. Mene re a'nogo hilingitarek andi nen, wene enggin mene inoba fuluk weagerinabigin o,” iluk yagaisasikhe.

LUKAS 6:24

A'nogo meneat he, hit ap kain hineilmo werek mene halok enek he, hinangge hokhorogo werek andi nen he, hinendawimo hinagaiyek hikhi lagep mene, hobuk weagethinabigin o.

YOHANES 16:24

O attagaren huli yogondak huli, an nenu hombuk palogo yi mene ti mene ekhe kino igi'lek welagepma o. Halok he, hinendawimo hinagaiyek hokhorogo asubagaigen he, at kino yagati logoino. A'nogo yagati logoumo, wokhisikhi logogin aro,” iluk yagaisasikhe.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

1 TESALONIKA 5:17

Hit samban hundik mondok ikhi logoino.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.