MATIUS 6:33 - Allah Wene Fano Wene Hupla Inane

³³ Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

MATIUS 6:33 ပူးပေါင်းရင်းမြစ်များ

1RAJA-RAJA 17:13

A'nogo yagatikhemo, at Elia nen he, mel yagatikhe: ”Nerei e. Nit afuni Israel mene nineisena Tuhan Allah fogeratorek mene a'nogo nen he, Tepung al mene mangkok elema mene andi lek agi'legat, nen, amusu botol elema mene andi lek agi'legat mondok were'ma nen enek, huli An hineisena Tuhan nen o meiso kweangma pelabi wesigin andi huli asigin o, iluk ikhe andi nen he, ninggi'nogo hilingisigin he, iluk hendawi fitun o. Haren tepung al mene andem neak nemberek nogoin mene werasigiluk egen, meneat he, hit faget oan werasigiluk logolik, tepung andem mene sumburu roti endebat ekhe inom, i andi inom, he an tak weragaisogo wo'nesi we'no o,” iluk yagatikhe.

MAZMUR 112:3

It ineisok erokwe mene re inenggi werek mene agik, inangge yi mene ti mene hokho pokhorogo welagik, hilingik logogun, nen it andi re ninhup nanhup andoma fanorogo nek logogun.

MAZMUR 37:25

An nebe alageba nen pikhit yogondak arat yaman agarik welagi huli nen he, afuni inobabut higithogo hiligitarek mene andi, Tuhan nen inebe kofologo herakfisigik, iren tagomangge mene inamburu legen inambe kino weak hilinglagik, ugunem isigirek mondok lego.

MAZMUR 37:3

Hinendawinggen Tuhan oba himbirik logolik he, fano mene nek hilingiti lo goino. Hinebe hinawi welagep oba andiat logolik he, hinobabut higithogo nek hilingiti logoino.

AMSAL 10:3

Tuhan nen afuni fano hilingitarek mene nelerogo logouwageluk oboget isikherek lek, oba nen he ap weak hilingitarek mene inoba nek he iren ti mene helogoin iluk anggagarek mene omanogo hilingisinogo iluk Aren inanggwe palherek.

AMSAL 28:10

Ap ekhe nen ap higithogo hilingitarek mene omanogo weak mene hilingisuageluk inendawimo kagalhu halok, ap andi onggwaregen hele wepse'ma kwi lili'lago andi. Oba nen he ap inebe weagerogo fakhigi'lek welagaikharek mene andi re ineluk fanorogo welagaikharek mene eise asimbik logogun.

AMSAL 8:18

An noba re inenggi werek welagaikharek andi inom, agaugwerinafarek mene andi inom, inebe fano liokhogo welagaikharek andi inom, foukhogo werego.

PENGKHOTBAH 10:2

Ap hebelek mene nen inendawi werekhogo hilingitu kwelek, ap morue mene nen kwanirek mene hilingitarek andi re hilingisu hak.

YESAYA 26:9

O hubanggo an nendawimo nen he Hat faget ebet-ebet hilingiti lagi, nen, o hubet agunem he Hat hoba eberogo weri'lago. Hobuk Haren afuni kweangma werek mene ayo wurogo hilinginabigin oba andi re, afuni kweangma mene nen he eberogo mene re ebe yi aro iluk inelu asugun.

YESAYA 33:6

Nen At againafuri mene inoba re fanorogo liolek logogun mene wogisagain, nen it inagge inagap telinabigin mene re nendawinggen kagalek welagik, inelu agik, Tuhan oba inailorogo welagik, agarek mene andiat eise asugun.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YEREMIA 23:6

Nen, aren melalinafunem he afuni Yehuda mene re inagap telek logogun, nen afuni Israel mene re inailo lekhogo logogun. Raja andi faget he Tuhan nit ninagap telherek mene ikhi logogun.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 19:29

Halok he, an nenu hokho asuageluk sa nen awi wurik inom, oe agot inom, erugwi inom, eisena agaisa inom, againafuri inom, eabu siok inom, herakfisaluk waga halok he, obali'mo Allah nen onggo ebe mene mondok hokhorogo wogetik, nabulal-habulal wogetik, igin o.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

MATIUS 4:17

Lagai wagaikhesik logolik, huli andi huli nen, afuni andoma yagaisikhi logolik he, ”O Allah awe a'ma hinobagagin mene a'nogo yogondak arat horogasi waga o. Halok he, weak hilingiti lagep mene herakfisaluk hinobabut hebela'ni o,” iluk yagaisilik nikhi lagaikhe.

MATIUS 5:6

Nen, afuni sumburu inom, i inom, nele anggagarek hak, Allah endawimo anggikherek mene esinet fuluk hilingisu inamolo mene andi, sumburu inalabut ninghogo nenggarek hak, hobuk Allah nen inendawimo fanorogo ebe mene wogisagain andi nen he, inendawimo inagaiyek hikhi logouwak.

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

LUKAS 12:31

At Allah awe a'ma kuluk logogun andi mene esinet fogoin halok he, hit yi mene ti mene andi oba loukhogo wokhisagain aro.”

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

KISAH PARA RASUL 20:25

An hit nerugwi nagaila'lak mondogat wene Allah awe a'ma kuluk logogun wene andi yagahisilik nikhi lagi andi re, huli yogondak yaba nen he, hiren hobuk nelokhonggen hineilenggen neogoin lego, iluk an nonggwarek nelu.

KISAH PARA RASUL 28:31

A'nogo woginafunem, it ekhe nen wenageti'lek werek kwelek, at ailo lek fakhogoat wene Allah nen awe a'ma fisikherek wene a'nogo yagaisigik, Tuhan Yesus Kristus hilingiti lagaikhe wene a'nogo yagaisigik, ikhi lagaikhe.

ROMA 1:17

Allah nen mel isikhemo lisu palogo fesukwa mene werek: ”Hinendawinggen an noba himbirik logogun andiba, an nen wene hinoba werek mene a'nogo korogo wokhambik, ninom hobuk hinambotkwe hunogo hinobagagin mene halok hineluk mondok logogun o,” iluk isikhemo lisu palogo fesukwa hagat, Allah ninom hobuk ninambotkwe yi'nogo hunetlasugun, iluk, fano wene andiba sele'matfesikhe. Allah ninom hobuk ninambotkwe hunetlasugun wene andi ebe re, hunogoat mene ekhe hilingisugun oba nen fuk. We, ninendawinggen at oba eberogoat himbiret fuluk eroba nen pikhit huli erembul oba logogun andiba, Allah ninom hobuk ninambotkwe hunetlasimbik logogun o.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

2 TESALONIKA 1:5

Allah nen afuni wene inoba figik kotik higithogoat ikherek iluk enegat asigin. Hit yogondak Allah awe a'ma kuluk ane hologo welagep andi faget, afuni nen yi enggin ti enggin hilinghinafu kwelek a'nogo welagep andi nen, aren hobuk he: ”Hit an nawe a'ma kwi wesimbik hinawiwerek mondok logoino o,” iluk, yagahisagain andi.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

2 PETRUS 1:11

Ninoe Enupogot Yesus Kristus telninabi'logo mene a'nogo, kain mondogat logogin oba andoma hinobagai kwikhi logolik, aren he, ”Hit hinebe eisewerego,” iluk, hai warogo fanorogo wokhinarek kwigino.