MATIUS 6:21 - Allah Wene Fano Wene Hupla Inane

²¹ Hit hinagarek hinendawinggen hundik mene andoma andogorek were'ma, hinendawinggen andomaat logogin o,” iluk yagaisasikhe.

MATIUS 6:21 ပူးပေါင်းရင်းမြစ်များ

AMSAL 4:23

Hendawinggen andi nen kwe fanorogo lagaikharekwe yagaheti logogin enggere, hendawinggen andire fanorogo halikhi logoino.

YESAYA 33:6

Nen At againafuri mene inoba re fanorogo liolek logogun mene wogisagain, nen it inagge inagap telinabigin mene re nendawinggen kagalek welagik, inelu agik, Tuhan oba inailorogo welagik, agarek mene andiat eise asugun.

YEREMIA 22:17

Oba nen, hat Yoyakim he amurek welagen. Hat he honggwarek henggi werek asigin mene nek herati lagen. Haren he ap weak hilingiti'lek kwelek inebe pinggi inoatik, afuni ha'mageba sebelogo fisigik, hilingiti lagen.

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

MATIUS 12:34

Hit hinebe kisu nen tagongge mene yoma sani! Afuni nen yi wene ti wene inambeba nen agarek andi re, inendawimo peterek logolik kagalogo lagai wagunem agarek andi nen he, hit he, hinobabut weagat logolik wene fano mene ikhi logogun nogo? Elo'lego.

MATIUS 6:22

A'nogo yagaisasikhesik he, ekhe mel yagaisasikhe: ”Hinebe selekhogo esage ibilik hangge, hineilenggen andiat werego. Halok he, hineilenggen fano halok, hinebe abirengge mondok selegat logogun o.

LUKAS 12:34

Hinagarek hinendawinggen hundik mene andoma andogorek were'ma, hinendawinggen andomaat logogin o,” iluk yagaisasikhe.

KISAH PARA RASUL 8:21

Allah eilhanem hendawimo mondok weak ebeti lagen andi nen, nit hilingiti lago andi, hat ninom eise asugun lego.

2 KORINTUS 4:18

Nit he, yi mene ti mene nineilenggen hogorek mene andi lek asigin meneat he, nineilenggen hogorek lek mene andi etok mondok logogin andi nen he, nineilenggen hogorek mene andi faget ninot somarogo hilingiti'lek, we, nineilenggen hogorek lek mene andi faget ninot somarogo hilingiti lagoo.

FILEMON 1:19

An Paulus nen palegengge noba welagi, iluk mondogat andi onggo fagain mene nonggwarek nenggi nen lisu palhi andi o. An nen, hat fano wene yagahetigimo honggwarek hebe faget fano mene eise agendik welagen andi, palegengge hoba figimo werek iluk yagahesigin meneat he, an a'nogo igin he, lek. Honggwarek helu aro.

FILEMON 1:3

Nerugwi nagaila'lak. Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik, ikhi logouwago.

IBRANI 3:12

Halok he, nerugwi nagaila'lak. Hit ekhe hinobabut weak a'luk, hinendawinggen Allah eluk mondok welagarek mene oba himbiret figi'lek logolik, at ebe herakfisaluk hinambotkwe wulibi lanogo iluk, hinobabut hebelogo logoino o.