MATIUS 6:26 - Allah Wene Fano Wene Hupla Inane

²⁶ Sue pogoroba kwe tarogo nikherek mene andi hineilenggen yethikhi logolik hinendawimo ebe'ni. It sue andi yi mene ti mene awi yatik, enggen itunem palogo obali'mo fagarek oba figik, agarek lek meneat he, Hineisena pogoroba mene nen hinamburu wogisikherego. Mene re, Allah nen it sue andi endawirinaferek nogo? Lego. We, hit hinebeat endawithinafi logolik, hinamburu wokhisagain lek nogo? Wokhisagain aro.

MATIUS 6:26 ပူးပေါင်းရင်းမြစ်များ

KEJADIAN 6:21

A'nogo waluk kwikhi logolik, yi sumburu ti sumburu hit hinebe inom, yi mene ti mene waluk kugun mene andi inom, nogoin mene faget waluk kino aro,” iluk yagatikhe.

AYUB 35:11

nen yi mene ti mene inom, sue, paik o kweangma werek mene omanogo wenggelhu mene endep hak wogisasikhe oba nen he afuni inendawinggen mondok kagalek mene wogisikherek mene a'nogo oba re weri'lagwi lek.

AYUB 38:41

Sue pim hangge mene enu gagak andi amburu nele nen, at ninggerek mene herarik yugunat lagik, wagik ugunem, sa nen lebethikherek nogo? At eagwi amburu wogosuagaluk inane hokhorogo kino yaganetunem sa nen wogisikherek nogo?

MAZMUR 147:9

Arenat he yi wam ti wam amburu nunggu mene wogisikherek, nen sue ket-ket sue eagwi nen inane sin etarek mene ogore inamburu wogisikheregat.

MAZMUR 50:11

Yirue tirue tomkwe welagarek mene andoma ogore An mene nek, nen yi mene ti mene o leikwe eluk welagarek andoma mondogat he An meneat welagarego.

MATIUS 6:32

A'nogo hilingitarek andi mondogat he, it afuni endakwe mene nen andi mene esinet fuluk herarik nikharek meneat he, hit yi nek he, yi mene ti mene legen hinelagaik hak welagep andi, at hineisena Allah pogoroba mene elu welagarego.

MATIUS 7:9

Hit ekhe hinagainafuri nen sumburu roti mene nele, ugu halok, ineisenalagen he, helep mene wogisikhi lagep nogo?

LUKAS 12:18

Endawimo ebeti lagaikhesik he, yi'nogo hilingisigin, iluk, mel anggasikhe. O wuri'mo attak fikhi lagiba yi meisalogo re, hobuk hokho mene ekhe wutfembik, nagarek inom, yi mene ti mene awi yati mene enggen palogo inom, o andoma mondok fikhi logogin.