MATIUS 6:23 - Allah Wene Fano Wene Hupla Inane

²³ Meneat he, hineilenggen weak halok he, hinebe abirengge o mum hangge logogun o. Mene re, hinendawimo o selek hangge mene andi mum aga halok he, eigo! Mondok ebenagai'mo mumat welagebo,” iluk yagaisasikhe.

MATIUS 6:23 ပူးပေါင်းရင်းမြစ်များ

AMSAL 26:12

Nen ap kembu mene andi nen he we misigam hangge nek wene fano agarek, oba nen he ap ekhe onggwaregen wonoget fakhikherek mene andi nek he ebenagaik elo'lek.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YEREMIA 4:22

Tuhan nen ikhi logolik, ”An nagainafuri andoma re mondogat kemburego, iren An fut nobagali'lagwi lek. It he omalik kembu mene hak hilingik logolik, wenggelhu mene endebat iluk ogo werek lek, inaniniba hilingisugun mene a'nogo faget enek he hibil-hebelhogo hilingiti logolik, fanorogo hilingisu mene omanogore mondogat nonghong sego,” iluk ikhe o, isikhe.

MATIUS 20:15

an nonggwarek eiseweregen igin mene nenat igi andi elo'lek anggegen? An nonggwaregen nendawi fanorogo wogisigi andi nen hat wene palhen, iluk yagatikhe.

MATIUS 6:22

A'nogo yagaisasikhesik he, ekhe mel yagaisasikhe: ”Hinebe selekhogo esage ibilik hangge, hineilenggen andiat werego. Halok he, hineilenggen fano halok, hinebe abirengge mondok selegat logogun o.

LUKAS 11:34

Ninebe faget he, esage ibilik hangge nineilenggen andi aro. Hineilenggen andi fano halok he, hinebe abirenggeat selek mondok logogun o. Nen, hineilenggen andi weak halok he, hinebe andi o mum oba hangge logogun o.

LUKAS 8:10

at Yesus nen he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene andi, hit enek he, wene andi hinelu asubagaigeluk fakhogo yagahisagain iluk, anggasikhe meneat he, it afuni ekhe andi re, at Allah nen he, Ineilenggen hikhi logogun meneat he, furogo hikhi logogun lego. Nen, inesanggo holhi logogun meneat he, furogo futfikhi logogun legaro, iluk isikhe andi higit asuageluk wene andi oba lithigigat yagaisikhi lagi o,” iluk yagaisasikhe.

ROMA 1:22

It inendawinggen a'nogo mondok mum hilinglagaikhesik logoligat he, ”Nit ninendawinggen mondok kagalego,” iluk agarek andi.

1 KORINTUS 2:14

Wene Allah Areagun en wo'nisikherek wene andi re, it afuni Allah Areagun inendawimo werek mene nek futfagarek andi nen, it afuni inobabut inetogat logolik, futfagarek lek. A'nogo futfagarek lek andi re, iren he, ”Wene andi afuni kembu mene nen agarek hangge ili'lagwi,” iluk agarek andi nen, wene andi futfigi'lek werego.

EFESUS 4:18

inendawimo mumat werek. Inendawinggen helep hangge abirengge nen he, fano wene inonggorat logolik, Allah nen afuni inelugerinaferek mene a'nogo inom hundik lek it ekhe mene welagaikharek andi.

EFESUS 5:8

Hit attak he, o mum oba welagagip meneat he, yogondak Tuhan againafuri mene agepsik, o selek oba welagep andi nen he, hinobabut o selek oba logolik hilingiti logogun meneat higithogo hilingiti logoino o.

1 YOHANES 2:11

A'nogo meneat he, ap sa nen erugwi agaila'lak abit welagarek halok he, at ebe o mum oba werego. A'nogo were'ma, mum en eilenggen mumetfikhemo ebe o mum oba nikhi logolik, ”Koma laga lagi heat,” onggot obakhe palek werego.