MATIUS 6:25 - Allah Wene Fano Wene Hupla Inane

²⁵ An nen a'nogo yagahisigi andi nen, hit hinendawimo nen he, Nineluk logouwogeluk he, sumburu inom, i inom, nangge nogoin. Nen, ninebe su ki mene laberogoin, iluk hinendawinggen firogo menenei uan horok ebeti logoinogo iluk yagahisigi. Nenggarek mene andi esin nogo? Hineluk welagep andi esin anggigi. Su labetarek mene andi esin nogo? Hinebe andi esin anggigi.

MATIUS 6:25 ပူးပေါင်းရင်းမြစ်များ

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

YEREMIA 45:5

Nenahalok halok hat honggwaregen wene engginhogo hoba asu hak mene herarik laga lagen nogo? A'nogo hilingitu lego, Barukh nagailak! Afuni mondogat he An nen enggin mene inoba fagain, oba nen he hat enek he hagap telogo hobagaumo hebe heluk logogin o. Hat hebe yikwe tikwe lagunem he, An nen fetharek mondok logogin. Iluk An Tuhan nen nane mondogat igi o,” iluk ikhe yagati.

MATIUS 10:19

Hinanema a'nogo wanuageluk wokhinarek lagaikha halok he, hiren onggo yagaisogoin andi sambul at Allah nenat hinendawimo kagaligin. Halok he, onggo ninggi'nogo yagaisogoin iluk hinendawinggen fitubo.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MATIUS 6:31

Halok he, hit hinendawinggen firogo menenei uan horok ebeti logolik, Ninamburu inom, ninagai inom, nangge nogoin? Nen, ninasu nangge laberogoin, ikhi lagep andi ugun mondok lego.

MATIUS 6:34

Halok hit he, ohealek faget hinendawinggen firogo menenei uan horok ebetubo. Yogondak weak ari'logo mene werek kwelegat he, ohealek weak asigin mene ebesugun lego,” iluk yagaisasikhe.

MARKUS 13:11

Hit hinenggi hele warogo wene inoba figik, kotik, agarek oba wokhinarek lagunem hiren he, An nen wene onggo ninggi'nogo igin, iluk hinendawinggen fitubo. Wene onggo hit hendawimo nen kagalogo ugun lego. We Allah Areagun nen, yi'nogo ini o, iluk andi sambul yagahisagain meneat yagaisogoin o.

MARKUS 4:19

inendawimo nen, ”Yogondak ya faget ninggi'nogo hilingisigin he,” iluk, menenei ebetik, ”Nagarek hokhorogo logoilebe,” iluk inendawimo ebeti logolik, inonggwaregen laligik, inendawimo nen yi mene ti mene ekhe inamolo anggigik, agarek andi nen he, wene andi inendawimo kanggil agaresik he, enggen iterek lek andi aro.

LUKAS 12:11

Hit hinanema wanuageluk, afuni nen it ap Yahudi mene samban agarek oba andoma inom, it ap pemerintah mene ineilhanem andoma inom, it ap inenupogot ineilhanem inom, wokhinarek hinobagai lagu halok he, hinendawimo nen he, Nit ninagap telogo wene re onggo ki mene ugun, iluk hinendawinggen fitubo.

LUKAS 8:14

Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

1 KORINTUS 7:32

Hit he, hemi faget, ap faget, hinendawimo menenei ebeti'lek logobagaigen iluk yagahisigi o. A'nogo igi andi re, ap inagagwi lek mene nen he, ninoe Enupogot endawimo fano asuageluk, at faget esinet fuluk inendawimo ebetarego.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

2 TIMOTIUS 2:4

It ap kaindek andi, inogogwi kaindek inendawimo inagaiyek asuageluk weim yafi logolik, yi mene ti mene oloba mene oba ebeti'legat yafarek andi.

1 PETRUS 5:7

At Allah re hit hinebe fethinarek mondok werek andi nen, hiren yi mene ti mene faget hinendawimo menenei uan horok ebeti lagep mene andi herakfisaluk, at oba nek wogeti logoino.