MATIUS 6:31 - Allah Wene Fano Wene Hupla Inane

³¹ Halok he, hit hinendawinggen firogo menenei uan horok ebeti logolik, Ninamburu inom, ninagai inom, nangge nogoin? Nen, ninasu nangge laberogoin, ikhi lagep andi ugun mondok lego.

MATIUS 6:31 ပူးပေါင်းရင်းမြစ်များ

2 TAWARIKH 25:9

A'nogo yagatikhemo re at Amazia nen heinok wokhikhi logolik he, ”An nen perak it wogisigi mene andoma re ninggin lasigin?” iluk heinok wokhasikhemo re at nabi a'nogo nen onggo yagati logolik he, ”Haren it wogisegen mene andem he we endep harek oba nen he, At Tuhan nen ekhe inom seberogoat honggwarek wokhesu hak,” iluk yagatikhe.

MAZMUR 111:5

Aren afuni wene warisikherek mene andi re eberek mondok welagarek, Nen At oba lomborogo logolik futfuluk hilingitarek mene andoma re yi mene ti mene higithogo nek wogisikherek.

MAZMUR 37:3

Hinendawinggen Tuhan oba himbirik logolik he, fano mene nek hilingiti lo goino. Hinebe hinawi welagep oba andiat logolik he, hinobabut higithogo nek hilingiti logoino.

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

MATIUS 15:33

at agoromi ane wanhi lagaukwa mene omanogo nen he, mel yagatukwa: ”O leimo afuni inawi wurik le'ma yoma afuni hokhorogo andogorek werek yoma sumburu roti mene inalabut ninghogo noageluk, ebe koma mene melagisogoin,” iluk yagatukwa.

MATIUS 4:4

at Yesus nen he, ”Allah nen ikhi logolik he: Afuni sumburu nek ninggi logolik ineluk mondok welagaikharek lego. An nane igirek mene andi mondogat wanhu halok, ineluk mondok logogun o, iluk isikhemo lisu palogo fesukwama werego,” iluk yagatikhe.

MATIUS 6:25

An nen a'nogo yagahisigi andi nen, hit hinendawimo nen he, Nineluk logouwogeluk he, sumburu inom, i inom, nangge nogoin. Nen, ninebe su ki mene laberogoin, iluk hinendawinggen firogo menenei uan horok ebeti logoinogo iluk yagahisigi. Nenggarek mene andi esin nogo? Hineluk welagep andi esin anggigi. Su labetarek mene andi esin nogo? Hinebe andi esin anggigi.

MATIUS 6:27

Nen, hit ekhe hinendawimo nen, An nebe wa'lasigin andi sambul he, tekhogo wa'lagi'lek, hobuk endephogo ekhe neluk logoile e, iluk, menenei uan horok ebesigin andiba, heluk ekhe inom logogin nogo? Elo'lego.

LUKAS 10:41

at Yesus nen he, mel isikhe: ”Marta. Hat he, yi mene ti mene faget hendawinggen firogo set kwil-kwalhogo hilingiti lagen higi.

LUKAS 12:11

Hit hinanema wanuageluk, afuni nen it ap Yahudi mene samban agarek oba andoma inom, it ap pemerintah mene ineilhanem andoma inom, it ap inenupogot ineilhanem inom, wokhinarek hinobagai lagu halok he, hinendawimo nen he, Nit ninagap telogo wene re onggo ki mene ugun, iluk hinendawinggen fitubo.

LUKAS 12:22

A'nogo yagaisasikhesik, at agoromi ane wanhi lagaukwa mene omanogo yagaisikhi logolik he, mel yagaisasikhe: ”An nen a'nogo yagahisigi andi nen, hit hinendawimo nen he: Nineluk logouwogeluk he, ninamburu ki mene nogoin. Ninasu ki mene laberogoin, iluk hinendawinggen firogo menenei uan horok ebeti logoinogo iluk yagahisigi.

LUKAS 12:29

Hinendawimo nen he, ninamburu inom, ninagai inom, ki mene nogoin, iluk, andi meneat esinet fuluk hinendawinggen firogo logogubo.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

1 PETRUS 5:7

At Allah re hit hinebe fethinarek mondok werek andi nen, hiren yi mene ti mene faget hinendawimo menenei uan horok ebeti lagep mene andi herakfisaluk, at oba nek wogeti logoino.